JAKOP 1:26 - OTSAO BAIBEL (BSI)

²⁶ Khünak owawae ma mong alüile dyen-nganle malualua to ma atsaole texlanlan laxle ma akumathumkya chitüi homle jangtüi thüiba, chix otsao zanglom ma chem lap müntüi.

JAKOP 1:26 ပူးပေါင်းရင်းမြစ်များ

EFISIA 4:29

Nang kax füi, atatkyabu fün amüi angkya hanpakma mix zongto kak angkya zang taxwün, itülüi mix to juafong angkya oli kaxzex zangwünkox.

MÜNCHUAK-TSAI 141:3

Jowanpa, ku tunpün kahak nyele thom hüi.

1 PITAR 3:10

Otsao Lai-e akaxkya ningle, “Owae khüzün to mongkünse tsu; tamchu hanpak omüi ngünse tsupuix; kaxma-ngaoshix taxakax, üntoxle atse le zang taxwün.

EFISIA 5:4

Tamchu tsaima kaxshix, kaxbi ngaoba, chichangba wünle chingo homfang zangwün hünzome wün ngo angkya ojao münasu.

WANWÜNKAX 19:1

Tsetselopkya ongat khünak ang ngokya füi chem chitüikoxchu otsingtsing ma ngokya wüi sümüi.

MÜNCHUAK-TSAI 34:13

Ile jangtexba ochax zangwünkya taxtüi üntoxle kaxthai zangwünkya taxtüi.

WANWÜNKAX 10:31

Otsao khünakbue jekax akaxle, ikoxle ochax zangwünkya leza a zütdaoüi.

WANWÜNKAX 10:19

Nange zang chemtukux wünpuix, itukuxle nange ochax lyen angkya chwonpai ma tüile. Nang jetüi-tüikya khünak jangchang, nang a dangle ngoüi.

KOLOSI 4:6

Othuithuima hünzom zangwün a mix zongma müile tamchu apa ang tsule tüikox, ilaxle pangnusasa ang wüi changkya kaxlan fa ang hünzome awanle tüikox.

JAKOP 1:22

Chix kax apa lanlankyae nang to dyen-ngan ang taxtom; itülüi, Ija mwot ang achangle mok kox.

JAKOP 1:19

Ku mongkün tüinaohom, ija texle ataklax! Apa ang pangnusa wüi mom angkya changle, ikoxchu zangwün ang hia mongtsik ang zaxhun ma changkoxtix müiüi.

WANWÜNKAX 16:25

Nange sukya lomtang changpule ajangkya lome zikmüt-mangkho lom to alyet angchu tsuak.

KAXHO MÜIKYA LUK 8:18

“Ijadaile, hünzome atatkya ningle khünzai lax; chemthüikoxle owama muale tüipuix chix ang aluile koxüi, ikoxle owama chitüipuix, chix ma tüipule texngokya sasa ngaxchu bakle paoüi.”

GALATIA 6:3

Chix a chem ngaxchu chichang khato owawae ma lita changpu le ngamle jangtex, chixe ma alüile dyen ngopu.

WANWÜNKAX 14:12

Nange changkya lomtang changpule ajang ngokyae nang zikmüt-mangkho hatochu ahüi ang tsuak.

TSAITONG-KAXTONG 11:16

Hünzome ma alüile, Jowanpa ha angkya, mama baozang to shwom-to le chang ang pao ang taxtom.

GALATIA 2:6

Ikoxle hwom opang lompa ningle tüikya hex, hwom chem changkya hex, ibu bama ku mongto chemlechu e-sele chitexkya khoma kue ija akaxpu; Zange otok osün to hulaxle kaxfün münfa: ibu lompabu, kue thüipu, hwome apuakya ku zongto chemnu otax: onüi le münchang.

MARK 7:7

Hwome ku chishwombachu; khünak chakzing wanlombu hwome, Zang wanlom ningle, mix hama anwot anole.’

