JAKOP 1:9 - OTSAO BAIBEL (BSI)

⁹ Chitüi-chinangkya khristabu Zange hwom nwon pongma mongmüi angkya oli changpu,

JAKOP 1:9 ပူးပေါင်းရင်းမြစ်များ

WANWÜNKAX 19:1

Tsetselopkya ongat khünak ang ngokya füi chem chitüikoxchu otsingtsing ma ngokya wüi sümüi.

2 KORIN 6:10

Küntsik mongma, ikoxlechu kwom othuithuima mongmüi le ngo; kwom a chitüi chinangkya mix ningle, ikoxlechu kwome khünak ahak alua ang tom; kwom a chemchu chitüikya ningle, ikoxlechu kwom a pangwüi koplaxle ngo.

MIKNGÜN-OHÜN 2:9

Kue nang tingtuibu awanpu; nang zasa changle le kue awanle, ikoxlechu otsing tomtata ma nang a hakpa tuita! Changjao chichang khato hwom Jehudi nok changpu le akaxkyabu thome nang ang kaxma thüikyabu kue awanle; hwom a baochi ma hakkya othom changle!

KAXHO MÜIKYA LUK 1:52

Chixe tsakzong kya wanghombu, hwom ngwotnui angkya athai, ilaxle fang to ngokyabu nwon.

WANWÜNKAX 17:5

Nange mixshix-zasabu chanyi-wanjaile jangchang, nange ija hwom zingkya Zang adapu. Owawa shoma to nang ang mongmüikya jangtüi thüiningle nang ang sikangünkya tüiüi.

MÜNCHUAK-TSAI 62:9

Khünak mixsa a tuita zakfaox wünkhut ningle; chongpuix hipuix pangwüi muakya changle. Chem thakhochu chingui ibu tuak ma thütle ano koxle; ibu a mütle alaikya zak füingaxchu chale.

TSAITONG-KAXTONG 15:11

Israel nok ma tüimix nuakmix tüile ngo angkya changle ibu to chingchajajale tüi angkya kue hünzom ang kaxtom fapu.

TSAITONG-KAXTONG 15:9

Hünzome thashe münlaxngole dantox angkya hanpak nguile hüikya ngünlaxle, chix ang tütali kox angkya to taxakhüix. Iningkya haxshix tutex hünzom khangka ma wang ang taxtom. Ija thashe kox ang nang mong chitsule jangchang, chixe nang to mongma kopüi. Ija mongma a Jowanpa hato nguiüi ilaxle nang a thaikya mix ang laxüi.

TSAITONG-KAXTONG 15:7

“Jowanpa hünzom Zang-e hünzom ang koxkya tingnubu tütapu ma hünzom Israel khünak owawa tütali ma tui-nole jangtüiba, ija khünak to fong angkya saxkün taxtüi.

FILIPI 3:14

Idaile thakchi to ngo ang Khrista makhange Zange nyakkya hingho kop angkya hanpakma ku tangthole longzi hato zikpu.

FILIPI 3:3

Otsingtsing khwonzüt zom kopdaokyabu a hwom münchang ikoxle kwom changle, chemthüikoxle kwome Zang, chix chasa makhange shwomle ilaxle kwom khüzün tsün Khrista füi notom tüikya bama kwom ang mongmüi le. Kwome otok zom chemtochu münong.

ROM NOK HATO ZAKYA POL LAIZA 8:17

Kem chixsu chixsabu daile, chix khünaknu hanpakma chixe thomkya mohiman keme kopüi, ilaxlechu Khrista füi tomle Zange chix hanpakma thomkyachu wüi keme kopüi; chemthüikoxle keme chix sikngün ahanle janglaxba, chix fuazangchu wüi ahanle laxüi.

KAXHO MÜIKYA LUK 10:20

Ibachu haxshix chasabue hünzom kax ma laxkya khoma hünzom ang mong taxmüi, itülüi zangkangting to hünzom mün zale tüikya khoma mongmüilax.”

KAXHO MÜIKYA LUK 9:48

ilaxle hwom ang thüi: “Ku mün ma ija nao owae pongle kopüihex, ku pongle kopkya changpu; üntoxle owae ku pongle koppuix chixe ku tsanle apaokya mixchu pongle koppu; chemthüikoxle hünzom khama ahixkya opupu hex, pangnu füi achongkya chix changpu.”

1 SAMUEL 2:8

Haxbu kha tokya chitüi-chinangbu chixe nwonle alai ilaxle haxmax-zangsamle ngokya chifün tokyabu hwom chixe nwon. Chixe hwom a wanghom naosom hwom füi zuikhui ang achang ilaxle hwom a achuak-achenle tüikya chifün ma dan. Chaxwannu chifün a Jowanpa kux changpu chixe ibu dingma chaxwannu zing.

1 PITAR 2:9

Ikoxlechu zangnaknu khatokya khompua atsikkya zangngai hato Zang ohünotün mwotbu apuk-apua angkya hanpakma kamle kopkya jat-li, chongwang nguapabu, otsao ting-nok, Zang zongto ma khünaknu a hünzom changle.

ISAIA 29:19

Jowanpa Israel nok Zang-e koxkya ma, chitüi-chinang hia pui-naile tüikya khünakbue tamchatle mongmüi angkya ataküi.

KAXHO MÜIKYA LUK 14:11

Chemthüikoxle owae ma alüile achen üihex, chix a ahixkya ang achangüi; üntoxle opange ma alüile ahixkya ang changpuix, hwom achenüi.”