JAKOP 3:17 - OTSAO BAIBEL (BSI)

¹⁷ Ikoxchu thakchi tokya je-hwon a pongwang ma tsaotha le changüi; tamchu ija a mongsomjale, somdangle tamchu asyen-abui le changüi; ija a chingchajaja oziak opuae awangle tüile; ija a mapai mixzünkya tamchu künkux-mongkwom füi janle tüile.

JAKOP 3:17 ပူးပေါင်းရင်းမြစ်များ

WANWÜNKAX 2:6

Je-hwon koxkya a Jowanpa tix changle; tsing-wankya hia man-ngünkya chix makhange tix hüile.

JAKOP 3:15

Iningkya je-hwon zangkangting tokya münchang; ija a chaxwannu kux, ija a chitsaokya tamchu bao füikya changle.

ROM NOK HATO ZAKYA POL LAIZA 12:9

Mongkünkya a zongbakle kün angkya changle. Chem oma hex ija thua anu, oja müipuix ija to mongle künkop angkya changle.

JAKOP 1:17

Müikya tamchu okhonguikya hingho pangwüi zangkangting tokhange hüikyabu changpu. Ija a, ding to zangngai zingle alaikya, owa tamchu chijei chichangba loploplüi le chitüi, ija Zang tokhange hüikya changle.

JAKOP 1:5

Ikoxle hünzom khama owawa je-hwon ma okho chinguikya mix jangtüi thüiba, chixe Zang ma ju ang laxkox; chemthüikoxle thaikya lomle chingo homle mongtsukya füi koxkya Zange ija chix ang faüi.

1 JUHAN 3:18

Kuli-kunaohom, kem mongkün a kax hia zangwün tata ma chichangüi; ija a mwot makhange ngün ang tomkya mongkün otsingtsing chang angkya oli.

1 PITAR 1:22

Hünzome otsingtsing kax ma laxkya füi künkux-mongkwomkya chitüi homle, tüinaoe tüinao to mongkün angkya hanpakma hünzom chasa tsaothale zingle fakoxle, hünzom tüinaoe tüinao to mong bakle koxkya füi, küntsao-mongtha le tamchu chizakle akün-aluale tüikox.

MATHI 5:8

“Kün mong tsaothakyabu mohiman; hwome Zang ngün ang kopüi!

1 JUHAN 3:3

Khrista to ija mongkün tüikyabu, Khrista chemle tsaotha le tüipuix, ilailaile ma tsaotha le tamchu sule thomle.

KAXHO MÜIKYA LUK 21:15

Chemthüikoxle hünzom zanbu owaechu hünzom füi apan ang chitho angkya hia lan ang chitsuak angkya kax üntoxle je-hwon kue hünzom ang koxüi.

KAXHO MÜIKYA LUK 6:36

Hünzom Hopa ma chingcha tüikya ningle hünzomchu chingcha füi tüilax.

IBRI 12:14

Pangnu füi tumüi ang azonglax, chemthüikoxle ija chichang homtoxle owaechu Zang ngün ang münthoüi.

2 TIMOTHI 2:24

Jowanpa da otuechu chiaheüi. Chix nok zongto wüi chingcha füi, tamchu müikya hia adukya füi tüi angkya oli changle.

1 PITAR 2:1

Jowanpa ipongpongle müikya hünzome wanle jang anodao thüiba, chimüikya oli pangnu, atsekya pangnu, künkux-mongkwom, osing-nüfux üntoxle tsaima-kaxshix pangwüi awütdao.

JAKOP 2:4

Ile jangchang thüikoxle mapai mixzünkya ma süisüichaple mokkya tamchu chisukya lom tokhange kaxfün fakya olom ma hünzom thaikya münchang lea?

IBRI 12:11

Kem to akumathumkya tuk ma, kem zongma mongmüi chichangle mongma angkya oli tuita ningle tüitoxle. Ibachu, ofüima a, opang ija füi akumathum le hüipuix hwom hanpak ma otsao mongsom aziak ziakle.

KOLOSI 1:10

Ifüima hünzome chix mong amüi angkyakya mokle Jowanpa mongtex ma ngo ang thoüi. Hünzome tsün ma müikya mwot pangnu li mokle alai ilaxle hünzom Zang tsingwankya ma tsongüi.

ROM NOK HATO ZAKYA POL LAIZA 15:14

Kutüi kunaohom, awan-atsingkya pangnu ilaxle tata to anwot-ano ang tsuakle, müikya pangnue hünzom awangle tüile le ku monge ongkya tüile.

JOB LAIPEX 28:28

Zang-e khünaknu ang thüi: “Jetüi angkya hanpakma Zang thua za angkya changle. Tsing-wan angkya hanpakma ochax hato tok aho angkya changle.”

