JAKOP 3:16 - OTSAO BAIBEL (BSI)

¹⁶ Ojongto tata to khukya hia khaxkya nüfux tüiüi hex, ikhato won chimüikya tamchu ochax pangnu oli tüile.

JAKOP 3:16 ပူးပေါင်းရင်းမြစ်များ

JAKOP 3:14

Ikoxle ma mong khato nang ma khukya, khaxkya, nüfux, ibu tüile jangchang thüiningle nang a je-hwon khoma tsaichong-kaxbongkyae otsingtsing zongto ochax taxlyen.

1 KORIN 3:3

chemthüikoxle athax kople hünzom chaxwannu khünak ngwot ma ngotan changle. Ongai hünzome tata to atsak akhu puix ilaxle atsi-alaxpuix, ijae hünzom chaxwannu chifün ma ngolaxle zangjang khünak ningle müi-hi-aji ma tüile le ahokya münchang hexnyi?

1 KORIN 14:33

Chemthüikoxle kem tupang pün angkya chichangle tumüi le mongsom tüi angkya Zang mongtex changle. Zang khünaknu müimüithom pangnu khato wüi,

1 JUHAN 3:12

Kem Kain ningle chichangüi; chix a onu-oma kux ang chang, ilaxle honao Abel lang. Kain-e chix büthüikoxle lang? Chemthüikoxle chix mwot a chisu ikoxle honao mwot a sukya le chang.

GALATIA 5:20

chapa shwomkya; khunkya; achax-azankya; anu-ahaikya; tuwuk-lajat; miktsak-khangsyen; küntsik-mongma; atsi-alakya; jenu-shipa;

PONGWANG LAIPEX 11:9

Idaile ikha ang “Babel”, le nyak, chemthüikoxle ikhama Jowanpae zangfang angkya khünaknu zangwün matsai-makaxkax ang achangle koxkya changle; ikha angkya hwom Jowanpae chaxwannu thün awangle chiakle asam.

WANGSHEMBU MWOT 19:29

Ija mwop ngaikyae tingnu pangkha towüi u. Hwome Pol füi tomle aham ngokya Gaia hia Aristarkas, Mesidonia tokya nyi kop ilaxle hokhi lax üntoxle tingnu ma noknu nguazua nui to akhangle asox.

ROM NOK HATO ZAKYA POL LAIZA 2:8

Mamabu khünake, othai füito azui üima ma hanpak tata thütle üntoxle changkya mix a chilaxle awütle; Zange chix mongtsik hia mongma hwom ma khole koxüi.

2 KORIN 12:20

Ku ikhato nguikya zuma, hünzomchu ku tutex füi opüi ma ilaxle kuchu hünzom zongto hünzom tutex füi opüi to nakbang le ku zamaxündai. Ku thoma ohyet-otsi hia osing nüfux, mongtsik hia saxkün, ajao ahaikya hia zaxhun, mongngam ilaxle tuwuk-lajatbu nakbang le zamaxündai.

PONGWANG LAIPEX 38:9

Ile changkoxchu naosom a chixsu chixsa ang chilaxüi le awanlaxle, chemtue she füi jip-pomle changpuix, hotüi hanpak ang sixli chitüile naxchang ang Onan-e chix oti otok to alyet.

MARK 3:25

Ilaxle kako tuita züizüihanle jangtüi thüikoxle, ija homkha ajongle ngo ang müntho.