JAKOP 1:18 - OTSAO BAIBEL (BSI)

¹⁸ Chix chakzing pangnu khama kem ang pongwang lükya chifün tüi angkya kuxma, chixe kem, otsingtsing kax füi chix mongtex makhange kem ozün ang achangle dan.

JAKOP 1:18 ပူးပေါင်းရင်းမြစ်များ

1 PITAR 1:23

Chemthüikoxle ozün ma tüikya tamchu oshuk chitüikya Zang kax makhange, otuechu chizitox angkya Jowanpa susabu ang achang ang hünzom tamchatle pux ang tom.

JUHAN 1:13

Hwom a zangjang khünak hopa tuita makhange puxkya khoma Zangsu Zangsabu ang achangkya chichang; Zang chix tomtata hwom Hopa ang achang.

1 PITAR 1:3

Zang tamchu kem Jowanpa Jisu Khrista Hopa ang keme münchong fahax! Chemthüikoxle Jisu Khrista chatle azangle zo ang koxlaxle chix chingcha chongkya makhange chixe kem ang tsün hozün fale. Ija makhange kem a khüzün monghome awangle,

MIKNGÜN-OHÜN 14:4

Hwom a chinunchakkai chemchu chitüi le shekobu füi atsaile ngokya tsaothakyabu changle. Chix alele chito lele hwome Chun Hosa man to. Hwom a khünaknüsa kha angkya shakle kopkyabu changle. Hwom a Zang üntoxle Chun Hosa ang pongwang ole kox angkya thom changle.

JEREMIA 2:3

Israel, nang a ku tata kux changle; nang a ku otsao tüi jaojao changhupu. Kue sikngün zothup ahüipu nang to chakmok janlangle changkyabu pangnu hato. Jowanpa, kue akaxdaoa.”

EFISIA 1:12

Idaile, hai, pongwang ma Khrista to mongong thomkyabu, keme Zang fuazangkya achuak-hax.

1 JUHAN 3:9

Zang jaopo chix ma ngoün koxle, owa Zang Hosa changlaxpuix, chixe ochax lyenle münngo; üntoxle Zang chix Hopa changün koxle, chixe ochax lyenle ngo ang müntho.

IBRI 12:23

Zangkangting to mün zale tüikya oputwang thom pwonla tusox to hünzom ngui. Noknu kaxfünpa Zang üntoxle nguiwangkya ang achangkya otsao khünak chasabu hato hünzom ngui.

JAKOP 1:21

Idaile hünzome chitsaokya oli pangnu üntoxle awangle ngokya chimüikya ochax awütlax, üntoxle nang mong ma hüikya kax ojae nang azün ang thoüi hex, somdangle ija kax pongle koplax.

1 KORIN 4:15

Khrista ma hünzom lompabu tüihu koxlax, ikoxlechu hünzom ang hopa obiobi müntüi. Chemthüikoxle Kaxho Müikya tokhange Khrista ma ku hünzom hopa ang achangüna.

ROM NOK HATO ZAKYA POL LAIZA 4:17

Otsao Lai kax ma akaxkya ningle: “Kue nang chaxwannu hopa ang zingpu.” Idaile, Zang owae zidaokya chatle azang ang kox üntoxle owa kaxtom ma chitüi jaokya oli laile tüi ang koxle changkya Zang owa to Abrahame ongpuix, ija Zang miksho ma kaxtsao a sule ngünle.

AMOS 6:1

Zaion ma tokdomdale ngokya khünakbu, tamchu Samaria haxnubu ma chaza angkya chemchu müntüile ngokyabu, onok chongkya Israel haxtok ma chongkya lompabu, opang hato Israel homkhabu asunhüile nguipuix, ibu maxsax!

2 KORIN 6:7

Otsingtsing tsakzong hia Zang Kaxho makhange tsuak ang tompu. Ma khosün angkya chang hia pax ang kwom ang Zang Otsao tüipu.

EFISIA 1:13

Üntoxle hünzom chuwüi, hünzom hato khosün apüikya Kaxho Müikya bama otsingtsing kaxho otue atatpuix, hünzom chuwüi Zang khünaknu ang achangpu. Hünzome Khrista to ong, üntoxle chixe faüi hexo le tsaokya Otsao Chasa koxlaxle Zange hopupa münwan chix shin tople.

2 TIMOTHI 2:15

Chiazak le chix thothapa tuita ningle, Zang otsingtsing kaxho Müikya thaikya chitüi le anwot-anokya khünak tuita ningle, Zange sule le lax angkya hanpakma nange otsuaktsuak ma azongle moklax.

JAKOP 1:15

Ifüima ochax lom to mongzokkya otue kem ma awoküihex; ochax puxle alaiüi; üntoxle otue ochax tsongle hüiüi hex, zik puxle alaiüi.

JAKOP 3:14

Ikoxle ma mong khato nang ma khukya, khaxkya, nüfux, ibu tüile jangchang thüiningle nang a je-hwon khoma tsaichong-kaxbongkyae otsingtsing zongto ochax taxlyen.