JAKOP 2:5 - OTSAO BAIBEL (BSI)

⁵ Ku tüinaohom, apahüi! Mongong ma ahak-alua ang tamchu chix to mongkünkyabu ang tsaole tüikya wangting kop angkya kuxma Zange Ija chaxwannu angkya chitüi-chinangkyabu pai-zün lelaxle.

JAKOP 2:5 ပူးပေါင်းရင်းမြစ်များ

MATHI 5:3

“Chasa ma zasa changpule awankyabu, hwom mohiman; Zangkangting a hwom kux changle!

KAXHO MÜIKYA LUK 6:20

Jisu-e wangshembu to hulaxle thüi: “Mohiman a hünzom zasabu; Zang Wangting a hünzom kux!

MIKNGÜN-OHÜN 2:9

Kue nang tingtuibu awanpu; nang zasa changle le kue awanle, ikoxlechu otsing tomtata ma nang a hakpa tuita! Changjao chichang khato hwom Jehudi nok changpu le akaxkyabu thome nang ang kaxma thüikyabu kue awanle; hwom a baochi ma hakkya othom changle!

2 KORIN 8:9

Kem to künkya Jowanpa Jisu Khrista mongkün chemtukux chongle tüipuix ija hünzome awanpu. Zang chifün chikao ma chasa ma chix ahak-aluale tüikya, ikoxlechu hünzom khosün angkya kuxma chix chaxwannu to ngui ilaxle chitüi chinangkya mix tuita ang ngo. Hünzom chasa ma ahak-aluale tüi angkya kuxmale chixe ija mok.

KAXHO MÜIKYA LUK 12:21

Jisu-e ile akaxle ashuk: “Zang miksho ma a, chix ma chemchu chitüi, ikoxlechu ma hanpakma thanu juapa huanuma athünle thomkyabu hanpakma ija ningle changpu.”

1 PITAR 1:4

ikhoma Zange chix khünaknu ang kox angle thomkya ahak-aluakya mohiman kop angkya to keme hule tanpu. Shanle chipao angkya chichangba chima angkya chichangba za le chipao angkya, ibu chixe hünzom hanpak ang zangkangting to thomle.

JAKOP 1:12

Thwontsing pongma adu ang thokyabu mohiman, chemthüikoxle otue hwome iningkya thwontsing kaile le ang thopuix, chix to mongkünkyabu ang koxüi hexo le Zange tsaole thomkya khüzün khohom hwome kopüi.

IBRI 11:26

Ijip nok tuina pangnu füi Khrista bama thajao wünhai wüi achongkya tuina changpu le chixe tex, chemthüikoxle chixe füichi ma kop angkya hingho chix mikza ma thom.

KAXHO MÜIKYA LUK 12:32

“Taxza, hixkya othom! Chemthüi-koxle hünzom ang Wangting kox angkya Hopa mong tsule.

1 KORIN 2:9

Ikoxlechu tix zale thomkya tüikya ningle, “Oja mike chingün tsuak, nae chiatat tsuak; Zange chix to künkyabu hanpakma, achwon thomkya; opupu mong tochu, ajangle lax ang chitho.”

MATHI 25:34

Ija ma wanghome ma tsaxchi angkyabu füi akaxüi: ‘Hünzom Apae mohimankyabu! Oman! Hüilax ilaxle chaxwannu zingpong tokhange wüi hünzom kux ang achwonle thomkya wangting koplax.

MIKNGÜN-OHÜN 21:7

Owae tholün tsuakpuix, chixe ku angkya ija kopüi: Ku a chix Zang changüi üntoxle chix a ku susa ang changüi.

JAKOP 1:9

Chitüi-chinangkya khristabu Zange hwom nwon pongma mongmüi angkya oli changpu,

2 TIMOTHI 4:8

Ilaxle athax a sukya tsün ngole hüikyabu ang kox angkya tholünkya hinghoe ku tanle ngole. Ija hingho a, Jowanpa, sukya kaxfünpae ku ang ija nyix faüi ilaxle ku tata angle münchang ikoxle chix ngai angkya tanle mongkün füi ngokyabu pangnu ang koxüi.

2 KORIN 6:10

Küntsik mongma, ikoxlechu kwom othuithuima mongmüi le ngo; kwom a chitüi chinangkya mix ningle, ikoxlechu kwome khünak ahak alua ang tom; kwom a chemchu chitüikya ningle, ikoxlechu kwom a pangwüi koplaxle ngo.

