JAKOP 1:22 - OTSAO BAIBEL (BSI)

²² Chix kax apa lanlankyae nang to dyen-ngan ang taxtom; itülüi, Ija mwot ang achangle mok kox.

JAKOP 1:22 ပူးပေါင်းရင်းမြစ်များ

ROM NOK HATO ZAKYA POL LAIZA 2:13

Idaile wanlom na ma atatkyae Zang thüntho ma khünak otsao ang achangüile münchang, ikoxle wanlom ma tüikya ningle mokkya mix tix sukya ang achangüi.

JUHAN 13:17

Athax hünzome ija otsingtsing bama awandaoa ilaxle ija mwot ang achangle twonkya zuma hünzom ang mong otukux müiüihex!

JAKOP 4:17

Ikhoma, keme mok angkya müikya olom awanlaxle chimok thüikoxle, ija kem zongto ochax changle.

1 JUHAN 2:3

Keme Zang kaxtom kax ma laxle jangtüiba, keme chix tsingwankya Ija makhange atsingsho le changüi.

KAXHO MÜIKYA LUK 11:28

Ikoxle Jisu-e lan: “Itülüi Zang Kax apalax. Ija kax ma laxkyabu sisi tamtai mohimankyabu changle!”

MATHI 12:50

Chemthüikoxle owae zangkangting tokya Apa kax ma laxle tüiüi hex, ibu tix ku zongto anu tamchu kunao hwom changpu.”

KOLOSI 3:17

Hünzome chix makhange Hopa Zang ang münchong fakya zuma, hünzome mokkya hia akaxkya pangwüi, Jowanpa Jisu mün ma tsuakkox.

MIKNGÜN-OHÜN 22:7

Jisu-e thüi: “Apalax! Ku chwonle wüi nguiüi! Opange ija laipex ma tüikya jekaxbu kax ma laxle tüilaxpuix, ibu mohiman!”

1 JUHAN 3:7

Kuli-kunaohom, owa angchu nang ochei lom to zunle pao ang taxtom! Khrista chemle otsao hex ija ningle sukya mwot mokkyabuchu wüi otsao changle.

JAKOP 1:26

Khünak owawae ma mong alüile dyen-nganle malualua to ma atsaole texlanlan laxle ma akumathumkya chitüi homle jangtüi thüiba, chix otsao zanglom ma chem lap müntüi.

GALATIA 6:7

Alüile ma kho taxhang; Zang a owaechu dyen ang müntho. Khünak tuitae chixe chem küile thomlax puix ija oziak tix khaiüi.

3 JUHAN 1:11

Ku mongkün, ochax hwon taxlax ikoxle chem müipuix ija hwon laxlax. Owae müikya mwot mokpuix ija a Zang tokhange changle, ikoxle owae mwot oma mokpuix chixe Zang mangün.

GALATIA 6:3

Chix a chem ngaxchu chichang khato owawae ma lita changpu le ngamle jangtex, chixe ma alüile dyen ngopu.

1 KORIN 6:9

Otsao chichangkyabue Zang Wangting mantswon münkopüi le hünzome münawan hia? Nang taxthaikop ünlax; chinunchakkai, chapa shwomkya, chakzong-kwonte, jonglyen,

MATHI 28:20

Kue hünzom hama apuakya pangnu kax ma laxle tüi angkya hwom hama anokox. Üntoxle hulax! Ku hünzom füi chaxwannu oshuk kople othuithuima ngoüi.”

1 JUHAN 1:8

Keme kem ma ochax müntüile jangthüiba keme ma alüile dyenkya changpu, ilaxle kem ma otsingtsing müntüi.

FILIPI 4:8

Oshukma kutüi-kunaohom, münchong fakoxle asule tüikya hia oli müikyabu füi hünzom awangle tüikox; thüikoxle, otsingtsing, sukya, changkya, tsaothakya, mongkünkya ilaxle achuak achen ang asule tüikyabue awangle tüikox.

1 KORIN 15:33

Nang mixe dyen ang taxtom. “Üitho chimüikyae, zanglom müikyabu tsün amaüi.”

MIKNGÜN-OHÜN 12:9

Ija tüle chongkya dragon, owa chaxwannu pangwüi dyenkya ozang pu changpuix, tamchu owa ang Bao chichangba Haxshix le nyak, chix üntoxle chix füi tüikya kaxtaimixbu komle chaxwannu to tswonle awüt.

2 PITAR 2:13

Hwome mix to sikngün apong ang tomkya khoma hwom angchu wüi sikngün apong ang tomüi. Anyixningkya zangngai to ma tsangtsa mongzom amüi ang chem mokpuix, ija a hwom zongma mongmüi akhokya ang laxle; Hünzom füi tomle fongsax ang tsap ma thung pongma, hwom a hünzom othom khama tuita münwan hia omak füikyabu, ma huxtsing-loptsang füi mongzom müikyabu changle.

TITA 3:3

Chemthüikoxle tam a kwomchu wüi ongat ningle, kax ma chilax ilaxle thaile tüikya changpu. Kwom a pangnu lito asingle nüfux zaikya da ang ngokya. Kwome kwom tsün chingcha chitüile hia mixfün müikya ngünse chitsukya lom ma koxle hüi; mixe kwom to tsak ilaxle kwomechu hwom to khu.

OBADIA 1:3

Nang mongngame nang dyendaoa. Nang pongwün tingnu a longnu füi zingkya zanhunui changle; nang hom a tsuathale haxnukho towüi, ikhoma nange nang füi alüile akax, ‘Ku a owae bele ajo thoüi?’

ISAIA 44:20

Ija füi a wündix saxngokya ma wüi je sütüi. Chixe ongat khangkae chix itukuxle othai lom to alyetdaoa, athax chix to fong angkya olom jao müntüi. Chixe chix chak ma twonlaxle tüikya chapa a baozang münchangle akax ang müntho.

1 KORIN 3:18

Owaechu ma alüile taxdyen, owawae athaxpongkya chaxwannu chifün ma chix a jetüi hwonzaikya mix tuita changpu le jangtex, otsing tomtata ma je-hwon füikya mix ang achang angkya kuxma, chix a ongat ang achang angkya changle.

2 TIMOTHI 3:13

üntoxle chisu chimüikya khünakbu tamchu othai hwon anokyabu zia süma sümale maüi; ile hwome mixdyen-mixnganle tamchu ma alüile dyenle changüi.

JEREMIA 11:6

Ifüima Jowanpae ku füi akax: “Judah tingnu hia Jerusalem tingjang lomnu to paokox. Ikhato ku kaxho laxkox ilaxle khünaknu ang Tsaotsüt füikya zangwün to nathale apa angkya ilaxle ibu kax ma laxle tüi angkya akaxkox.

JAKOP 4:11

Kutüi kunaohom, hünzome tata to kaxma taxthüi. Opupue mix ang kaxma thüipuix chichangba mix kaxfün puix, chixe wanlom füi kaxma akaxpu tamchu wanlom kaxfünpu, ikoxle nange wanlom kaxfün le jangchang thüikoxle, nang a wanlom lwot tokya mix chichangle kaxfünkya mix ang changpu.