ISAIA 44:20

Ija füi a wündix saxngokya ma wüi je sütüi. Chixe ongat khangkae chix itukuxle othai lom to alyetdaoa, athax chix to fong angkya olom jao müntüi. Chixe chix chak ma twonlaxle tüikya chapa a baozang münchangle akax ang müntho.

WANWÜNKAX 21:26

hwome laxsele tsukya bama ajang angkya a hwom mwot changle. Ikoxlechu otsao khünakbue kox ang thole, mongtsutsule koxle.

1 KORIN 15:2

Hünzome ija Kaxho Müikya to mongle khexkya khoma hünzom azangle ngopu. Chichang thüikoxba hünzome mongongkya muato maxse.

MATHI 15:9

Ikoxlechu ku kax ningle, khünake zingkya wanlom kax, apua koxkya khoma; hwome ku shwomkya ma, lap chemchu müntüi!’”

MALAKI 3:14

Hünzome thüipu, ‘Zang thothakya ma olüi chemchu müntüi. Chixe akaxkax mokkya ma chemtüi chichangba kwome chem mokdaopuix ija bama kwom thaikya ngaipu le Jowanpa hato aho ang azongkya ma chemtüi?

ISAIA 1:13

Hünzome töbu apüile kox ngo angkya mwot jao münchang. Hünzome zokle ashun ngokya ongane ku to male jao mutüna. Hünzom lyetzün pangpwon, Sabath hia hünzom zanglom tusox to ngo ang jao müntho; ibu pangwüi hünzom ochax makhange amale awütdaoa.

1 KORIN 15:15

Tamtailechu Zang bama kwom atsekya ang changüi, chemthüikoxle Zange Khrista chatle azangle zo ang tomle le kwome akaxdaoa. Idaile zidaokya chatle azangle zokya chitüiangba, Khrista chatle azangle zokya kaxwa changa.

WANWÜNKAX 16:10

Wanghompa-e Zang tsak-zong füi zangwünle; chix kaxfünbu a othuithuima sule.

WANWÜNKAX 15:2

Chemtue jetüi-hwonlangkya khünakbue zangwünpuix, hwome tsing-wankya to mongzao ang tomle, ikoxle ongat khünakbu wikha makhange khangka ma chilekyabu alaile.

MÜNCHUAK-TSAI 32:9

Man hia mantsak ningle ongat ang taxchang, ibu to a kax ma laxle tüi angkya hanpakma fitle hia wikha ma danglang shole akumathum angkya laile.”

JAKOP 2:20

Ikoxle, O anga! Mokkya mwot chitüi homtoxle mongong tata ma chem mwot müntüile nange ahose tsupuix nyi?

GALATIA 3:4

Hünzome apongle hüikya sikngün ibu chemchu münchang texpia? Tütakoxlechu ija a lilita changjao changle!

GALATIA 2:9

Jakop, Pitar üntoxle Juhan, hwom opang lompabu ningle ngopuix, hwome, Zang tokhange ku ang ija mwot koxle thomkya tsingle lax; ikhoma, kwom pangnu wüi üitho tuita ang achangle aho ang hwome Barnaba kukhi füi chak apong. Barnaba kukhie mixnokbu khato ilaxle hwome a Jehudi nokbu khato le Jowanpa mwottho ma süt angkya kwom mong notom.

1 KORIN 3:18

Owaechu ma alüile taxdyen, owawae athaxpongkya chaxwannu chifün ma chix a jetüi hwonzaikya mix tuita changpu le jangtex, otsing tomtata ma je-hwon füikya mix ang achang angkya kuxma, chix a ongat ang achang angkya changle.

JOB LAIPEX 15:13

Zang füi mongtsik üntoxle nange chix pongle chikoppu.

JOB LAIPEX 30:11

Zang-e ku zong chitüile üntoxle fongmix chitüile zingkoxle, hwom a mongtsik abakle ku chito mix hüile.