JAKOP 1:21 - OTSAO BAIBEL (BSI)

²¹ Idaile hünzome chitsaokya oli pangnu üntoxle awangle ngokya chimüikya ochax awütlax, üntoxle nang mong ma hüikya kax ojae nang azün ang thoüi hex, somdangle ija kax pongle koplax.

JAKOP 1:21 ပူးပေါင်းရင်းမြစ်များ

EFISIA 4:22

Hozang tsün oja dyen-nganse le tsukyae amütle thomtüi puix, ojae nang ami pongkya ningle ngo ang tompuix, ija tsün hozang füi atsailax.

EFISIA 1:13

Üntoxle hünzom chuwüi, hünzom hato khosün apüikya Kaxho Müikya bama otsingtsing kaxho otue atatpuix, hünzom chuwüi Zang khünaknu ang achangpu. Hünzome Khrista to ong, üntoxle chixe faüi hexo le tsaokya Otsao Chasa koxlaxle Zange hopupa münwan chix shin tople.

1 PITAR 2:11

Kue mongkünle texkyabu, chaxwannu ma mixwünbu tamchu püntüibu ningle kue hünzom ang thüipu: chasa füi alünle azankya müi-hi-aji küntsu monglua füi hünzom atsaile ngolax.

JUHAN 6:63

Khüzün koxkya a Zang Chasa changpu, khünak tsakzong a chem angchu münchang ikoxle kax oja kue hünzom füi akaxpuix, ijabue hünzom hato ozün ma tüikya Zang Chasa apüile fapu.

MÜNCHUAK-TSAI 25:9

Puinaikyabu chixe sukya lomtang to zun, hwom hama chix mongtex anwot-anole kox.

1 PITAR 2:1

Jowanpa ipongpongle müikya hünzome wanle jang anodao thüiba, chimüikya oli pangnu, atsekya pangnu, künkux-mongkwom, osing-nüfux üntoxle tsaima-kaxshix pangwüi awütdao.

IBRI 12:1

Kem hanpak ang kaxkhi kox angkyabu kem akhople ija chongkya othom tüile. Ikhoma kem lom tsyenkya pangnu li tamchu kem to mongle kün thomkya ochax füi atsaihax, üntoxle kem thüntho ma tüikya zikkya khato monge texkya füi zik-hax.

JAKOP 4:8

Zang hato soxle hüikox, ikoxle chix nang hato soxle hüiüi. Ochax khünakbu, hünzome ma chak tsuxlax! Künkux-mongkwombu, hünzome ma mong atsaolax!

TITA 2:11

Chemthüikoxle khünaknüsa khosün hanpak ang Zange chix chingcha ngaile ahodaoa.

ROM NOK HATO ZAKYA POL LAIZA 1:16

Kaxho Müikya bama ku münazak; chemthüikoxle ija a opange ongpuix hwom khosün hanpakma Zang tsakzong changle, pongwang ma Jehudi khünakbu hanpakma ilaxle mixnokbu hanpakma.

IBRI 4:2

Chemthüikoxle hwome mokdaokya lailaile keme Kaxho Müikya atatdaoa. Hwome kaxho atat, ikoxle ijae hwom to müikya chemchu chimok, chemthüikoxle otue hwome ija atat laxpuix, izuma hwome Ija mongong makhange pongle chikop.

IBRI 2:3

Ikoxlechu ipong chongkya khosün bama mong chikoxba kem azangtsuak angchami? Ija khosün pongwang ma Zang chixjaoe apuk, üntoxle chix kax to apakyabu kem ang ija otsing changpu le ahole.

1 KORIN 15:2

Hünzome ija Kaxho Müikya to mongle khexkya khoma hünzom azangle ngopu. Chichang thüikoxba hünzome mongongkya muato maxse.

ROM NOK HATO ZAKYA POL LAIZA 6:17

Ikoxlechu Zang ang münchong fahax! Chemthüikoxle hanpak tuita ma hünzom ochax dabu changkya; ikoxle hünzome pongle kopkya hwon-nwot ma bangkya otsingtsing kax ma hünzome kün-mong tokhange bakle lax.

ISAIA 29:19

Jowanpa Israel nok Zang-e koxkya ma, chitüi-chinang hia pui-naile tüikya khünakbue tamchatle mongmüi angkya ataküi.

JUHAN 6:68

Simon Pitar-e lan: “Jowanpa, kwom owa hato paoüi? Tsün khüzün koxkya kax nang ma tüipu;

1 THESALONIKA 2:13

Ilaxle kwome jento Zang ang münchong fakya chatle mama kaxhuachu tüihupu. Otue kwome Zang Kaxho apukpuix, hünzome ija atat ilaxle ija pongle kop, khünak kaxho ningle chichang ikoxle Zang kaxhole pongle kop, ija changchu changpu, chemthüikoxle mongong tüikyabu hünzom ma Zange mwot mokle.