1 PUKAX-PANGAO 22:12

Ilaxle chix Wanlom ma chemle tüipuix ilailaile nange Israel khünaknu apün-awangle tsuak angkya hanpakma Jowanpae nang ang tutex-mongjang hia je-hwon naxfakox.

1 KORIN 12:8

Chasae mixhuak tuita ang je-hwone awang angkya kaxho koxle, ilaxle ata mixsün ang ija chasasae wüi tsingwankyae awangkya kaxho koxle.

JOB LAIPEX 28:23

Je-hwon atak angkya onuia, Zang chix tatae awanle ngowüi.

JAKOP 4:8

Zang hato soxle hüikox, ikoxle chix nang hato soxle hüiüi. Ochax khünakbu, hünzome ma chak tsuxlax! Künkux-mongkwombu, hünzome ma mong atsaolax!

1 TIMOTHI 5:21

Zang üntoxle Jisu Khrista tamchu otsao kaxtaimixbu pomtho ma, nange mokkya mwot pangnu ma masüi mixlüikya chitüi homle ija adangle fakya kax ma laxle tüi angkya bama kue nang nyakpu.

WANGSHEMBU MWOT 11:24

Barnaba a Otsao Chasa füikya müikya mongong mix tuita changkya. Chixe khünaknu mongong ma Zang hato huanuma apüi.

MATHI 23:28

Ija lailaile hünzome kotok to hünzom tüle müile aho ikoxle mongkha a atsekya hia ochaxbue awang laxle tüile.

1 THESALONIKA 2:7

Khrista wangshembu ningle kwome hünzom atsang ang those, ikoxle kwome ija chilom. Ikoxle kwom hünzom füi ngotanto, nao honu tuitae naosa akox-akomkya ningle, kwom a somdangle tüikya.

FILIPI 4:8

Oshukma kutüi-kunaohom, münchong fakoxle asule tüikya hia oli müikyabu füi hünzom awangle tüikox; thüikoxle, otsingtsing, sukya, changkya, tsaothakya, mongkünkya ilaxle achuak achen ang asule tüikyabue awangle tüikox.

FILIPI 1:11

Zang fuazang hia achuak achenkya tüi angkya hanpakma, Khrista-e tix alai tho angkya otsingtsing müikya olie hünzom tsün awangle ngohüi.

WANGSHEMBU MWOT 9:36

Chopa ma Tabitha le amünkya mixcha tuita tüikya, she a mongong mixcha tuita changkya. (Grik kax ma she ang Dorka le amün, thüikoxle müikhi le amün). She e ma hanpak pangnu müikya mwot mok ang tamchu chitüi chinang mix to fong ang ashix.

JUHAN 1:47

Jisu-e Nathanel chix hato hüikya ngün ilaxle chix bama thüi: “Israel khünak tsingtsing to hulax; chix ma thaikya chem müntüi!”

JUHAN 1:14

Ija kax khünak ang achang laxle chingcha hia kaxtsinge awangle chix kem khama ngo. Hopa ang Hosa tuita wüi tüikya fuazang ningle kwome chix fuazang ngün.

MALAKI 3:3

Chix a, khop achuk üntoxle atsaole changkya ningle kaxfün fa ang nguiüi. Hun-hi-khop jaokyabue ibu atsaokya lailaile Jowanpa mwot-tsan mixe zompu-zangpabu atsaoüi, ikoxle tix hwome Jowanpa hato chem koxse hex ibu tö apüi ang thoüi.

MALAKI 2:9

Hünzom ku mongtex ma kax ma laxle chitüikya khoma tamchu pangnu to tomwüi chihukya khoma, kue, Israel khünakbu ang hünzom ada ang tomüi.”

DANEL 1:17

Ibu mixsün ali ang Zang-e man-ngünkya hia tsing-wankya fa. Ito bole chixe Danel ang mikngün-ohün hia wünmangbu tai ang awan angkya jetax-hwonnüi kox.

1 WANGHOMBU 3:9

Idaile nang khünaknu thakma kue sukya kaxfün fakya füi tamchu omüi hia oma ajatle awanle apün ang thokya lima ku ang je-hwon fahüi. Ile chichang thüiningle ibibikya nang khünaknu kue chemle apünthoüi?”

LAIPAO 36:2

Bezalel, Oholiab, ilaxle mama mwot tsingpabu opang ang Jowanpae janzüi koxle tüilaxpuix ibu tamchu opange fongsele mongtsukya tüilaxpuix, hwom pangwüi Mosa-e se ilaxle mwot owang wang angkya akax.

TITA 3:2

Owa angchu omale kax chithüi angkya, ikoxle mongsom hia zuikop manle tüi angkya ilaxle pangnu zongto wüi othuithuima jonai le tüi angkya hwom hama wünkox.

