JAKOP 1:19 - OTSAO BAIBEL (BSI)

¹⁹ Ku mongkün tüinaohom, ija texle ataklax! Apa ang pangnusa wüi mom angkya changle, ikoxchu zangwün ang hia mongtsik ang zaxhun ma changkoxtix müiüi.

JAKOP 1:19 ပူးပေါင်းရင်းမြစ်များ

WANWÜNKAX 17:27

Atsingshole awanle ngokya khünak tuitae othuithuima zang münwün. Dangjajale ngokya khünakbue füichi-thochi tikle ngopu.

WANWÜNKAX 21:23

Nang thama füi atsaile ngose jangtsu, nange chem akaxpuix ija bama khünzaikya tüilax.

WANWÜNKAX 14:29

Nang dangle jangngotho thüiningle nang a jetüi-hwonlangkya mix changpu; ikoxle nang ma küntsik-mongwün tüile jangchang, nange nang chemtukuxkya ongat hex ija aho wüi.

WANWÜNKAX 10:19

Nange zang chemtukux wünpuix, itukuxle nange ochax lyen angkya chwonpai ma tüile. Nang jetüi-tüikya khünak jangchang, nang a dangle ngoüi.

WANWÜNKAX 18:13

Nange kaxlan faüi thoto ajangle koplax. Ile chichang thüiningle nang a ongat tamchu mixtha ajaokya tuita ang changpu.

WANWÜNKAX 13:3

Nange chem zangwünpuix ija bama khünzailax ilaxle nang khüzün awale koplax. Füitui texkya chitüile zangwünkya khünake ma max angkya atakle.

WANWÜNKAX 16:32

Tsak-zong füi tüikya füi adukya tüikya wüi amüikya changle. Tingnu-noknu thakma apün-awang ang tsuakkya füi ma alüile akumathum ang thokya wüi amüikya changpu.

EFISIA 4:26

Nang ang mong jangtsik thüikoxle, ija nang mongtsike nang ochax to zun ang taxtom üntoxle han ahomle mongtsik ma taxngo.

WANWÜNKAX 15:18

Mongtsik khangpong ma laxlaxle ngokyabue tsaitsat-kaxtsa angkya alaile, ikoxle adukyae mongsom apüile.

KOLOSI 3:8

Ikoxle athax a hünzom a ibu füi thüikoxle: mongtsik, mongma, anukya, chanyit mowün ilaxle tun makhange zak-kop zang wünkya, ibu füi atsai angkya changle.

EFISIA 4:31

Khüt-kopkyabu pangnu, mongtsik hia mongma, ibu füi atsaile ngolax. Akhong-akhakya chichangba adix-adakya tamchu miktsak mongngwom chemchu taxtüi.

WANWÜNKAX 18:21

Oja zang nange wündao laxpuix ijae nang khosün ang tsuak chichangba khohang ang tsuak; idaile nang zangwün khoma chem apongpuix ibu nange pongle lax angkya wüi changle.

KOLOSI 3:15

Khrista-e fakya mongkün a nang mong zangwün to zun angkya hanpakma changle; chemthüikoxle müitom tuita ma hünzom pangnu chixe nyakle ngokya a ija mongsom hato nyakkya changle. Üntoxle münchong fakya tüikox.

WANWÜNKAX 19:11

Nang mongkho nguile jangtüi, nange nang mongtsik adu ang thoüi. Owawae nang to thaikya mokle jangchang, ija a ahaile dantox angkya akhokya shomüi changpu.

WANWÜNKAX 15:2

Chemtue jetüi-hwonlangkya khünakbue zangwünpuix, hwome tsing-wankya to mongzao ang tomle, ikoxle ongat khünakbu wikha makhange khangka ma chilekyabu alaile.

WANWÜNKAX 25:28

Nange nang mongtsik adu ang chitho thüiningle, nang a, pan ma zün chidao homtoxle kothofa to ngokya chingcha ashukkya tingnu tuita ningle changpu.

