JAKOP 2:14 - OTSAO BAIBEL (BSI)

¹⁴ Kutüi kunaohom, mae mokle chiaho thüiningle hünzom khama owawae chix ma mongong tüipule thüikya ma lap chemtüi? Ija mongonge chix khosün ang tho angchami?

JAKOP 2:14 ပူးပေါင်းရင်းမြစ်များ

KAXHO MÜIKYA LUK 6:49

Ikoxle owae ku kax atat laxlechu ibu kax ma chilaxpuix, hwom a homting chifün mongle chizingkop homle ongat to hom zingle alaikya mixsün tuita ningle changpu. Tinu mualyemkyae ija hom to thu, ilaxle ija owüiole atsun, ilaxle ija hom tsunkya a za adünkya tuita changkya!”

TITA 1:16

Hwome Zang tsingle le thüitüia, ikoxlechu hwom mwot makhange chitsing khato le ahole. Hwom a, müikya mwotli tuitachu mok ang chiasukya miktsak füikya hia kax ma chilaxkyabu changle.

2 PITAR 1:5

Ija khoma hünzom mongong to onüi müikyae bo; onüi müikya to tsingwankyae bo;

JAKOP 2:26

Ikhoma, chasa chitüi homtoxle tsangtsa chemle omang changpuix, ilailaile mwot chitüi homtoxle mongongchu wüi omang changle.

IBRI 11:17

Zange chix thwontsingkya zuma, mongong makhange Abrahame sasün Isak tö kox. Abraham a Zange tsaosax daokya mixsün tuita changkya, ikoxlechu chixe sasün tuita wüi tüikya Zang ang tö kox ang achwon.

IBRI 13:9

Küjo küjekya hozün hwon-nwotbue hünzom ochei to pao ang taxtom. Osüt oling bama wanlombu tokya makhange chichangle Zang chingcha tokhange omong tsakzong kopkya wüi sümüi, ibu wanlom tokya tokhange hexle lap chemchu chitüi tox.

GALATIA 5:6

Jisu Khrista füikya notom ma kem khwon chizütkya hia zütkya ma mafanfan chemchu müntüi, ikoxle zangwün a mongong füi mwot mokkya matix tüile.

JAKOP 2:18

Ikoxlechu owawae akaxüi: “Mixsün tuita ma mongong tüi, mama sün ma a mwot tüi.” Ku kaxlan a: “Mwot chitüi homtoxle mongong tüitsuak angkya mix ku hama ahohüi. Kue ku mongong nang hama mwot makhange ahofang.”

WANGSHEMBU MWOT 8:21

Kwom mwottho ma nang kwom üitho jao münchang, chemthüikoxle Zang miksho ma nang mong ojao münsu.

MATHI 5:20

Idaile kue hünzom ang thüipu, hünzom mongong a farisibu hia Wanlom nwotmixbu füi süchongle chichang thüiningle hünzom otuechu zangkangting to ngui ang müntho angkya changle.

TITA 3:8

Ija kax a otsing tomtata changle. Ija bama nange onüi khünzule namwünbae le kue texpu, ikoxletix opange Zang to mongong laxpuix hwome müikya tamchu nok zongto wüi mwot ma hüikya müikya mwot mok ang hanpak fa angkya bama hwom mong ma kakle texüi.

1 TIMOTHI 1:5

Ija kax koxkya mongtex a: tsaothakya mong makhange laikya mongkün, je chipakya khangka ilaxle otsingtsing mongong azwot angkya hanpakma changle.

1 THESALONIKA 1:3

Chemthüikoxle hünzome chemle hünzom mongong mwot ang achangle twonpuix, hünzom mongküne hünzom ang azongle mwot amokpuix, üntoxle Jowanpa Jisu Khrista tokya hünzom mongong chemle oshing mongle tüipuix, ibu kwome kem Hopa Zang thüntho ma texle atakpu.

GALATIA 5:13

Ikoxlechu tüinaohom, hünzom a khangkho ngaile ngo angle nyakpu. Idaile nange müi-hi-aji mongtex lom ma taxdan. Itülüi, mongkün makhange tata atu-alitkox

1 KORIN 15:2

Hünzome ija Kaxho Müikya to mongle khexkya khoma hünzom azangle ngopu. Chichang thüikoxba hünzome mongongkya muato maxse.

WANGSHEMBU MWOT 15:9

Chixe kem hia hwom ba süile münthom; hwome ongkya khoma chixe hwom mong atsaole koxle.

JAKOP 2:16

Hwom hanpakma laxli mwot-kat chikox homtoxle: “Zange hünzom to mohiman hüi! Hünzom tsangtsa zanglomlu le tamchu wokfwot tilan müile saxling ngolax”, le hünzome kaxzaza ma akaxkya ma lap chemtüi?

1 TIMOTHI 4:8

Tsangtsa mwotchu tix changpu ikoxlechu chasa mwot sisi hotüichong, chemthüikoxle ijae anyixkya tsün tamchu füichi tsün monyi bama lap faüi.

WANGSHEMBU MWOT 8:13

Simon-e ngaxchu wüi Jisu Khrista to ong; ilaxle bapti lax füima Filip füi asüi le ngo, üntoxle chixe Filip-e mokle ngokya khomtsikya hia ohünotün mwotbu ngünlaxle chixchu wüi abüt.

JEREMIA 7:8

“Hulax, dyenlale tox angkya zangwünbu to hünzome mongongle.

1 KORIN 16:22

Owae Jowanpa to chikün laxpuix, chix to othuak ozom naxtüi! Maranotha: kem Jowanpa, nguihüi!

ROM NOK HATO ZAKYA POL LAIZA 2:25

Nange wanlom jangto thüiba, nange khwonzüt zom zingkya ma lap tüile; ikoxle nange wanlom chito thüiba, nange khwonzüt zom mazingkya thatha.

KAXHO MÜIKYA LUK 3:11

Chixe lan: “Owa ma nyipong anyi tüipuix chixe chitüikya mix ang kox angkya oli, üntoxle sax ang ling ang tüikya mixechu ahanhanle saxlax angkya changpu.”

JAKOP 1:16

Ku mongkün tüinaohom, hünzom dyen-ngan ang taxtom!