JAKOP 3:5 - OTSAO BAIBEL (BSI)

⁵ Le bamachu ija ningle changpu: Ija muaküsa changle, ikoxlechu tüpong-tüpong tsaichong-kaxbongle tüi ang tsuakle. Tüpong-tüpongkya faonu ngaxchu amoküsa wünchua füi zokle ashun ang thokya bama ajangle anohu!

JAKOP 3:5 ပူးပေါင်းရင်းမြစ်များ

WANWÜNKAX 18:21

Oja zang nange wündao laxpuix ijae nang khosün ang tsuak chichangba khohang ang tsuak; idaile nang zangwün khoma chem apongpuix ibu nange pongle lax angkya wüi changle.

WANWÜNKAX 12:18

Chiajang homle wünkya zangwüne changlo füi tsunkya tukuxle mak-kha ang tsuakle, ikoxle ajang laxle wünkya zangwüne kak amüi ang tsuakle.

WANWÜNKAX 15:2

Chemtue jetüi-hwonlangkya khünakbue zangwünpuix, hwome tsing-wankya to mongzao ang tomle, ikoxle ongat khünakbu wikha makhange khangka ma chilekyabu alaile.

MÜNCHUAK-TSAI 17:10

hwom ma chingcha chemchu müntüi üntoxle ongamngam zangwünle.

JUD LAIZA 1:16

Ibu khünakbu a jento kax ma alatlanle tamchu mixmo omale wünkyabu changle; hwom a ma ochax küntsu monglua füito azuile; hwome ma bama alüile tsaichong-kaxbongle tüile; ilaxle hwome ma lomtang kop angkya kuxma mix loplüi füt ang tomle.

JEREMIA 18:18

Ifüima khünaknue thüi: “Jeremia hanpakma tütali tümok-hax! Kem ang adangle fa angkya hanpakma nguapabu, zün-sai angkya hanpakma jepabu, ilaxle Zang kaxho angkya hanpakma ajebu tüile ngo angkya changle. Kemepi chix ma kaxhux fehax ilaxle chix zangwün to apale taxngohax.”

MÜNCHUAK-TSAI 10:3

Chichangchizangkyabu hwom ochax mongzok bama huanuma ngamle; nüfux füikya mixe Jowanpa to thuakzomle tamchu chix chilaxle awütle.

EZEKEL 28:2

“Ziün angkya khünak, kue chix füi akaxle ngokya kax, Tair nok wanghompa hato hokox: Ongam ahole ngolax, nang ning baozangle dai hix le. Tinue akhople nang a baozang tuita lailaile wanghom tüntong ma thung laxle tüile le nang akaxtüi. Nange baozang changle le atsing koxlax, ikoxle nang a ziün angkya khünak changle, chizi angkya Zang münchang.

2 PITAR 2:18

Achax le ngokya khünakbu füi atsaile pao ang owang wangtankyabu tsün angkya hanpakma hwome chilaxli ongam zang wünle, üntoxle müi-hi-aji mongzok zalokya lom to tsangtsa twonle.

DANEL 4:30

chixe thüi: “Hulax Babilon a chemkuxma chongpuix! Ku tsak-zong hia ku janzüi, ku fuazang hia kuzax-kuzangkya aho ang kue ija tingnu a ku pongwün tingnu ang zingpu.”

JOB LAIPEX 22:17

Khünak ibu a Zang chilaxle awütkyabu changle; chixe hwom to chemchu münlünthole mongchongkyabu changle.

LAIPAO 15:9

Zanpabue thüi: ‘Kue hwom to achuaüi ilaxle kopüi; kue hwom tuina ahanüi ilaxle ku mong ma atsutsu laxüi; Kue ku changlo danüi ilaxle hwom ma atüitüi komle laxüi.’

DANEL 3:15

Chichang thüiningle athax ile thuaput-waxmaibu mütle klingkingkong zing atatkya füi tomle akhuxlaxle ija chapa tong to shwomle akhuxdao. Hünzome ile münmokle angamle jangchang thüiningle hünzom a athax ile okham wünnu khato shoüi. Ile changkya zuma hünzom azün angkya baozang owawa tüi angkya changle le hünzome ajang cha?”

EZEKEL 29:3

Ija a Ijip nok wanghompa füi Jowanpae akaxkya kax changle le thüikox: Nang a shuanu khato jiple ngokya tüle za-adünkya nomwang, ku a nang zanpa changle. Nail shuanu ang nange zingkya. Nangkux changpule nange thüitüi.

LAIPAO 5:2

Wanghompa-e atüi: “Jowanpa a owa? Kue büthüikoxle chix kax ma lax üntoxle Israel khünakbu danle apao angkya? Kue Jowanpa mün müntsing; ilaxle kue Israel khünaknu pao ang müntom.” Ile wanghompa ang mongtsak.

MÜNCHUAK-TSAI 39:1

Kue thüi: “Kue chem mokpuix khünkhikhile moküi, ku le makhange ku ochax to düt ang müntomüi; Ochax khünakbu ku zui ma tüipongma kue chemchu münakax.”

WANWÜNKAX 26:20

Ha chitüi thüikoxle wün maxle paoüi; khualop chitüi jangthüiba hyet a zakmaxüi.

JAKOP 3:4

Chichang thüiba khua tuita ajangle anohu: Ipongpong chongkya tamchu zangwin zongkya füitix jeple ahamkya changkoxlechu lak füi khuachei mixe chix mong atsutsu chito chüile pao ang thole.