JAKOP 2:8 - OTSAO BAIBEL (BSI)

⁸ “Ma bütukuxle tomzi to mongkün kox”, le Otsao Lai ma bangkya Wangting wanlom kax ma laxle hünzom jangtüi thüikoxle hünzome sukya mwot mokle hüikya ang changüi.

JAKOP 2:8 ပူးပေါင်းရင်းမြစ်များ

LIWI 19:18

Owawa to olüix khomkya taxtüi chichangba chix to anule taxngo, ikoxle ma tomzi to ma bütukuxle mongkünkox. Ku a Jowanpa hünzom Zang changpu.

GALATIA 5:14

Chemthüikoxle “Ma tomzi to ma bütukuxle mongkünkox”, le thüikya kaxtom ziamong ma wanlom tanle thomle.

JAKOP 2:12

Kem mongtex pankya wanlome kaxfün fa angkya awankya khünakbu ningle zangwün kox ilaxle mokkox.

MATHI 22:39

Anyi lekya achong achongkya wanlom a ile: Nang tomzi to nange ma bütukuxle mongkün angkya changpu.

GALATIA 6:2

Tata jua fongle tüikox, iletix hünzome Khrista wanlom kax ma laxle tüiüi.

LIWI 19:34

Israel khünake ma mix to chemle huse hex ile hwom tochu hukox ilaxle ma to chemle mongkünle tüipuix ilailaile hwom tochu mongkünkox. Noxta hünzom chuwüi Ijip nok to püntüi ang ngole toxdaokya changle.

1 PITAR 2:9

Ikoxlechu zangnaknu khatokya khompua atsikkya zangngai hato Zang ohünotün mwotbu apuk-apua angkya hanpakma kamle kopkya jat-li, chongwang nguapabu, otsao ting-nok, Zang zongto ma khünaknu a hünzom changle.

JAKOP 1:25

Ikoxlechu khünaknu ang khangkho angai le koxkya sukya wanlom to hu üntoxle atat zaza laxle asam le chichang homtoxle mong ma tikshingshing le kop üntoxle mwot ang achangle mokle jangchang thüiningle, nange mokkya mwotlom pangwüi ma nang to Zange mohimanüi.

JONA 4:4

Jowanpae lan: “Nang mongtsik angkya nange sukya mwot chem alandaopu?”

2 WANGHOMBU 7:9

Ifüima hwome tata ang thüi: “Keme ile chimokse changle! Kem ma amüikya kaxho tüile idaile ibu a kem hanpak zaza ang pyenle chithomüi. Keme ija apua ang ngainopkya zangngai alopkya tanle jangngo, kem sikngün apong angkya atsingsho. Hai, kempi momle chat hax ilaxle nguakax-wangkhobu hama wünle koxhax!”

1 THESALONIKA 4:9

Hünzom hato ma üitho mongong mixbu to künkak mongkün tüi angkya bama za ngo angkya chem mwot müntüi. Hünzome tata to chemle kak-kün angkya hex, ija a Zang, chix tomtatae hünzom hama apuale fadaoa.

FILIPI 4:14

Ikoxle ku sikngün le ngopongma hünzome ku to humekya a hünzom zongma omüimüi wüi.

MATHI 25:23

Opunue chix ang thüi: ‘Müidaoa! Nang müikya tamchu mongong tüikya da changle. Nange ngun hidaole twon ang koxkya otwon manle twondaoa; idaile kue nang ang süluikya twon angkya mwot faüi. Oman, donglax ilaxle ku mongmüi süntswon ma womlax!’

JONA 4:9

Ikoxlechu Zang-e chix ang thüi: “Ija pün bama nang ang mongtsik angkya nange sukya mwot chem mokdaopu?” Jona-e lan: “Ku ang mongtsik angkya olom tüile: zikya kople mongtsik angkya a!”

1 WANGHOMBU 8:18

Ikoxlechu Jowanpae chix ang thüi: ‘Nange ku to shwom angkya Zangshwom-Hom zai angkya mongtsukya olom jao changpu,

JAKOP 2:19

Zang tuita wüile nange ongpuix nyi? Müihule! Bao-echu wüi ongle üntoxle namabün le zale.

MATHI 25:21

Opunue chix ang thüi: Müidaoa! Nang a müikya tamchu mongong tüikya da changle. Nang ang hidaole wüi koxkya ngun nange otwon manle twondaoa; idaile kue nang ang süluikya mwot twon ang faüi. Donglax ilaxle ku mongmüi süntswon ma womlax.

MATHI 7:12

“Ijadaile ma to mixe chemle hwonkya ma zongma müipuix ija ningle hünzomechu wüi hwom ang mokle laxkox.

ROM NOK HATO ZAKYA POL LAIZA 13:10

Ma füikya to mongkünkya mixe chix zongto oma mwot chemchu münmoküi. Idaile mongkün angkya a, wanlom pangnu kax ma laxkya changle.

JAKOP 4:11

Kutüi kunaohom, hünzome tata to kaxma taxthüi. Opupue mix ang kaxma thüipuix chichangba mix kaxfün puix, chixe wanlom füi kaxma akaxpu tamchu wanlom kaxfünpu, ikoxle nange wanlom kaxfün le jangchang thüikoxle, nang a wanlom lwot tokya mix chichangle kaxfünkya mix ang changpu.