WANWÜNKAX 14:17

Mongtsik-künwün khünake ongat mwot mokle; jetüi-hwonlangkya mix dangjale ngole.

MATHI 5:22

Ikoxchu athax kue thüipu, owawae matüi manao füi mongtsikle jangchang, chix a kaxfün nui to apüi angkya changle. Matüi manao ang ‘nang chilaxli’, le thüikya khünak a nguawangbu chitong ma apüiüi; tamchu matüi manao ang ‘mwot to chihüikya angapa’, le nyakkya khünak a omalum wünkham to le angkya thangma ma tüile.

WANWÜNKAX 17:14

Tsetwon-khualop zangwün owang wangkya a tuita tsyen dap angkya tilom züile tilyet owang wangkya ningle changpu; alüile zia mama-maba wüi ija azaklax.

JAKOP 1:26

Khünak owawae ma mong alüile dyen-nganle malualua to ma atsaole texlanlan laxle ma akumathumkya chitüi homle jangtüi thüiba, chix otsao zanglom ma chem lap müntüi.

1 THESALONIKA 2:13

Ilaxle kwome jento Zang ang münchong fakya chatle mama kaxhuachu tüihupu. Otue kwome Zang Kaxho apukpuix, hünzome ija atat ilaxle ija pongle kop, khünak kaxho ningle chichang ikoxle Zang kaxhole pongle kop, ija changchu changpu, chemthüikoxle mongong tüikyabu hünzom ma Zange mwot mokle.

NEHEMIA 9:17

Hwome kax ma münlaxpule angam; nange hwom hanpak ang mokdaokya mwot pangwüi hwome alakle asam; nange ohünotün mwot mokle ahokyabu pangwüi hwome alakle asam. Hwom mongngam füi hwome lompa tuita kam Ijip chaxwan to hwom tamchatle da ang achangkya angkya hanpakma a. Ikoxlechu nang a thaikya pangwüi alak tsuakkya Zang; nang a chingcha hia mongkün füikya Zang, zaxhunle tix mongtsikya Zang a. Nang chingcha a huanu changle; nange hwom awütle chitox.

WANGSHEMBU MWOT 17:11

Thesalonika angkya khünaknu füi ikha tokya khünakbu wüi künsha-mongdale tüi. Hwome Kaxho Müikya to mongtsule apa, ilaxle Pol kax otsingtsing changcha le hwome nyixfole Otsao Lai lom.

KAXHO MÜIKYA LUK 19:48

Ikoxlechu hwome ile sua angkya opong chiatak; chemthüikoxle pangnusae wüi kaxfa tuita chialyet le chix kax apa ang tsu.

MARK 2:2

Ija khoma khünaknu huanuma afoxle homkha awang; fülom makhange homtho to ngaxchu onui chitüi le chang. Jisu-e hwom hama Zang kax apuale ngo.

WANWÜNKAX 19:19

Owawa ma küntsik-mongtsik jangtüi thüiningle, chixe ija jannong-alüikya kop ang tomkox. Nange chix thama chak tokya tam azün ang jangtho, nange ija chatle chuwüi mok angkya changle.

WANGSHEMBU MWOT 10:33

Ikhoma kue nang hato akhangle tsanle akatpu, ilaxle nang nguikya tüle müile. Athax a Zange nang ang akax ang tomkya kax pangwüi to apa ang kwombibi ima tüile.”

WANGSHEMBU MWOT 2:42

Üntoxle hwom a wangshembue anwot-anokya hia notom wonmüikya ma, üntoxle tomle saxlaxkya hia zangjop ma womle hwom shingmongle ngo.

KAXHO MÜIKYA LUK 15:1

Nyixta süisai mixbu hia noke awütle thomkyabu Jisu kax apa ang nguipongma,

NEHEMIA 9:3

Khonta azom tukux jao laxle Jowanpa, hwom Zang Wanlom hwom hama ele kox, ilaxle ifüi angkya khonta azom hwome ma ochaxbu ngai ilaxle Jowanpa hwom Zang to shwom.

