JAKOP 3:13 - OTSAO BAIBEL (BSI)

¹³ Hünzom khama tsingwankya hia jetüi hwonlangkya mix owawa tüicha? Chixe puinaikya hia je-hwon füi mwotmüi mokkya hia tsün müile ngokya tokhange ija kaxkhi fa angkya changle.

JAKOP 3:13 ပူးပေါင်းရင်းမြစ်များ

GALATIA 5:23

iningkyabu füi wanlom müntüi.

JAKOP 3:17

Ikoxchu thakchi tokya je-hwon a pongwang ma tsaotha le changüi; tamchu ija a mongsomjale, somdangle tamchu asyen-abui le changüi; ija a chingchajaja oziak opuae awangle tüile; ija a mapai mixzünkya tamchu künkux-mongkwom füi janle tüile.

MATHI 5:5

“Puinaikyabu mohiman; Zang kaxtsaobu hwome ataküi!

KOLOSI 3:12

Hünzom a Zang khünaknu changle; chixe hünzom to mongkünle üntoxle hünzom a chix mamix ang kamle kopkya changle. Idaile hünzom a, chingcha, mongkün, puinaikya, jonaikya ilaxle adukya, ibu füi awunlaxle ngolax.

1 PITAR 2:12

Songsari khünakbue chem bama, oma mwot mokkyabu thom, le kaxhux fele hünzom to kaxma thüiüihex, ija bama hwome hünzom mwot müikya ngünlaxle, chix nguikya nyix Zang fuazang ang tomkya lima, hwom khato hünzom zanglom saikha müile tüihüi.

TITA 3:2

Owa angchu omale kax chithüi angkya, ikoxle mongsom hia zuikop manle tüi angkya ilaxle pangnu zongto wüi othuithuima jonai le tüi angkya hwom hama wünkox.

2 TIMOTHI 2:25

Ma zongto tüikya mix achangle fa ang chix a puinai le tüi angkya oli changpu, chemthüikoxle ile changkya makhange hwom ang mong alüix angkya hia otsingtsing awankya hato chat ang Zange sho amüile faüi.

FILIPI 1:27

Khrista Kaxho Müikyae lomkya ningle hünzom zanglom saikha tüi angkya mwot changle. Ile changkoxle tix ku hünzom hato chatle ngui angkya chitsuak koxlax tsuak koxlax; Kaxho Müikya apuk angkya bama mongtex tuita ma tomle, ku füi chakta le hünzom ajongle tüikya, hünzom bama müikya kax-ngao kue atat ang kopüi.

1 TIMOTHI 6:11

Ikoxlechu, nang Zang khünake, ibu lom pangnu tsyakle toxdao. Chasa Otsao, Zang womle tüikya, mongong, mongkün, thuakjokkya, ilaxle somdangkya, tamchu ibu hanpakma azong amongkya tüikox.

JAKOP 2:18

Ikoxlechu owawae akaxüi: “Mixsün tuita ma mongong tüi, mama sün ma a mwot tüi.” Ku kaxlan a: “Mwot chitüi homtoxle mongong tüitsuak angkya mix ku hama ahohüi. Kue ku mongong nang hama mwot makhange ahofang.”

1 PITAR 2:9

Ikoxlechu zangnaknu khatokya khompua atsikkya zangngai hato Zang ohünotün mwotbu apuk-apua angkya hanpakma kamle kopkya jat-li, chongwang nguapabu, otsao ting-nok, Zang zongto ma khünaknu a hünzom changle.

JAKOP 1:21

Idaile hünzome chitsaokya oli pangnu üntoxle awangle ngokya chimüikya ochax awütlax, üntoxle nang mong ma hüikya kax ojae nang azün ang thoüi hex, somdangle ija kax pongle koplax.

HWON-NWOT-JAONO 8:1

Tütalichu, ija chem hexle jepae tix tikle laxpu. Je-hwone hwom nyi ang tomle ilaxle hwom thünza angkya mongma max ang tomle.

MÜNCHUAK-TSAI 107:43

Jetüi-hwonlangle tüikyabu pangnusae ibu bama ajangle naxchang kox; hwome chithwonkya Jowanpa mongkün changle le naxlaxkox.

1 TIMOTHI 4:12

Nang naosünsa changle le owawae nang to thajao le hu ang taxkox, ikoxle mongong mixbu zongto, nang zangwün ma, nang zanglom-saikha ma, nang mongkün ma, nang mongong ma ilaxle tsaothakya ma nang apyen angkya ang changkox.

2 KORIN 10:1

Pol ku jaoe hünzom füi akaxpu, hünzom hama tüipongma ku a zakhut mix ang achang, ikoxle hünzom ha angkya atsaikya zuma ku ang mongchongle le khünakbue akaxle. Khrista ningle ku somdangle tüise texpu.

MATHI 11:29

Hünzome ku dang ma pailax, ilaxle ku angkya awanle koplax; chemthüikoxle ku a somdangkya mix tamchu chasa ma jonaikya mix changpu; ilaxle hünzome nazak atak ang thoüi.

JAKOP 3:1

Kutüi kunaohom, hünzom aluile nwotmixbu ang chiachang koxle müiüi, chemthüikoxle hünzome awan ngopu, kem hwon-nwot mixbu kax mixfüi ataxle tsakle fün angkya changle.

EFISIA 4:2

Othuithuima puinaikya, somdangkya, ilaxle adukya tüikox. Tata füi adukya tokhange hünzome künkak mongkün ahokox.

