JAKOP 4:11 - OTSAO BAIBEL (BSI)

¹¹ Kutüi kunaohom, hünzome tata to kaxma taxthüi. Opupue mix ang kaxma thüipuix chichangba mix kaxfün puix, chixe wanlom füi kaxma akaxpu tamchu wanlom kaxfünpu, ikoxle nange wanlom kaxfün le jangchang thüikoxle, nang a wanlom lwot tokya mix chichangle kaxfünkya mix ang changpu.

JAKOP 4:11 ပူးပေါင်းရင်းမြစ်များ

1 PITAR 2:1

Jowanpa ipongpongle müikya hünzome wanle jang anodao thüiba, chimüikya oli pangnu, atsekya pangnu, künkux-mongkwom, osing-nüfux üntoxle tsaima-kaxshix pangwüi awütdao.

ROM NOK HATO ZAKYA POL LAIZA 2:1

O, nang ku zuikhui, nange mix bama kaxfün fapuix nyi? Nang tüta khünak wüi changlax, nang ang thailak müntüi chemthüikoxle nangechu kwom füi talailaile mokngo laxle otue nange mix bama kaxfün fapuix, nange nang alüile ahaipu.

JAKOP 5:9

Kutüi kunaohom, hünzome tata mowün ama le taxtüi, ikoxle Zange hünzom ang kaxfün fakya müntüiüi. Kaxfünpa ngai ang a chwonle tüile.

KAXHO MÜIKYA LUK 6:37

“Mix ang kaxfün taxfa, ikoxle Zange nang kax münfünüi; mix ajao ahaile taxchang, ikoxle Zange nang ajao ahaile münchangüi; mix ang thailak laxkox, ikoxle Zange nang ang thailak faüi.

1 KORIN 4:5

Idaile asukhakle otu nguile mahüi tanto hünzome owa angchu kaxfün taxfa. Jowanpa mangui tanto oshuk kaxfün bama tanngo angkya changle. Chixe zangnak khato pyenle thomkya jali zangngai to alaiüi ilaxle khünak mong angkya huxsa mongjang otok to angaiüi. Üntoxle mae kopsese münchong Zang tokhange pangnusae wüi kopüi.

MÜNCHUAK-TSAI 140:11

Changnong pünthomle tüikyabu mwot otuechu oza laile chang ang taxtom; chakmok-janlangle tüikyabu hwom ochaxe zaze-zazele hwom-ha alople naxchang!

EFISIA 4:31

Khüt-kopkyabu pangnu, mongtsik hia mongma, ibu füi atsaile ngolax. Akhong-akhakya chichangba adix-adakya tamchu miktsak mongngwom chemchu taxtüi.

2 KORIN 12:20

Ku ikhato nguikya zuma, hünzomchu ku tutex füi opüi ma ilaxle kuchu hünzom zongto hünzom tutex füi opüi to nakbang le ku zamaxündai. Ku thoma ohyet-otsi hia osing nüfux, mongtsik hia saxkün, ajao ahaikya hia zaxhun, mongngam ilaxle tuwuk-lajatbu nakbang le zamaxündai.

2 TIMOTHI 3:3

akak akünkya chitüi, chingchajaja chitüi, mix zia ama ang tungkyabu, shixle zochongkyabu, ilaxle za-adünkya, ibu hwom ma tüiüi; hwome müikya thua anuüi;

1 TIMOTHI 3:11

Hwom kakonubuchu wüi müikya zanglom saikha füi tüi angkya ilaxle zaman mix chichang angkya changle; hwom a tok-ngakyabu füi atsaile ngo angkya üntoxle pangnuli towüi mongao chitüi le chang angkya oli.

ROM NOK HATO ZAKYA POL LAIZA 7:7

Jangchangba keme chemle thüiüi? Wanlom ochax changle le thüiüi hia? Ile otuechu münchang! Ibachu ku ang ochax apuale fakya a wanlom changle. Wanlome “Nüfux taxtüi”, le chithüi thüikoxba nüfux a chem hex kue chiawanse.

ROM NOK HATO ZAKYA POL LAIZA 2:13

Idaile wanlom na ma atatkyae Zang thüntho ma khünak otsao ang achangüile münchang, ikoxle wanlom ma tüikya ningle mokkya mix tix sukya ang achangüi.

JAKOP 1:25

Ikoxlechu khünaknu ang khangkho angai le koxkya sukya wanlom to hu üntoxle atat zaza laxle asam le chichang homtoxle mong ma tikshingshing le kop üntoxle mwot ang achangle mokle jangchang thüiningle, nange mokkya mwotlom pangwüi ma nang to Zange mohimanüi.

TITA 2:3

Azunubu hama, otsao tsün ngokya mixnu tuita chemle ngose hex ile ngo angkya adangle laxkox. Hwom a khualop cha tamchu ju danubu ang chingoüi.

JAKOP 1:16

Ku mongkün tüinaohom, hünzom dyen-ngan ang taxtom!

JAKOP 1:19

Ku mongkün tüinaohom, ija texle ataklax! Apa ang pangnusa wüi mom angkya changle, ikoxchu zangwün ang hia mongtsik ang zaxhun ma changkoxtix müiüi.

JAKOP 2:8

“Ma bütukuxle tomzi to mongkün kox”, le Otsao Lai ma bangkya Wangting wanlom kax ma laxle hünzom jangtüi thüikoxle hünzome sukya mwot mokle hüikya ang changüi.

JAKOP 5:7

Idaile kutüi-kunaohom, Jowanpa mangui tanto aduhüi. Hwom haxtokbue hwom ang ma manzai oziak opua dün angkya hanpakma manzai mixbue chemle adupuix, ito hulax. Tsosa hia khokse zangwat hwome adule tan.

JAKOP 5:10

Kutüi kunaohom, Jowanpa mün ma akax daokya ajepabu hünzome texle ataklax. Sikngün pongma apyen angkya bama hwom a kaxpan ang laxkox.