1 JUHAN 2:21

Hünzome otsingtsing chitsingkya khomale chichang le, hünzome ija awanle tamchu chemtuechu otsingtsing makhange atsekya münlai lüchu hünzome tsingle ngokya khoma kue hünzom hato lai zapu.

WANGSHEMBU MWOT 13:48

Mixnokbue ija kax atatlaxle mongmüi ilaxle Jowanpa kaxho achuak; üntoxle oshuk chitüikya tsün atak angkya hanpakma Zange zünle kopdaokya mongong mixbu ang achangle hüi.

MARK 12:37

Dawid-e ngaxchu chix ang Jowanpa le nyak; jangchang thüiningle Messaiah a büthüikya to Dawid sixli chang changtsuak puix?”

NEHEMIA 8:18

Ija Pangpwon pongwang nyix makhange oshuk nyix kople hwome nyixfole Zang Wanlom jongpong-jongpong e-le hüi. Hwome ija pangpwon nyix anüt kople nui, ilaxle nyix achyet lükya to, Wanlom ma tüikya ningle, wanpao hanpak lax.

HUAKE LAIPEX 22:27

Izuma, chemtue mane kaxtaimix ngünle changpuix, ija müi tangle ajong. Izuma Balam ang mongtsik athuk ilaxle ija müi to sansüi füi fit.

WANWÜNKAX 29:20

Ongat to zangwünkya khünak füi anga hanpakma wüi monghom angkya sütüile.

WANGSHEMBU MWOT 1:15

Hanpak nyixta anyi füima mongong mixbu afoxkya hanpak tüikya, hwom pangnu mixhuak hota tsa tukux changkya, üntoxle Pitar akax ang ajong,

JAKOP 1:2

Kutüi kunaohom, otue hünzom lomtang ma thwontsing pangnu oli apongüihex, izuma hünzom shomüi mixbu changpu le texlax,

JAKOP 1:16

Ku mongkün tüinaohom, hünzom dyen-ngan ang taxtom!

JAKOP 2:1

Kutüi kunaohom, fuazangkya Jowanpa, kem Jowanpa Jisu Khrista to ongkya khünakbu daile, hünzome otok sünngün khoma khünaknu to masüi mixlüi le taxtüi.

JAKOP 2:5

Ku tüinaohom, apahüi! Mongong ma ahak-alua ang tamchu chix to mongkünkyabu ang tsaole tüikya wangting kop angkya kuxma Zange Ija chaxwannu angkya chitüi-chinangkyabu pai-zün lelaxle.

JAKOP 3:10

Münchong fakya hia thuakzomkya kaxfabu leza tuitata makhange wüi alaile. Kutüi kunaohom, ija ile chichang angkya oli!

JAKOP 4:11

Kutüi kunaohom, hünzome tata to kaxma taxthüi. Opupue mix ang kaxma thüipuix chichangba mix kaxfün puix, chixe wanlom füi kaxma akaxpu tamchu wanlom kaxfünpu, ikoxle nange wanlom kaxfün le jangchang thüikoxle, nang a wanlom lwot tokya mix chichangle kaxfünkya mix ang changpu.

JAKOP 5:12

Kutüi kunaohom, pangnu thakma ija changle, hünzome zangkangting mün ma, chichangba ma tüta mün machu tsao saxle taxatsao, ikoxle hünzom kaxfün ma chiwom angkya kuxma, hünzom zangwün “jo” jangchangba jole: “mün” jangchangbachu mün le changlax.

JAKOP 5:19

Kutüi kunaohom, hünzom khama owawa otsingtsing lomtang angkya paole sam ilaxle ata mixe chix tamchatle jang apüi thüiba,

JOB LAIPEX 32:16

Hwom dang pongma kue tanle ngoüi hia? Hwom ang kaxlan angkya ashukle tang ngole.