MIKNGÜN-OHÜN 3:18

Idaile ahak-aluale tüi angkya hanpakma nange ku angkya hun, huntsaotsao shaklax le kue anopu. Nang thünzak hia ohua ma ngokya to chwop ang nyi tsekyachu shaklax. Nange ngün angkya kuxma nang mik to pa ang hinghaichu shaklax.

1 TIMOTHI 6:18

Müikya mwot mok angkya, müikya mwot ma ahak alua angkya, mixfüi ahan-achüi le lax ang mongtsutsu le tamchu achwonle ngo angkya bama hwom ang kaxtom laxkox.

KAXHO MÜIKYA LUK 16:25

“Ikoxle Abraham-e chix kax to lan, ‘Kusa, nang ozün ma ngopongma, nang ang amüimüi pangwüi fadaopuix; ile Lazar-echu chix ang fakya amama kople hüidaoa. Ikoxle athax chix ikha to mongsom ma ngopu, ikoxle nang a sikngün ashukle ngopu.

MATHI 11:5

Mikduakbue ngün ang kople; cha faikyabu aham ang tsuakle; angwonkyabu kak müile; naba mixe atat ang kople; zidaokyabu anaole zole; ilaxle mixshix-zasabu hato Kaxho Müikya apuk ang tomle.

1 SAMUEL 2:30

Ku, Jowanpa, Israel nok Zang-e ledaokya ma hünzom homkhae ngua mwot mokle ku thotha angkya hex-ole tsaokya changpu. Ikoxle athax kue thüipu, kue ija tsaotsüt münthom ngoüi! Itülüi, opange ku achuak-achenle changpuix, kue hwom achuaküi, ilaxle ku wünhaile changkyabu to kue e-ma chilaxle hupu.

2 PITAR 1:11

Chemthüikoxle iningle tix kem Jowanpa tamchu khosünpa Jisu Khrista oshuk chitüikya wangting to hünzom ngui ang tomüi.

2 TIMOTHI 4:18

Üntoxle Jowanpa-e ku chisumüikya pangnu chak tokya azün ilaxle zangkangting wangting to chixe ku sünle kopüi. Fuazangkya a othuithuima chix kux wüi naxchang! Amen.

2 THESALONIKA 1:5

Ibu pangnu makhange Zang kaxfün sukya changle ilaxle ija khoma, chem bama hünzom sikngün le hüidao laxpuix, ija zangkangting bama hünzom asukya ang achangüi.

EFISIA 3:8

Otsao khünakbu khama ahixkya füi ngaxchu sühixkya ku changpu; ikoxlechu hwom hanpakma Khrista tam chibak toxle chix ahak-aluakya Kaxho Müikya mixnokbu hato apuk angkya hanpakma Zange ku zünle kop;

ROM NOK HATO ZAKYA POL LAIZA 8:17

Kem chixsu chixsabu daile, chix khünaknu hanpakma chixe thomkya mohiman keme kopüi, ilaxlechu Khrista füi tomle Zange chix hanpakma thomkyachu wüi keme kopüi; chemthüikoxle keme chix sikngün ahanle janglaxba, chix fuazangchu wüi ahanle laxüi.

KAXHO MÜIKYA LUK 16:22

“Ifüima jusax mix zi, üntoxle kaxtaimixbue chix Abraham zuima thung ang zangkangting fongkhat nui to pao. Hakpa sünchu wüi zi ilaxle akhün.

ZEKARIA 11:7

Opange chun apüi ilaxle hangle changpuix, ibue ku hingchak shak, ilaxle ku a lang angkya chunbu nyetmix ang achangpao. Kue kiathox anyi lax: Tuita ang kue “Mongtsu” ilaxle ata ang “Notom”, le nyak. Ilaxle kue chunzyembu nyele ngo.

ISAIA 29:19

Jowanpa Israel nok Zang-e koxkya ma, chitüi-chinang hia pui-naile tüikya khünakbue tamchatle mongmüi angkya ataküi.

ISAIA 14:32

Filistia nok tokhange nguikya kaxhomixbu kax to keme chemle lanüi? Zaion a Jowanpae sikngün apongle ngokya chix khünakbue ima nazak kop angkya hanpakmale zingpu, le keme lanüi.

JOB LAIPEX 34:19

Pangwüi chixe zingkya tomtom daile, mixshix-zasabu zongto naxmale, Chixe Wanghom hia hakpa-luapabu chima münse.

JOB LAIPEX 34:10

Hünzom awan-atsingkyabue ku kax apahüi! Khüthak Zang-e thaikya mwot mok ang chami?

