JAKOP 3:15 - OTSAO BAIBEL (BSI)

¹⁵ Iningkya je-hwon zangkangting tokya münchang; ija a chaxwannu kux, ija a chitsaokya tamchu bao füikya changle.

JAKOP 3:15 ပူးပေါင်းရင်းမြစ်များ

JAKOP 3:17

Ikoxchu thakchi tokya je-hwon a pongwang ma tsaotha le changüi; tamchu ija a mongsomjale, somdangle tamchu asyen-abui le changüi; ija a chingchajaja oziak opuae awangle tüile; ija a mapai mixzünkya tamchu künkux-mongkwom füi janle tüile.

JAKOP 1:17

Müikya tamchu okhonguikya hingho pangwüi zangkangting tokhange hüikyabu changpu. Ija a, ding to zangngai zingle alaikya, owa tamchu chijei chichangba loploplüi le chitüi, ija Zang tokhange hüikya changle.

1 KORIN 3:19

Chemthüikoxle ija chaxwannu je-hwon a Zang zongto ongat changle. Otsao Lai-e thüile: Hwom angangle tsing zai tüipongma, jetüi hwonlangkyabu, Zange tsünle amanle.

FILIPI 3:19

Hwom a haolum to ashuküi; chemthüikoxle hwom zongto Zang a hwom tsangtsa küntsu monglua changle. Hwom azak haxkux ziama hwom ngamle, ilaxle hwome ija chaxwannu ma tüikya mwotkat tata bama ajangle.

1 KORIN 2:14

Chasa chitüikya khünake Zang Chasa hingho münkop, ibu chix zongma ongat changle, ilaxle chixe ibu tsingle lax ang müntho, chemthüikoxle ibu a Zang Chasa otsao chikao makhange tix azut ajangle lax angkya changle.

2 KORIN 1:12

Kwom mongngam a: Ija chaxwannu ma kwom tsün, tamnüilechu hünzom füi asyen-abuikya bama, khünak hwon-je makhange chichangle Zang chingcha tsakzong makkange, Zange fakya ngaitho hia zaxhune azuilaxle saxmokle hüidaoa le kwom khangka ma tsaotha le awandaoa.

JAKOP 1:5

Ikoxle hünzom khama owawa je-hwon ma okho chinguikya mix jangtüi thüiba, chixe Zang ma ju ang laxkox; chemthüikoxle thaikya lomle chingo homle mongtsukya füi koxkya Zange ija chix ang faüi.

1 TIMOTHI 4:1

Athax füichi ma züizüi khünakbue mongong danle tox angkya kax Chasae tsaotha le akax; “ibue atsekya chasabu kax ma laxüi ilaxle haxshix hwon-nwot lom ma leüi.”

JUD LAIZA 1:19

Khünaknu opange tufan-luazüi ang tompuix, opang mong hwom jaopoe akumathum laxle thompuix, opang ma chasa chitüipuix, ibu a hwom changle.

1 KORIN 3:3

chemthüikoxle athax kople hünzom chaxwannu khünak ngwot ma ngotan changle. Ongai hünzome tata to atsak akhu puix ilaxle atsi-alaxpuix, ijae hünzom chaxwannu chifün ma ngolaxle zangjang khünak ningle müi-hi-aji ma tüile le ahokya münchang hexnyi?

JUHAN 3:17

Chemthüikoxle Zange chix Hosa chaxwannu to, kaxfün fa ang chichangle, chix makhange chaxwannu khosün angkya hanpakmale ajo.

JEREMIA 4:22

Jowanpae thüi: “Ku khünakbu a ongat; hwome ku müntik. Hwom ongat naosombu ningle changle; hwom ma tsing-wankya chemchu müntüi. Chem ochax hex ija mok ang hwom müimale anaxle, ikoxle chem müipuix ija mok ang hwome chithole changle.”

MIKNGÜN-OHÜN 12:9

Ija tüle chongkya dragon, owa chaxwannu pangwüi dyenkya ozang pu changpuix, tamchu owa ang Bao chichangba Haxshix le nyak, chix üntoxle chix füi tüikya kaxtaimixbu komle chaxwannu to tswonle awüt.

MIKNGÜN-OHÜN 9:11

Othong chitüikya tswom nyekya kaxtaimix a hwom wanghom ang tüikya. Chix ang Ibri kax ma Abandon le üntoxle Grik kax ma Apolion (thüikoxle Ama angkya mix) le amün.

MIKNGÜN-OHÜN 2:24

“Ikoxlechu Taithira nok ma ota tamtüikyabu hünzome ija ochax hwon-nwot man chito; oja ang mamabue ‘zule tüikya bao huxsa mwot’ le nyak Ija hünzome awanle chikop. Kue hünzom ang thüipu: Kue hünzom ang mama hünlix chemchu münfa.

2 THESALONIKA 2:9

Ija chisumüikya mix bao zong füi nguiüi ilaxle othai ohünotün ilaxle abütkyabu mwot moküi,

2 KORIN 11:3

Ef to changkya ningle hünzom tochu nakchang ünkoxle ku zamaxle. Pu huanuma atsing ilaxle chixe Ef ochax to adüt. Ilailaile hünzom tutex zia ama ang tsuak, ilaxle hünzom Khrista zongto haxtsao-zangthakya chitüile changüi.

1 KORIN 1:27

Jetüi hwonlangkyabu tha ajao ang chaxwannu angkya ongatbu tamchu tsakpa zongpa ang thünzak kox angkya hanpakma chaxwannu angkya zong chitüikyabu, Zange chaktung ma zünle koppu.

ROM NOK HATO ZAKYA POL LAIZA 1:22

Hwome hwom a hwon-hi-je füikya le thüitüi, ikoxle hwom a ongatbu;

WANGSHEMBU MWOT 13:10

ilaxle thüi: “Nang a baosu baosa changle! Nang a otsao pangwüi füi apüikya mix changle; nang a hux-kün lop-monge awangle tüile, üntoxle nang a othuithuima Jowanpa otsingtsing othai ang achang ang azong ngokya mix changle!

JUHAN 8:44

Hünzom a, hünzom hopa Bao (haxshix) makhange hüikya changpu. Hünzome hünzom hopa haxshix mongtex ma mokse tsule. Ami pongwang tokhange wüi chix a mix mik amütkya mix, ilaxle chix ma sukya chitüi koxle otuechu chixe otsingtsing chima chise. Chixe kaxthai akaxkya zuma, chixe chix jaopo ma chem tüipuix, ija mokpu; chemthüikoxle chix a thaikya mix tamchu thaikya hopa.

KAXHO MÜIKYA LUK 16:8

Üntoxle hopunue iningkya huxtsing-loptsang mwot khoma chix da mün achuak; chemthüikoxle zangngai tokya khünakbu füi zangnak tokya khünakbue wüi matsyem madang tu ma huxtsing-loptsang mwot makhange tata to kho-jo ang onüi awanle.”

2 SAMUEL 16:23

Ipongma Ahithofel kax a tuita Zang kax tukuxle hwome pongle lax; Dawid hia Absalom hokhi pangnyie wüi chix kax ma lax.

2 SAMUEL 15:31

Chemtue Ahithofel a zankat ma womünale Dawid hama wünle koxpuix, chixe zangjop: “Jowanpa, chingchalaxle Ahithofel tsai-kax hia tutex ongat ang achangfa!”

2 SAMUEL 13:3

Ikoxlechu Amnon ang tüle huxtsing-loptsang zuikhui tuita Jonadab le tüikya. Chix a Dawid hotüi Shammah sasün changkya.