JAKOP 2:19 - OTSAO BAIBEL (BSI)

¹⁹ Zang tuita wüile nange ongpuix nyi? Müihule! Bao-echu wüi ongle üntoxle namabün le zale.

JAKOP 2:19 ပူးပေါင်းရင်းမြစ်များ

KAXHO MÜIKYA LUK 4:34

chixe akhongle thüi: “Ei, Nazareth nok Jisu, nange kwom füi chem mok angkya tüikya? Nang kwom amüt ang hüipia? Nang owahex kue awanle. Nang a Zang Otsao Kaxho mix changle!”

MARK 1:24

Chixe thüi: “Kwom tata danhüi, nang füi kwom ang chem mwot tüikya, nang Nazareth nok Jisu? Nang ikhato kwom amüt ang hüipia? Nang owa hex kue awanle: Nang a Zang tokya Otsao changpu!”

MATHI 8:29

Ijama hulax, hokhie akhongle akax: “Nang a Zang Hosa, nang füi kwom ang chem mwot tüipu? Hanpak manguiba wüi kwom ang sikngün fa ang nang ikhato nguipia?”

WANGSHEMBU MWOT 16:17

“Ibu a Taitax Zang dabu changpu! Hwome hünzom hama hünzom khosün angkya olom apuale!”, le kaxzex nga le she-e Pol kwom man to.

TSAITONG-KAXTONG 6:4

“Israel, ija texle ataklax! Jowanpa —tamchu Jowanpa chix tata tix—kem Zang changpu.

GALATIA 3:20

Ikoxle mixhuak tuita mwot ma sütle nguikya zuma ija pongtai mix laxngo angkya oli münchang; ilaxle Zange tsaotsik le chixjaoe moküi.

ISAIA 44:8

Taxza, ku khünakbu! Kaipong tokhange anyix kople ichu ile chang angkya kue tix aje thompule hünzome awan ngopu, ilaxle hünzom a ku kaxkhibu changpu. Tamchatle mama baozangbu tütüichami? Kue ma-atatkya tsak-zong füikya mama baozang züita tüichami?”

WANGSHEMBU MWOT 19:15

Ikoxlechu haxshix chasae hwom ang thüi: “Kue Jisu awanle ilaxle kue Pol bamachu awanle, ikoxle nang a owa?”

MARK 5:7

ilaxle akhongle thüi: “Jisu, nang a Taitax Zang Hosa! Nange ku füi büthüise tsupu? Zang münlün laxle thüipu, ku ang sik sütax-angününfa!”

ZEKARIA 14:9

Ifüima Jowanpa a chaxwannu ma wanghompa ang changüi; noknusae chix a Zang changpule shwomüi ilaxle ija mün tuita mawüi chix tsingle laxdaoüi.

ISAIA 46:9

Kaipongma chempangle changdaopuix texle ataklax; Zang a ku tata wüile ongkya tüilax chemthüikoxle ku lailaikya tamchatle owachu chitüi.

ISAIA 44:6

Jowanpa, owae Israel nok to apün-ada ilaxle kho-awale thompuix, Jowanpa Khüthak Zang, chixe ija akaxle: “Ku a owang, oshuk, tuita wüi tüikya Zang changpu; ku boma Zang mama owachu müntüi.

ISAIA 43:10

“Israel khünakbu, hünzom a ku ngünmixbu changpu; kue nang a ku da ang kampu, ile hünzome ku awan ang kop ilaxle mongongle naxchang ilaxle Zang a ku tata wüile nax awan kop ang. Ku bobo ma mama Zang tam müntüi; ami chu müntüikya athax chu müntüiüi.

1 TIMOTHI 2:5

Chemthüikoxle Zang a tuita wüi changle; Zang hia khünak tama asüi ang tomkya, khünak tuita Khrista lan wüi changle,

MARK 12:29

Jisu-e lan: “Akhokya kaxtom a ija; O Israel, Apalax: ‘Jowanpa kem Zang a tuita wüi.

1 KORIN 8:6

kem hanpakma Zang, chix a Hopa, owae zünmok zingle alaipuix, ilaxle owa hanpakma kem ozün ma ngolaxpuix, chix tuita wüi; üntoxle zünmok zingkya mix owa makhange kem ozün ma ngopuix, ija Jisu Khrista Jowanpa chix tata wüi.

ISAIA 45:6

Chaxwannu tüchikao makhange atakao alople nang a Jowanpa changle ilaxle mama baozang owachu müntüile pangnusae tsingle naxkoplax ang kue ija mokpu.

ROM NOK HATO ZAKYA POL LAIZA 3:30

Zang a tuita wüi, ilaxle Jehudi khünak hia mixnok pangnu wüi, Jisu Khrista tokya hwom mongong makhange tix Zange hwom chix füi muamüi ang koxüi.

JUHAN 17:3

Oshuk chitüikya tsün khüzün le thüikoxle, tuita otsingtsing Zang, nang awankya tamchu nange tsanle ajokya Jisu Khrista tsingkya ang thüipu.

JUD LAIZA 1:6

Kaxtaimixbu opang hwom ang fakya wankam ma chingo homle hwom ngwotnui danle toxpuix, ibu texle ataklax; Zange hwom koplaxle fangchi zangnaknu khato, hwom kaxfün angkya achongkya Nyix tan ang khale thomle.

JAKOP 2:8

“Ma bütukuxle tomzi to mongkün kox”, le Otsao Lai ma bangkya Wangting wanlom kax ma laxle hünzom jangtüi thüikoxle hünzome sukya mwot mokle hüikya ang changüi.

1 KORIN 8:4

Idaile chapa ang koxkya süt saxkya bama; keme awanpu chapa ma ozün müntüi; ikoxle keme awankya a, Zang a tuita wüi.

MIKNGÜN-OHÜN 20:10

Ifüima Bao, owae hom dyenle thompuix, chixchu wüi müi hia othai ajebu tswonle awüt thomkya okham wünnu tilo ningle tüikya khato tswonle awüt; ilaxle ikhato hwom zangnak zangngai jento tüle fuxtsüile ngoüi.

JUD LAIZA 1:4

Chemthüikoxle opang oma laiua bama Otsao Lai ma zale tüipuix, hwom züizüi hünzom khato zuile nopngoüna. Hwom a, kem Zang chingcha hwom müi-hi-aji mwot ang laxkyabu tamchu kem khüthak Jowanpa tuita wüi tüikya Jisu Khrista pongle chikopkya, Zang chilax homle ngokyabu changle.

MARK 7:9

Ilaxlechu chizakle Jisu-e hwom ang thüi: “Hünzome ma chakzing hwon-nwotbu thom angkya kuxma, hünzome Zang kaxtom chilaxle awüt ang tüle atsing manle.

WANGSHEMBU MWOT 24:25

Ikoxle Pol-e künmüi mongmüikya, malailai to akumathumkya tamchu hüile ngokya kaxfün nyix bama wünkya thoto Felik aban ilaxle thüi: “Athax nang pao ang tsuaküi, kue hanpak atakkya zuma kue nang chatle seüihex.”

JONA 4:4

Jowanpae lan: “Nang mongtsik angkya nange sukya mwot chem alandaopu?”

JONA 4:9

Ikoxlechu Zang-e chix ang thüi: “Ija pün bama nang ang mongtsik angkya nange sukya mwot chem mokdaopu?” Jona-e lan: “Ku ang mongtsik angkya olom tüile: zikya kople mongtsik angkya a!”