LAIPAO 20:6

Ikoxlechu ku to mongkünkya tamchu ku kax ma laxle tüikyabu hajat-hajat tsünthom to kue mongkünpu.

JAKOP 1:16

Ku mongkün tüinaohom, hünzom dyen-ngan ang taxtom!

1 THESALONIKA 2:12

Zang owae chix wangting hia fuazang süntswon ma hak ang hünzom nyakpuix, chix mong amüi angkya olom ma hünzom tsün ngo angkya bama kwome hünzom ang zong adünpu, mong asompu ilaxle tsyale ngopu.

EFISIA 1:18

Tamchu, chem hato chixe hünzom nyakpuix, ija monghom a chemhex, chix khünaknu hanpakma chixe tsaosax le tüikya ohünotün mohiman a otukux ahak-alua puix, (chix to ongkyabu kem ma mokle tüikya chix mwot otukux zongle tüipuix),

2 KORIN 4:15

Ibu pangnu wüi hünzom kuxma changle; ilaxle Zang chingchae otukux ziatamle khünaknu ha aloppuix, hwome fuazangkya Zang ang münchong fale sisile jopüi.

JUHAN 7:48

Pünpa-chongwangbu hia farisibu kha angkya owawae chix to ongkya mix hünzome awanle ngocha?

KAXHO MÜIKYA LUK 22:29

Ilaxle Apae ku ang apün-awang angkya zong koxle thomkya ningle, kuechu ija zong hünzom ang koxpu.

MARK 7:14

Ifüimachu Jisu-e khünaknu tusox chix hato tamnyakle asox ilaxle hwom ang thüi: “Hünzom pangnusae ku kax apalax üntoxle awan koplax.

ZEKARIA 11:11

Ikhoma ija nyix ija tsaotsüt maxkya ang achang. Chunbu apüi üntoxle hangle changkya khünakbue ku to hule ngo, ilaxle, kue chem mokpuix ija makhange Jowanpae zangwünkya hwome tikle ngo.

ZEFANIA 3:12

Kue ikhama somdangkya hia hixkya ang achang tsuakkya khünak opang ku hato fong angkya lomle nguipuix, ibu thomüi.

WANWÜNKAX 8:32

“Athax, tsünzün-hom, ku kax to apalax. Kue chemle akaxpuix ile moklax, ilaxle nang mongmüile ngoüi.

WANWÜNKAX 7:24

Idaile athaxpi, sasün-hom, ku kax to apalax. Kue chem akaxpuix ija to nathalax.

JOB LAIPEX 38:14

Anyixningkya zangngaie haxhua hia haxsha kotho to nyi sikle azox daokya ningle ajong ang tom, ilaxle komtik ma zakya lailaile tsaothale ngün ang tom.

1 WANGHOMBU 22:28

Mikaiah-e akhong: “Nang müimüi-zangngaile jangchat thüiningle Jowanpa ku füi chiakaxkya ang changüi.” Anaole chuwüi chixe thüi: “Kue chem akaxpuix ija to pangnusae apale koplax.”

WANGSHEMBU MWOT 7:2

Stefen-e lan: “Achong alihom ilaxle apu-apahom! Kem putong Abraham Haran to kaüi thoto, chix Mesopotamia ma ngotanto, chix hato fuazangkya Zang lai,

KAXFÜNPA-HWOM 9:7

Chemtue Jotham-e ija atatpuix, chix pao ilaxle Gerizim Haxnukho ma ajong ilaxle hwom nyakle akhong: “Ku kax to apalax, hünzom Shekem angkya khünaknu, ilaxle Zang-e hünzom kax to naxapa fa!

1 SAMUEL 2:8

Haxbu kha tokya chitüi-chinangbu chixe nwonle alai ilaxle haxmax-zangsamle ngokya chifün tokyabu hwom chixe nwon. Chixe hwom a wanghom naosom hwom füi zuikhui ang achang ilaxle hwom a achuak-achenle tüikya chifün ma dan. Chaxwannu chifün a Jowanpa kux changpu chixe ibu dingma chaxwannu zing.

WANWÜNKAX 13:7

Züizüi khünakbue atsingle hakpa-luapa ningle ahole, ikoxle hwom ma chemchu chitüi. Mamabue atsingle chitüi-chinang mix ningle ahole, ikoxle osho-jawan hwom kux ang achang.

JAKOP 1:19

Ku mongkün tüinaohom, ija texle ataklax! Apa ang pangnusa wüi mom angkya changle, ikoxchu zangwün ang hia mongtsik ang zaxhun ma changkoxtix müiüi.