JAKOP 1:25 - OTSAO BAIBEL (BSI)

²⁵ Ikoxlechu khünaknu ang khangkho angai le koxkya sukya wanlom to hu üntoxle atat zaza laxle asam le chichang homtoxle mong ma tikshingshing le kop üntoxle mwot ang achangle mokle jangchang thüiningle, nange mokkya mwotlom pangwüi ma nang to Zange mohimanüi.

JAKOP 1:25 ပူးပေါင်းရင်းမြစ်များ

KAXHO MÜIKYA LUK 11:28

Ikoxle Jisu-e lan: “Itülüi Zang Kax apalax. Ija kax ma laxkyabu sisi tamtai mohimankyabu changle!”

JUHAN 13:17

Athax hünzome ija otsingtsing bama awandaoa ilaxle ija mwot ang achangle twonkya zuma hünzom ang mong otukux müiüihex!

1 PITAR 2:16

Khangkho ngaikya khünakbu ningle ngolax; bachutix hünzom khongai ochax to chwop-khom ang taxtwon, ikoxle Zang zongto dahaibu ningle ngolax.

JAKOP 2:12

Kem mongtex pankya wanlome kaxfün fa angkya awankya khünakbu ningle zangwün kox ilaxle mokkox.

GALATIA 5:1

Khangkho ngaile ngo ang Khrista-e kem pandaoa! Idaile pandaokya mix ningle shingmongle ajonghüi, nang tamchatle da ang taxachang.

1 KORIN 15:58

Idaile, kutüi-kunaohom, shingmongle ajonglax ilaxle zaxhun ma ahamkox. Jowanpa mwottho ma nange mokkya chemlichu muato münmax le nange awan angkya daile, Jowanpa hanpakma chak ojao chingaile mwot mokkox.

1 TIMOTHI 4:16

Nange ma to alüile tamchu nang hwon-nwot to khünkhile hulax. Thuithui le ibu mokle lekox, chemthüikoxle nange jangmok thüikoxle nange ma khosün kopkya boma nang kax atatkyabuchu sün ang thoüi.

2 KORIN 13:5

Hünzome ma to alüile wanle anolax üntoxle kaxfün le anolax, izuma hünzom mongong ma ozün ma ngokya chichang changpuixle ataküi hex. Hünzom ma Khrista tüile le hünzome matsing hex nyi? Ile chichang thüiningle hünzom komkaile thaingoüna.

ROM NOK HATO ZAKYA POL LAIZA 11:22

Ikhama keme Zang chemle chiadu tsuakkya hex tamchu chemle chingchae awangkya hex ija ngün ang kople. Opang dütle ngoün laxpuix hwom füi chix münadutsuak, ikoxlechu hünzom chix chingcha ma jangngo thüiningle chixe hünzom to chingchaüi. Ikoxle hünzom chuwüi ile chitüi thüiningle punle awütüi.

WANWÜNKAX 14:15

Ongat khünake chemningkya tochu ongüi; khünzaikya khünakbue hwom chikap to hungale ahamüi.

ROM NOK HATO ZAKYA POL LAIZA 8:15

Chemthüikoxle Zange hünzom ang koxkya Chasae hünzom da ang münachang ilaxle hünzom zazyen angchu müntom; itülüi, ija Chasae hünzom Zangsu Zangsabu ang achangle, tamchu ija Chasa zong füi keme Zang ang “Apa! Ku Apa!”, le nyakle akhongle.

GALATIA 2:4

Mongong mix-mix wüihexle atsing üntoxle, Khrista füikya notom ma kwome kopkya khangkho zangngai bama opak otua tikle laxsele khwalop mix ibu kwom othom khato zuile ngui.

JUHAN 8:36

Hosae hünzom ang khangkho angai le jangfa daoba ija khangkho zangngai a othuithui hanpak ang changüi.

MÜNCHUAK-TSAI 106:3

Chix kaxtombu kax ma laxle tüikyabu mohiman changpu, othuithuima sukya mwot mokkyabu mohiman.

MIKNGÜN-OHÜN 14:13

Ifüima kue zangkangting tokya ija kaxzing atat: “Ija zale koplax: Athax makhange opang Jowanpa thothakya mwottho ma zilaxpuix, hwom mohiman!” “Ija changtomtale! Hwome azong le mokle ngokya mwot tokya nazak ang kopüi; chemthüikoxle hwom mwot hwom füito azui angkya changle.”