2 KORIN 7:1

Ku mongkün zuikhuibu, kaxtsao ibu pangnu kem hanpak ang zingkya changle. Idaile, tsangtsa chichangba chasa ma tsao ang chikoxkya oli pangnu tokhange malualua to atsai le ngolax, ilaxle Zang thuazale ozün ma ngokya tokhange kem komkaile otsao ang achangle ngohax.

ISAIA 30:22

Hünzome hünzom chapa khop füi zingle alaikya üntoxle hun füi chwople zingkya, ibu chapabu kopüi ilaxle “Ku mike ngünle taxngo!”, le akhongkya füi awütüi.

ISAIA 2:20

Chemtue ija nyix nguile hüiüihex, hwome khop hia hunbu füi, mae alüile zingle thomkya chapabu tswonle awütüi, ilaxle ibu a thufa hia opak-pakpebu ang danle toxüi.

WANGSHEMBU MWOT 13:26

“Kutüi kunaohom, Abraham susabu tamchu ikhama Zang shwomle ngokya mixnokbu; khosün angkya kaxho Ija a kem hato apüikya changle!

ISAIA 61:1

Jowanpa Khüthak Zang-e ku chix Chasa füi awang. Chixe ku zünle kop ilaxle tsanle apao Chitüi-chinang khünakbu hato kaxho müikya apüi ang, Künmax-mongshanle ngokyabu mong azün ang, Kople thomkyabu hato dan angkya kax apuk ang Ilaxle kun ma thomkyabu hato alai angkya kaxho ang.

1 PITAR 1:9

chemthüikoxle nange chix to mongongkya mongtex chem hex, ija mongtex, nang chasa khosün nange kople tüikoxle.

ROM NOK HATO ZAKYA POL LAIZA 11:17

Küithwom le alaikya Olip pün angkya okangsabu züizüi pakle awüt, ilaxle fao olip pünkang ija füi asople kox. Hünzom mixnokbu a ija fao olip pün thatha changpu; ilaxle athax hünzome Jehudi nok tsün ma ahak-aluakya hia otsak ozong ahanle lax ngopu.

WANGSHEMBU MWOT 10:33

Ikhoma kue nang hato akhangle tsanle akatpu, ilaxle nang nguikya tüle müile. Athax a Zange nang ang akax ang tomkya kax pangwüi to apa ang kwombibi ima tüile.”

MATHI 5:5

“Puinaikyabu mohiman; Zang kaxtsaobu hwome ataküi!

ZEFANIA 2:3

Jowanpa hato chatkox, haxtok angkya puinaile tüikya khünaknu pangwüi, hünzom chix kaxtombu kax ma laxle tüikyabu. Chem supuix ija mokkox, ilaxle Jowanpa tuntho to malualua to puinaile changlax. Ile jangchang thüiningle Jowanpae chix mongtsik ahokya nyix hünzom azangle pao ang tsuak.

EZEKEL 36:25

Kue hünzom to titsao füi saküi ilaxle kue hünzom pangwüi, chapabu mwot hia mama-mama hünzom chitsaokya ang achangle thomkya mwot pangwüi tokya atsaole danüi.

EZEKEL 18:31

Hünzome mokle ngokya ochax pangwüi danle toxdao, ilaxle hünzom ma künzün-mongzün donglax. Hünzom Israel nok zise büthüikoxle tsupu?

1 THESALONIKA 1:5

Chemthüikoxle kwome hünzom hato Kaxho Müikya apüipu, kax tata ma chichang, ikoxle tsakzong ilaxle Otsao Chasa makhange, tamchu ija otsingtsing komle angaikya makhange apüipu. Kwom hünzom füi ngotanto chemle ngokya hex ija hünzome awanpu; ija a hünzom fün amüi angkya kuxma changkya.

EFISIA 5:4

Tamchu tsaima kaxshix, kaxbi ngaoba, chichangba wünle chingo homfang zangwün hünzome wün ngo angkya ojao münasu.

EFISIA 4:25

Ifüima atsekya taxtüi! Pangnusae tomzi füi kaxtsing akax angkya changpu, chemthüikoxle kem a noknusa wüi Khrista tompo ma womkyabu changle.

JAKOP 5:20

owae ochax khünak tuita chix ochei lom tokya apüi laxpuix, chixe zise tsyen chasa tuita khosünkya changpu, ile tüle tülekya ochaxbu thailak atak ang tompu le awanlax.

1 PITAR 1:22

Hünzome otsingtsing kax ma laxkya füi künkux-mongkwomkya chitüi homle, tüinaoe tüinao to mongkün angkya hanpakma hünzom chasa tsaothale zingle fakoxle, hünzom tüinaoe tüinao to mong bakle koxkya füi, küntsao-mongtha le tamchu chizakle akün-aluale tüikox.