JAKOP 2:1 - OTSAO BAIBEL (BSI)

¹ Kutüi kunaohom, fuazangkya Jowanpa, kem Jowanpa Jisu Khrista to ongkya khünakbu daile, hünzome otok sünngün khoma khünaknu to masüi mixlüi le taxtüi.

JAKOP 2:1 ပူးပေါင်းရင်းမြစ်များ

WANWÜNKAX 24:23

Jetüi-hwonlangkyabue ijabu chuwüi akaxdaoa: Masüi-mixlüi le kaxfün fa angkya a sukya münchang.

JAKOP 2:9

Ikoxlechu otok sünngün to hünzome mapai mixzün le jangchangba hünzome ochax lyenpu ilaxle kax ma chilaxle tüikyabu le wanlome hünzom ahaile.

TSAITONG-KAXTONG 16:19

Hwome kaxfün fapongma chisule tamchu süi-süi-chaple kaxfün chifaüi; ilaxle hwome zuizun chilaxüi, chemthüikoxle hingho chakzun makhange jetüi-hwonlangkya hia sukya khünakbu ang ngaxchu mik apwom ang tomle, ilaxle kaxfün othai fa angkya hato ahüile.

LIWI 19:15

“Wanlom ma kaxfün fa angkya zangwün azut pongma olom ma tamchu sule mokkox; mixshix-zasabu to asongle hu ikoxle saxpu-luawang to angakle hule mapai-mixzünkya chitüile tomzi bama sukya kaxfün laxkox.

TSAITONG-KAXTONG 1:17

Nang kaxfün ma süi-chapkya taxtüi; pangwüi ang kaxfün otyatya wüi laxkox, chix tütapu wüi changle ngolax. Owa thuachu taxza, chemthüikoxle nang kaxfün a Jowanpa tokhange hüikya changle. Tütali zangwün nang zongto sütsakle jangchang, ija zangwün ku hato apüihüi, ija kue tsuakle faüi.’

WANWÜNKAX 28:21

Masüi-mixlüikya a münsu. Ikoxle züizüi kaxfün mixbue hidaoküsa zuizun kop ang ngaxchu thaile mokle.

2 PUKAX-PANGAO 19:7

Jowanpa chathua zakya tüilaxle ilaxle khün-likya füi kaxfün falax, chemthüikoxle Jowanpa, kem Zang-e, dyen-ngankya, masüi-mixlüile changkya hia zuizun, ibu füi adukya müntüi.”

JAKOP 3:17

Ikoxchu thakchi tokya je-hwon a pongwang ma tsaotha le changüi; tamchu ija a mongsomjale, somdangle tamchu asyen-abui le changüi; ija a chingchajaja oziak opuae awangle tüile; ija a mapai mixzünkya tamchu künkux-mongkwom füi janle tüile.

JAKOP 2:3

Müikya nyiwun füikya mix onüi achuak achen üntoxle chix ang thüi: “Ija ngwotnui amüikya koplax”; ikoxle zasa sün ang thüi: “Chuja khato ajongle ngolax chichangba ku chitong ma thungle.”

JUD LAIZA 1:16

Ibu khünakbu a jento kax ma alatlanle tamchu mixmo omale wünkyabu changle; hwom a ma ochax küntsu monglua füito azuile; hwome ma bama alüile tsaichong-kaxbongle tüile; ilaxle hwome ma lomtang kop angkya kuxma mix loplüi füt ang tomle.

1 TIMOTHI 5:21

Zang üntoxle Jisu Khrista tamchu otsao kaxtaimixbu pomtho ma, nange mokkya mwot pangnu ma masüi mixlüikya chitüi homle ija adangle fakya kax ma laxle tüi angkya bama kue nang nyakpu.

MATHI 22:16

Ofüima hwome hwom wangshembu tamchu Herod othom kha angkya khünakbu züita Jisu hato tsanle apao. Hwom nguilaxle thüi: “Nwotmix, kwome nang a mixmüi changpule awanle; khünaknue tütale wüi thütkoxlax tamchu owa thuachu chizale, nange khünaknu hama Jowanpa bama otsingtsing anwot-anole le kwome awan ngopu; chemthüikoxle nange khünak chifün to chihu.