TITA 1:15

Ma alüile tsaole ngokyabu zong to pangnu wüi otsao; ikoxlechu mongong chitüikya hia achax le ngokyabu zong to tsaokya chemchu müntüi, chemthüikoxle hwom khangka hia tutex tsaotha le chitüi.

ROM NOK HATO ZAKYA POL LAIZA 12:18

Pangnu lito, nangchi makhange, nok füi wüi mongsom ma tumüi le ngotsuak angkya lima mokkox.

ISAIA 32:6

Angae ongat zangwünüi ilaxle ochax mwot mok angkya ajangüi. Chixe chem mokpuix tamchu chixe chem wünpuix ibu a Jowanpa ajao-ahaikya changpu, ilaxle chixe woknuak khünak otuechu müntux ilaxle tilan mix ang ti alingle münchangtox.

ISAIA 2:4

Chixe chongkya jat-libu ba angkya ala-ashakya zangwün tsuakle faüi. Hwome hwom changbu han-kho ang achangle thupüi ilaxle paxbu a fumham changlosabu ang thuple alaiüi. Jat-libu tamchatle tata zan to münkaüi, tamchatle achax-azan ang atha-nyemle münchangüi.

1 PUKAX-PANGAO 22:9

Ikoxlechu chixe ku füi tsaotsütle akaxle, ‘Tumüi lomkhaole apün angkya nang ang sasün tuita tüiüi, chemthüikoxle pangnu ochax-ozan chak tokya chix ang tumüi-wanmale ngokya koxüi. Chix mün a Solomon, changüi, chemthüikoxle chixe apünkya tuk ma kue Israel nok ang mongsom hia ojik-naja tüi ang tomüi.

1 WANGHOMBU 3:28

Chemtue Israel khünakbue Solomon kaxfün zing atatle changpuix, hwom pangnusa kün-mong towüi chix hanpakma tüle achuak-achenle thüt, chemthüikoxle ifüima hwome sukya kaxfün fale tsuak angkya Zang-e chix ang je-hwon koxle thomkya hwome tsingle lax.

1 WANGHOMBU 3:12

nange jukya kue nang ang koxüi. Kue nang ang je-hwon otax-onüi koxüi. Nang lailaikya mix owachu matüitox tamchu müntüitoxüi.

EFISIA 5:9

Chemthüikoxle müikya Otsao Chasa ilaxle otsingtsing oli pangwüi a zangngai oziak changle.

2 KORIN 10:1

Pol ku jaoe hünzom füi akaxpu, hünzom hama tüipongma ku a zakhut mix ang achang, ikoxle hünzom ha angkya atsaikya zuma ku ang mongchongle le khünakbue akaxle. Khrista ningle ku somdangle tüise texpu.

2 KORIN 9:10

Khünak tuita ang ali angkya tsaxli ilaxle sax angkya sütle fakya a Zang changle. Ikhoma Zange nang ang nange küi-thwomkya tsuak tang tsaxli koxüi, ilaxle opün tsong-lo ang koxüi, üntoxle ija ningle chingcha aho ang nang tsuluakya tokhange huanuma puamün ang koxüi.

ISAIA 40:11

Chunnyetpa tuita ningle chixe chix chunbu to humele changüi; chixe chun hosabu jongta khama afoxüi ilaxle ibu chix chak-hüi ma paiüi; chixe chun honu hwom zaxhun ma zunüi.

JOB LAIPEX 28:12

Ikoxle je-hwon a ojongto ataküi? Tsinglelax angkya keme ojongto awan kopüi?

MATHI 5:9

“Tumüi mwot mokkyabu mohiman; hwom ang Zang susabu le nyaküi!

2 KORIN 6:6

Kwom tsaothakya, tsingwankya, adukya tamchu chingcha jajakya tokhange kwome kwom alüile Zang dabu changpu le ahopu. Ija Otsao Chasa, kwom otsingtsing mongkün, tamchu Otsao Chasae otsingtsing ma mix to künkya mongküne,

2 KORIN 7:11

Ija hünzom mongma füi Zange chem mokpuix hulax; ijae hünzom ang otukux khünzai ang koxpuix, chitsing chiwan tomta le changpu le aho ang hünzom otukux tsupuix! Iningle mongto kakkya, na nwonkya, mong ma sungkyabu, mongkoxkya, changle mok ang tsukya, ibu mwotlom makhange hünzom thaikya müntüile ahole.

JAKOP 2:13

Chemthüikoxle chingcha chitüikya mix kaxfünkya zuma Jowanpa-e chix to chingchakya müntüiüi; ikoxle kaxfün to ngaxchu chingchae wüi athakdaoa.

1 PITAR 2:18

Dahaibu, hünzome chazakya füi müikya tamchu somdangle tüikya hopupa thua zakya tata chichangle zongzanle tüikya hopunu chathuachu zale tüikox.