JAKOP 1:4 - OTSAO BAIBEL (BSI)

⁴ Nang chasa tsün tsongle atya angkya hanpakma üntoxle chem machu thaithaxkya chitüi le okhongui angkya hanpakma, adukyae mwot tsuak ang laxkox.

JAKOP 1:4 ပူးပေါင်းရင်းမြစ်များ

1 PITAR 5:10

Ikoxle noxta hanpakma hünzome sikngün apong füima, pangnu to chingchakya Zang, owae Khrista füikya notom ma oshuk chitüikya chix fuazang mantswon ang hünzom nyakpuix, chixe hünzom okho anguile faüi üntoxle hünzom ang shingmongkya, zong tamchu mongao chitüikya chifün faüi.

KAXHO MÜIKYA LUK 21:19

Shingmongle ajonglax, ikoxle hünzome makho alüile azün ang thoüi.

MATHI 5:48

Ijadaile chemle zangkangting tokya hünzom Hopa okhoguile tüipuix, ija ningle hünzom chuwüi okhongui angkya changle.

2 TIMOTHI 3:17

ikoxletix Zang thothakya mix asukya ang achangüi ilaxle müikya mwot pangwüi mok ang zongmo apongle changüi.

HABAKUK 2:3

Ija a chakza ma koplax thomlax, chemthüikoxle ija changle ngai angkya hanpak mangui. Ikoxlechu hanpak a chwonle wüi hüile ngole, ilaxle kue nang hama chem ahodaopuix ija otsingtsingle changle hüiüi. Ija ngui ang süshenkya ningle sütkoxlax, ikoxlechu ija tanle nüilax; ija changle ngai angkya jaojao, ilaxle hanpak alüile münlaxüi.

IBRI 13:21

Chix mongtex mwot mok ang mongsom Zange hünzom hanpakma laxli müikya oli pangnu füi angui awangle naxfa, tamchu Khrista makhange chixe chix mong amüi angkya oli kem ma naxmok. Üntoxle othuithuima Khrista ang fuazangkya naxchang! Amen.

GALATIA 6:9

Idaile müikya mwot mok ang kem taxna-taxjua hax; chemthüikoxle keme danle chitoxle jangmok thüiningle, züt ang hanpak tuita kem hato hüiüi.

MÜNCHUAK-TSAI 40:1

Jowanpa ofong-otsox hanpakma kue adule tan; ifüima chixe ku zing apa üntoxle ku sopkya zing atat.

MÜNCHUAK-TSAI 37:7

Adukya tüikox üntoxle Jowanpa mok angkya tanle changkox; ahak-aluale changkyabu hanpakma mong taxthang chichangba hwom ochax mwotbu ma ozalünkya bama taxaban.

JAKOP 3:2

Kem othuithuima thaihompu. Ikoxle ojao chithaile zangwünkya khünak jangtüi thüikoxle, chix okhonguikya mix tamchu chix tsangtsa komle akumathum ang thokya mix changle.

JAKOP 1:5

Ikoxle hünzom khama owawa je-hwon ma okho chinguikya mix jangtüi thüiba, chixe Zang ma ju ang laxkox; chemthüikoxle thaikya lomle chingo homle mongtsukya füi koxkya Zange ija chix ang faüi.

1 KORIN 2:6

Bachutix chasa ma tsün atyadaokyabu hato kue je-hwon kaxho apukpu. Ikoxlechu otam amütdao angkya athax pongkyabu din-pan tamchu ma apün-awangkyabu je-hwon bama münchang.

KOLOSI 4:12

Tuita Jisu Khrista da, tamchu hünzom othom kha angkya Epafra tokhange salam. Tsün tsongdaokya tamchu mong komle alüix daokya khristanbu ningle, Zang mongtex kax ma laxlaxle hünzom shingmong le ajong ang koxhüi le Zang ma jule, chixe hünzom hanpakma jento zangjople.

KAXHO MÜIKYA LUK 8:15

Haxwan Müikya khato dütkya tsaxtsang a; Zang Kaxho atatlaxle, ija kax ma laxle mongtsang ma athünle thom, ilaxle oziak opua mamün-mamünle adu ngokyabu changpu.

MATHI 10:22

Ile ku mün khoma hexle khünaknu pangnue hünzom thua anuüi; ikoxchu oshuk kople adukya mixe khosünkya ataküi.

JOB LAIPEX 17:9

Hwom achuak-achen koxle asule tüile le wünkya khünakbu, hwom wüi sukyabu changpule taile jikle laxpu.

WANWÜNKAX 4:8

Je-hwon to mongkün tüilax, she-e nang chongkya ang achangüi. She to künle koplax, üntoxle she-e nang hato achuak-achenkya apüiüi.

2 PITAR 1:9

Ikoxle hünzom ma ibu chitüi jangthüiba, hünzom a cha tokya ngün ang chithokya tamchu amipongkya ochax tokya ma khosün kopkya alak daokyabu changle.

JUHAN 17:23

Ku hwom ma ilaxle nang ku ma, ikoxle hwom owüiole tuita ang naxachang; ile tix nange ku tsanle ajopu tamchu nange ku to chemle mongkün puix ija lailaile hwom tochu wüi mongkünpu le chaxwannue awan angkya hanpakma.

KAXHO MÜIKYA LUK 18:22

Otue Jisu-e ija kax atat, chixe chix ang thüi: “Athaxchu nange mok angkya oli tuita tüile. Nange nang ma atüitüi bakle hanglax ilaxle ngun mixshix-zasabu ang ahanle laxkox, üntoxle zangkang to nang ahak-aluakya tüiüi; üntoxle oman, ku füito hüilax.”

MARK 10:21

Jisu-e chix to mongkün füi tangthole hu ilaxle chix ang thüi: “Nang oli tuitae ma angui; paolax, nang ma atüitüi pangnu hanglax, ilaxle chitüi chinangkyabu ang ahanle laxkox. Ile jangchangba nang zangkangting to tüle ahak aluale tüiüi; ilaxle oman, ku füito azuilax.”

MATHI 19:20

Ija mixsüne thüi: “Kaxtom ibu kue naosom tokhange wüi mokle hüipu; jangchangba iboma kue mok angkya chem tüi?”

1 THESALONIKA 5:23

Pangnu lom ma hünzom otsao ang achangle Zange kwom ang mongsom naxfa ilaxle hünzom ozün komle, thüikoxle chasa khüzün tamchu tsangtsa pangnu, Jowanpa Jisu Khrista nguipongma othai lili füi atsaile sünle thomüi.