JAKOP 3:1 - OTSAO BAIBEL (BSI)

¹ Kutüi kunaohom, hünzom aluile nwotmixbu ang chiachang koxle müiüi, chemthüikoxle hünzome awan ngopu, kem hwon-nwot mixbu kax mixfüi ataxle tsakle fün angkya changle.

JAKOP 3:1 ပူးပေါင်းရင်းမြစ်များ

1 TIMOTHI 1:7

Zang wanlom ma hwom nwotmixbu ang achangse le tsu, ikoxle mongao ojao chitüi le hwome akaxkya chem hanpak changkya hex, ibu zangwünbu hwome awan ang chitho.

1 PITAR 5:3

Hünzom ang nyehüio le koxle thomkyabu thakma hopunu ang chichang homtoxle hwom tu ma hünzom apyen angkya tuita ang achangkox.

1 KORIN 12:28

Müimüithom ma Zange chifün tankya a: Pongwang angkya chifün ma wangshembu, anyi lükya ma ajebu, azom lükya ma anwot-anokyabu, ifüima ohünotün mwot mokkyabu, ifüima kaklak amüikyabu, mix to fongtsox angkyabu, apün-awang angkyabu, chitsingkya kax ma zangwünkyabu.

MATHI 23:13

“Wanlom nwotmix hia farisibu a künkux-mongkwombu changle! Hünzom maxsax! Hünzome khünaknu thüntho ma zangkangting ka hakle ilaxle hünzom chuwüi ikhato chidong tamchu ikhato dongse le azongkyabuchu wüi hünzome dong ang chitom.

1 TIMOTHI 2:7

üntoxle ikhoma ku mixnokbu hato mongong hia otsingtsing bama kaxho apuk ang wangshem tuita tamchu anwot-ano ang tsanle apaokya mix changle!

EFISIA 4:11

“Khünakbu ang hingho kox”, le thüikyachu chix changpu; chixe züizüi wangshembu ang, züizüi ajebu ang, mamabu a kaxho apuk angkyabu ang, mamabu a chunnyetmixbu ang üntoxle nwotmixbu angle kam.

2 KORIN 5:10

Kem pangnu wüi, kem kaxfünpa Khrista thüntho ma ajong angkya changle. Chixe hingho wüi changlax chichangba sikngün wüi changlax, ija chaxwannu tsün ma ngotanto mae mokdaokya thatha nok ang wüi faüi.

IBRI 13:17

Hünzom lompabu kax ma laxlax üntoxle hwom kaxtombu apalax. Hwom mwot bama hwome Zang ang akiakkya kox angkya changkoxle, ojao chizak le hwome hünzom to hule nye ngole. Hünzome hwom kax ma laxle jangtüi thüikoxle, hwome hwom mwot mongmüimüile moküi; ile chichang thüiningle, hwome ibu mongma füi moküi, üntoxle ijae hünzom ang chem olüichu chifaüi.

KAXHO MÜIKYA LUK 16:2

Ikhoma hopupae chix nyaklaxle chix ang thüi: ‘Nang bama kue atatkya chempang changkox? Nang mwot akiak-azyakkya ahohu, chemthüikoxle nange da akhokya ang owüi moktsuaküi!’

LIWI 10:3

Ifüima Mosa-e Arun ang thüi: “Jowanpae akaxkya kax a ija changle: Ku thothale changkya pangnusae wüi ku otsao chathua zale tüi angkya oli; kue ku khünaknu hato ku fuazangkya ngaile ahoüi.” Ikoxle Arun a kaxsix chidünle ngo.

2 TIMOTHI 1:11

Kaxho Müikya apuk-apua angkya hanpakma Zange ku wangshem tuita ang kamle kopkya changle.

JUHAN 3:10

Jisu-e chix ang thüi: “Nang Israel khama achongkya nwotmix tuita chang üntoxle ibu ngaxchu chitsing le hi?

MATHI 10:24

“Lainao owachu Nwotmix füi achongkya münchang; hopunu füi da wüi achongkya münchang.

KAXHO MÜIKYA LUK 6:37

“Mix ang kaxfün taxfa, ikoxle Zange nang kax münfünüi; mix ajao ahaile taxchang, ikoxle Zange nang ajao ahaile münchangüi; mix ang thailak laxkox, ikoxle Zange nang ang thailak faüi.

MATHI 9:11

Ija ngünlaxle farisibue chix wangshembu ma atüi: “Hünzom nwotmixe süisai mixbu hia ochax khünakbu füi tomle fong büthüikoxle saxpu?”

MALAKI 2:12

Iningle mokkyabu Jowanpae Israel onok kha angkya atsaile naxpaokox. Hwome chemtuechu, kem khünaknue kem Jowanpa Khüthak Zang to shwomle tö koxkya ma hwom tütue chu chihakle naxchang.

WANGSHEMBU MWOT 13:1

Antiok angkya onok müimüithom khama züizüi ajebu tamchu nwot-mixbu tüikya. Hwom a: Barnaba, Simeon (mixnak le nyakkya), Lusia (Sirini tokya), Manahem (chongwangpa Herod füi tomle chongkya mix) üntoxle Sol.

JAKOP 1:16

Ku mongkün tüinaohom, hünzom dyen-ngan ang taxtom!

JAKOP 1:19

Ku mongkün tüinaohom, ija texle ataklax! Apa ang pangnusa wüi mom angkya changle, ikoxchu zangwün ang hia mongtsik ang zaxhun ma changkoxtix müiüi.

JAKOP 3:10

Münchong fakya hia thuakzomkya kaxfabu leza tuitata makhange wüi alaile. Kutüi kunaohom, ija ile chichang angkya oli!

MATHI 23:14

Wanlom nwotmix hia Farisi, hünzom künkux-mongkwombu! Hünzom maxsax! Hwome zomnubu chwom ilaxle hwom hom angkyabu paole, ikoxle mixe naxngün le ozulole jople. Ija khoma thajao akhokya hünzome kop angkya changle.