GALATIA 6:4

Pangnusasae wüi mae mokkya mwot chimüi hia müipuix ajangle huno angkya changle. Chixe müikya mwot mokdaokya jangchang thüiba, owawae mokdaokya füi tamchiapyen ngo homle, mae mokdaokya bama chix zongdong ang tsuak.

GALATIA 6:1

Tüi-hi-naohom, owawae thaile mokmo ngokya janglop thüiba, hünzom chasa otsao ma ngokyabue chix achangle kox angkya oli changle; ikoxlechu hünzome ija jonai ma mok angkya changle. Ilaxle hünzom tochu wüi thwontsingkya naktüio le khünkhi lax.

2 KORIN 8:24

Ibu hato hünzom mongkün aho laxkox. Hwom tsanle apaokya müimüithombue ija zing atatle laxüi, ilaxle ija a kwome hünzom bama achuak achenle lükya kaxkhi ang achangüi.

DANEL 2:21

Chixe otu-owan hia hanpak-zanghan pangwüi chix chak ma kople thomle; khünak züizüi chixe wanghom ang achang ikoxle züizüi a wanghom ang ngokya amüt; Je-hia hwon koxkya a chix tix changpu.

MATHI 21:5

“Zaion tingnu ang thüikox; Hulax, nang wanghom, nang hato hüile ngole; Chix somdangle tamchu, Gatho ma ngale hüile!”

ZEFANIA 2:3

Jowanpa hato chatkox, haxtok angkya puinaile tüikya khünaknu pangwüi, hünzom chix kaxtombu kax ma laxle tüikyabu. Chem supuix ija mokkox, ilaxle Jowanpa tuntho to malualua to puinaile changlax. Ile jangchang thüiningle Jowanpae chix mongtsik ahokya nyix hünzom azangle pao ang tsuak.

JEREMIA 9:12

Kue atüi: “Jowanpa, ija makhange khünak tuitale ang chikople chemkhomale ija haxtok awütpu ilaxle sak-hax bütale ozan ang achangpu? Ija bama tsingle tsuaktang jepa owa tüi? Hwome mix hama wüntsuak tangle nang ija bama owa hama zexdaoa?”

ISAIA 61:1

Jowanpa Khüthak Zang-e ku chix Chasa füi awang. Chixe ku zünle kop ilaxle tsanle apao Chitüi-chinang khünakbu hato kaxho müikya apüi ang, Künmax-mongshanle ngokyabu mong azün ang, Kople thomkyabu hato dan angkya kax apuk ang Ilaxle kun ma thomkyabu hato alai angkya kaxho ang.

MÜNCHUAK-TSAI 149:4

Jowanpae chix khünaknu füi mongmüile; puinaile changkyabu chixe zan to lüt ang tomkya füi achuak-achenle.

JOB LAIPEX 28:28

Zang-e khünaknu ang thüi: “Jetüi angkya hanpakma Zang thua za angkya changle. Tsing-wan angkya hanpakma ochax hato tok aho angkya changle.”

HUAKE LAIPEX 12:3

Mosa a puinaikya mix, chaxwannu ma chix lailaile puinaikya mix chitüi.)

1 PITAR 3:4

ikoxle mong othongdua to, künsom mongdang hia dangjajakya chasa, omüt osam chitüikya zapua ang achanglax; ija chasa a Zang miksho ma thalix changle.

1 KORIN 6:5

Kue ija hünzom zak akople akaxpu. Hünzome tüinao tata bama zangwün azutle fatang je-hwon füikya mix hünzom khama owangaxchu müntüi changa nyi?

MATHI 7:24

“Idaile opange ibu ku kax atat laxpuix, chix a tuita longtok ma hom zingkya je füikya mixsün ningle changpu.

JEREMIA 9:23

Jowanpae thüi: “Jepa tuita chix hwon-je bama, longpa tuita chix tsak-zong bama, chichangba hakpa tuita chix ma tüinangkya bama, tsaichong-kaxbongle chitüi angkya oli.

ISAIA 60:6

Midi hia Efah tokya utbu jenlole hünzom hato nguiüi. Hwom Sheba tokhange nguiüi, hwome hun hia ongan müikya müngabu apüiüi. Jowanpae chem mokdaopuix ija bama khünaknue müikya kaxho faüi!

HWON-NWOT-JAONO 8:5

Nange chix kaxtom kax ma laxle ngokya kople, nang to chem münthüi: ilaxle ija chemle tamchu chemle moküihex, je füikya khünak tuitae tsingle ngopu.

MÜNCHUAK-TSAI 45:4

Chuak-chongle chix tsaplya khoto nga, otsingtsing hia sukya khose angkya hanpakma!

MÜNCHUAK-TSAI 25:9

Puinaikyabu chixe sukya lomtang to zun, hwom hama chix mongtex anwot-anole kox.

IBRI 13:5

Ngun to kün-luakya füi hünzom atsaile ngolax, üntoxle hünzom ma ma tüikya füi mongzom müile ngolax, chemthüikoxle Zange thüile: “Kue nang otuechu danle müntox; kue otuechu nang awütle müntox.”

ISAIA 29:19

Jowanpa Israel nok Zang-e koxkya ma, chitüi-chinang hia pui-naile tüikya khünakbue tamchatle mongmüi angkya ataküi.

1 PITAR 1:15

Itülüi, nang ahyenle laxkya Zang chemle Otsao hex, ilailaile nangchu wüi mokkya olom pangnusa ma tsaole tüilax.

MÜNCHUAK-TSAI 122:8

Ku haxnu-homsa hia zuikhuibu hanpakma kue Jerusalem ang thüipu: “Nang ma tumüi-lomkhaokya tüihüi!”