JAKOP 1:2 - OTSAO BAIBEL (BSI)

² Kutüi kunaohom, otue hünzom lomtang ma thwontsing pangnu oli apongüihex, izuma hünzom shomüi mixbu changpu le texlax,

JAKOP 1:2 ပူးပေါင်းရင်းမြစ်များ

JAKOP 1:12

Thwontsing pongma adu ang thokyabu mohiman, chemthüikoxle otue hwome iningkya thwontsing kaile le ang thopuix, chix to mongkünkyabu ang koxüi hexo le Zange tsaole thomkya khüzün khohom hwome kopüi.

FILIPI 1:29

Tamchu chix to ongkya makhange tata le chichangle chix hanpakma sikngün apongkya tokhangechu wüi, hünzom ang Khrista thotha angkya shomüi fadaoa.

2 PITAR 2:9

Ikhoma, otsao khünakbu chemle thwontsing tokya khosün angkya hex üntoxle chitsaokyabu kaxfünkya nyix hanpakma chemle sikngün ma thomüi hex, ija Jowanpa-e tsing,

KOLOSI 1:24

Ilaxle hünzom hanpakma kue sikngün apongkya bama ku a mongmüipu, chemthüikoxle ku tsangtsa ma sikngün apongkya tokhange, chix tsangtsa thüikoxle müimüithom bama Khrista sikngün okho angui ang atale tüikya ashuk aza angkya to fongle hüile.

MIKNGÜN-OHÜN 2:10

Nang sikngün angkya tüikya chem bamachu nang zakya taxtüi. Apalax! Hünzom züizüi kun to shokya füi baoe hünzom to thwontsingkya tüiüi, ilaxle hünzom sikngün nyixbün ngoüi. Zi angkya changkoxchu wüi ku to mongong tüilax, ikoxle hünzome tholünkya hingho ang hünzom ang kue khüzün koxüi.

WANGSHEMBU MWOT 5:41

Wangshembue nguawangbu tusox danle tox üntoxle Jisu hanpak ang hwomchu mixchak kople sikngün angkya asukya ang e-ma laxkoxle hwom ang tüle mongmüi.

IBRI 10:34

Da ang kople thomkyabu sikngün hünzome ahanle lax, üntoxle hünzom mwot-kat komle azik-amüt pongma hünzome pwonla atungle adule hüi, chemthüikoxle oshuk chitüi le ngo angkya oli athaxchu hünzome koplaxle tüile le hünzome awan.

FILIPI 2:17

Ku khüzün aji a kue Zang ang tö koxle ngokya hünzom mongong to li angchu laxtüilax. Ile namchang thünchu ku zongma mongmüimüi wüi changpu ilaxle hünzom pangnusa füi ku mongmüi atom-ahanüi.

ROM NOK HATO ZAKYA POL LAIZA 5:3

Ilaxle sikngün pongmachu kwom mongmüipu, chemthüikoxle sikngünkyae adu angkya olom sümüile awan ang tsuakpu;

JAKOP 1:16

Ku mongkün tüinaohom, hünzom dyen-ngan ang taxtom!

JAKOP 1:19

Ku mongkün tüinaohom, ija texle ataklax! Apa ang pangnusa wüi mom angkya changle, ikoxchu zangwün ang hia mongtsik ang zaxhun ma changkoxtix müiüi.

JAKOP 5:11

Hwome adu tsuakkya khoma keme hwom ang mohimanbu le nyakle. Job-e adukya bamachu hünzome atatdaoa, tamchu oshukma Jowanpa-e chix to mohimankyachu hünzome awanpu. Chemthüikoxle Jowanpa a chingcha hia jajae awang le tüile.

FILIPI 2:18

Ilailaile hünzom chuwüi mongmüi ilaxle hünzom mongmüi ku füi atom-ahan angkya oli changle.