JAKOP 3:2 - OTSAO BAIBEL (BSI)

² Kem othuithuima thaihompu. Ikoxle ojao chithaile zangwünkya khünak jangtüi thüikoxle, chix okhonguikya mix tamchu chix tsangtsa komle akumathum ang thokya mix changle.

JAKOP 3:2 ပူးပေါင်းရင်းမြစ်များ

JAKOP 1:26

Khünak owawae ma mong alüile dyen-nganle malualua to ma atsaole texlanlan laxle ma akumathumkya chitüi homle jangtüi thüiba, chix otsao zanglom ma chem lap müntüi.

WANWÜNKAX 13:3

Nange chem zangwünpuix ija bama khünzailax ilaxle nang khüzün awale koplax. Füitui texkya chitüile zangwünkya khünake ma max angkya atakle.

1 PITAR 3:10

Otsao Lai-e akaxkya ningle, “Owae khüzün to mongkünse tsu; tamchu hanpak omüi ngünse tsupuix; kaxma-ngaoshix taxakax, üntoxle atse le zang taxwün.

MATHI 12:37

Chemthüikoxle nang kax füi nang khoseüi tamchu nang kax füi nang thajao angkya changle.”

MÜNCHUAK-TSAI 34:13

Ile jangtexba ochax zangwünkya taxtüi üntoxle kaxthai zangwünkya taxtüi.

WANWÜNKAX 20:9

Chix ochax füi atsaile tüile tamchu khangka tsaothale tüile otsingtsing akax angkya khünak owawa tüicha?

HWON-NWOT-JAONO 7:20

Othuithuima chem mokse hex ijaja mok ilaxle thaikya ojao chitüikya khünak chaxwan tok ma müntüi.

ROM NOK HATO ZAKYA POL LAIZA 3:10

Otsao Lai kax ma tüikya ningle: “Tsaothakya mix tuitachu müntüi, awan atsing mix chichangba, Zang lomkya mix tuitachu müntüi. Khünak pangnu Zang füi janüna; hwom pangnu wüi othai to leüna; müikya mwot owaechu münmok, tuitaechu münmok.

JAKOP 1:4

Nang chasa tsün tsongle atya angkya hanpakma üntoxle chem machu thaithaxkya chitüi le okhongui angkya hanpakma, adukyae mwot tsuak ang laxkox.

1 WANGHOMBU 8:46

“Chemtue nang khünaknue nang zongto achaxle changüihex ilaxle ochax chilyenkya mix owachu chitüi: ilaxle nang ang mongtsik üntoxle nange hwom to zanpabue lüt ang tom ilaxle hwom a mixnok chaxwan to da ang koplaxle paole changpongma, ija chaxwan ochu towüi chang koxlechu,

JAKOP 2:10

Chemthüikoxle Wanlom tuita kax ma chilaxle tüikya mix a, Wanlom pangnu kax ma chilaxle thaikya ang achangüna.

ISAIA 64:6

Kwom pangwüi ochaxe awangle ngo; müile mokpu lükya kwom mwot ngaxchu othai ang wüi changle nui. Chemthüikoxle kwom a kwom ochax makhange jumle dütkya pünchak zangwin to pikle paongokya ningle chang.

1 KORIN 9:27

Ile mix hato apua anolaxle mawüi thaile nakbang le kue ku tsangtsa to chakthome tople atsak laxle akumathum ang tsuakpu.

IBRI 13:21

Chix mongtex mwot mok ang mongsom Zange hünzom hanpakma laxli müikya oli pangnu füi angui awangle naxfa, tamchu Khrista makhange chixe chix mong amüi angkya oli kem ma naxmok. Üntoxle othuithuima Khrista ang fuazangkya naxchang! Amen.

KOLOSI 4:12

Tuita Jisu Khrista da, tamchu hünzom othom kha angkya Epafra tokhange salam. Tsün tsongdaokya tamchu mong komle alüix daokya khristanbu ningle, Zang mongtex kax ma laxlaxle hünzom shingmong le ajong ang koxhüi le Zang ma jule, chixe hünzom hanpakma jento zangjople.

KOLOSI 1:28

Ikhoma kwome nok hato wüi Khrista apuk apua. Khrista ma mixhuak pangnu wüi tsongkya ang achangle Zang ngwotnui to pangnu wüi apüi angkya hanpakma kwome otsuaktsuak ma hwom ang kaxkhün akax ilaxle anwot-anopu.

GALATIA 3:22

Ikoxle Otsao Lai-e thüile: “Zangfang abakle ochax zonge womlaxle tüile; ikhoma Jisu Khrista tokya mongong ma tix koxüi hexo le tsaole thomkya hingho a opange onglaxpuix hwom angtix koxle.”

ROM NOK HATO ZAKYA POL LAIZA 7:21

Idaile wanlom ijae mwot mokle ngokya kue apongle; kue otue müikya mokse tsupuix, kue chichangchizang-zang paile kople.

2 PUKAX-PANGAO 6:36

“Chemtue nang khünaknue nang zongto ochax mwot mokle changüihex: ilaxle ochax lyenkya khünak owachu chitüi: ilaxle nang mongtsik füi nange hwom to zanpabue lüt ang tom ilaxle ojongjong tsailo chaxwan to changkoxchu zanda ang kople pao ang dan,

1 PITAR 5:10

Ikoxle noxta hanpakma hünzome sikngün apong füima, pangnu to chingchakya Zang, owae Khrista füikya notom ma oshuk chitüikya chix fuazang mantswon ang hünzom nyakpuix, chixe hünzom okho anguile faüi üntoxle hünzom ang shingmongkya, zong tamchu mongao chitüikya chifün faüi.

GALATIA 5:17

Chemthüikoxle oja kem khünak jaopoe lompuix ija a Chasae lomkya füi opüi changle. Ija nyi a tata füi zan changle, chemthüikoxle nange ma mongtsukya chemchu mok ang müntho.

MÜNCHUAK-TSAI 39:1

Kue thüi: “Kue chem mokpuix khünkhikhile moküi, ku le makhange ku ochax to düt ang müntomüi; Ochax khünakbu ku zui ma tüipongma kue chemchu münakax.”

WANWÜNKAX 10:19

Nange zang chemtukux wünpuix, itukuxle nange ochax lyen angkya chwonpai ma tüile. Nang jetüi-tüikya khünak jangchang, nang a dangle ngoüi.

WANWÜNKAX 21:23

Nang thama füi atsaile ngose jangtsu, nange chem akaxpuix ija bama khünzaikya tüilax.

MATHI 12:34

Hünzom pubu; ma chimüi khato müikya chemle akax thoüi changkoxkya. Chemthüikoxle mong chem füi awang laxle tüipuix, tun ma ibibi tix ngaipu.

LIWI 13:39

nguapae hule wanüi, ilaxle tsangtsa khwon angkya janmanbu tsezale achutle jangpao, ija a tsangtsa tok to mak laile paokya changwüi ikoxle ijae chix a zanglom ma chitsaokya ang münachang.

JOB LAIPEX 15:13

Zang füi mongtsik üntoxle nange chix pongle chikoppu.