1 TIMOTHI 2:15

Ikoxlechu she puinaile mongong hia mongkün ma tamchu otsao ma ngole jangchang thüikoxle, naosom puxpaikya makhange she sünüi.

ROM NOK HATO ZAKYA POL LAIZA 7:12

Idaile chix po ma, wanlom a otsao, sukya tamchu müikya changle.

WANGSHEMBU MWOT 26:22

Ikoxlechu anyix kople Zange ku to fongle wüi hüipu, ija khoma hixkya chongkya noknusa hama otsingtsing zangwün ang ku ikhama ajongpu, kue akaxkya zangwün a ajebu hia Mosa hwom akaxkya füikya kya wüi changpu.

WANGSHEMBU MWOT 13:43

Ile sinagok ma asoxkya khünaknu fan füima, Jehudi khünakbu hia Jehudi nok ang achangkya mixnokbu züizüi Pol hia Barnaba nyi füito hüi. Okhie hwom füi akax üntoxle Zang chingcha ma otya ma ngo angkya hwom ang zong adün.

IBRI 12:15

Zang chingcha angkya anongle chichat angkya bama khünkhile hunga ngolax. Nyem laxle ija ma tüikya zik hing füi huanuma khünaknu tingtui ang tomkya khaxkya pün tuita ningle owachu taxchang.

WANGSHEMBU MWOT 2:42

Üntoxle hwom a wangshembue anwot-anokya hia notom wonmüikya ma, üntoxle tomle saxlaxkya hia zangjop ma womle hwom shingmongle ngo.

ISAIA 8:20

Hünzome ibu kax to lanüi: “Hünzom hama Jowanpae chem anwot-ano puix ija to apalax! Jenu-shipabu zangwün to taxapa — hwom zangwüne hünzom sikngün füi atsaile thom ang münthopu.”

MÜNCHUAK-TSAI 119:45

Ku a komkaile khangkho-zangngaile ngoüi, chemthüikoxle kue nang hwon-nwotbu kax ma laxle chang ang azongpu.

MÜNCHUAK-TSAI 119:32

Kue mongtsutsule nang kaxtombu kax ma laxle tüiüi, chemthüikoxle nange ku ang tsing-wankya anaolechu kox angkya changle.

1 SAMUEL 12:14

Hünzome Jowanpa, hünzom Zang to achuak-achenle, chix thothale, chix zangwün to apale, chix kaxtom kaxbu ma laxle jangtüi, ilaxle hünzome tamchu hünzom wanghompa-e chix füito azuile jangchang, hünzom füi pangnusa müile leüi.

MIKNGÜN-OHÜN 22:14

Ma zapua sole atsao daokyabu mohiman, chemthüikoxle khüzün pün angkya pünziak sax ang tamchu ngailombu makhange tingnu to dong ang hwome ataküi.

1 JUHAN 2:24

Ikhoma pongwang tokhange atatle hüikya kaxho hünzome mong ma kople thom ang ole thüilax. Hünzome ija kaxho mong ma kople jangthomba hünzom a Hopa hia Hosa nyi füi jento notom le ngoüi.

KOLOSI 1:23

Zangfang ma tüikya chakzing pangnu hato anwot-anokya oja Kaxho Müikya hünzome atatle lax, ilaxle ku Pol oja bama thothapa ang achang, ija Kaxho Müikya monghom angkya chiachikchex le mongong ma jang ajong thüiba, hünzom chix füito wom ang tomüi.

ROM NOK HATO ZAKYA POL LAIZA 2:13

Idaile wanlom na ma atatkyae Zang thüntho ma khünak otsao ang achangüile münchang, ikoxle wanlom ma tüikya ningle mokkya mix tix sukya ang achangüi.

ROM NOK HATO ZAKYA POL LAIZA 8:2

Chemthüikoxle Chasa wanlom ojae Khrista ma kem hato khüzün apüipuix, ijae ochax hia zikmüt-mangkho chak tokya ku dandaoa.

GALATIA 6:2

Tata jua fongle tüikox, iletix hünzome Khrista wanlom kax ma laxle tüiüi.