1 KORIN 2:8

Ija chaxwannu ma apün-awangkya opupuechu ija je-hwon chitsing. Hwome ija tsingkoxba fuazangkya Jowanpa takle chilangse.

MIKNGÜN-OHÜN 14:12

Opange Zang kaxtombu kax ma lax üntoxle Jisu tokya mongong ma shingmongle ngopuix, ibu Zang khünakbu hanpakma ikhama adu angkya lomle.

TITA 2:13

Zang kem Khosünpa Jisu Khrista nguikya nyix chix fuazang angkya to monghom füi ija mohimankya nyix tanle ngotanto keme ile chang angkya changle.

WANGSHEMBU MWOT 20:21

Hwom pangnu wüi ma ochax tokya Zang hato chatle, Jowanpa Jisu shwom angkya changle le Jehudi khünak hia mixnok pangnu ang wüi kue otsing tomtata ma kaxkhün tomwüi fadaoa.

2 PITAR 1:1

Jisu Khrista wangshem tamchu chix da tuita Simon Pitar tokhange: Zang hia khosünpa Jisu Khrista otsao ma hwom füi tomle tuita thalix mongong kopkyabu hato:

TITA 1:1

Zang da tamchu Khrista wangshem Pol tokhange: Zange zün le kopkya khünaknu to fong ang ilaxle oshuk chitüikya khosün monghom chifün ang laxlaxle ngokya kem zanglome anwot-anokya otsingtsing hato hwom zun le apüi ang ku zün le koplax le tsanle apaokya changpu.

1 TIMOTHI 1:19

Nang mongong shingmongle thomkox ilaxle khangka tsaotha le tüikox. Züizüi khünake hwom khangka kax ma chilax homtoxle hwom mongong oli thu ang koxle.

KOLOSI 1:4

Chemthüikoxle Khrista tokya hünzom mongong üntoxle Zang khünaknu tokya hünzom mongkün bama kwome atatle.

IBRI 1:3

Zang fuazangle fakya chix makhange aho üntoxle chix kax makhange Zange ding hia hax ozün ma thomkya chix a Zang jaojao changpu le aho. Khünaknüsae ochax thailak atak ang kop füima, chix zangkangting to Zang, thüikoxle pangnu thak angkya Zang tsaxchi ma thungle tüile.

ROM NOK HATO ZAKYA POL LAIZA 1:11

Chasa mohiman hünzom füi ahan-achüi le lax, ilaxle hünzom zong dong ang kox angkya kuxmale kue hünzom ngünse le huanuma thüt.

WANGSHEMBU MWOT 24:24

Nyixta anyi füima Felik kakonu Drusila, owa Jehudi cha changpuix, she füi ngui. Chixe Pol apüi ang tom ilaxle chixe chix füi Khrista to mongongkya bama wünkya apa.

WANGSHEMBU MWOT 7:2

Stefen-e lan: “Achong alihom ilaxle apu-apahom! Kem putong Abraham Haran to kaüi thoto, chix Mesopotamia ma ngotanto, chix hato fuazangkya Zang lai,

WANGSHEMBU MWOT 10:34

Pitar akax ang süt: “Zange khünak nok to chipai chizün le tomwüi hule le athax kue awan ang kopdaoa.

IBRI 12:2

Owang tokhange oshuk kople kem mongong thomkya Jisu angkya kem mik taxachex hax. Pünsak sikngün khoma hexle chix ang mong chiatho! Itülüi, chix hanpak ang tanle ngokya mongmüi khoma, pünsak ma zikya thünzak tuita changpu le chixe chithüt, üntoxle athax chix a Zang ngwotnui tsaxchi ma thungle tüile.

JAKOP 1:16

Ku mongkün tüinaohom, hünzom dyen-ngan ang taxtom!

JAKOP 1:19

Ku mongkün tüinaohom, ija texle ataklax! Apa ang pangnusa wüi mom angkya changle, ikoxchu zangwün ang hia mongtsik ang zaxhun ma changkoxtix müiüi.