JAKOP 1:17 - OTSAO BAIBEL (BSI)

¹⁷ Müikya tamchu okhonguikya hingho pangwüi zangkangting tokhange hüikyabu changpu. Ija a, ding to zangngai zingle alaikya, owa tamchu chijei chichangba loploplüi le chitüi, ija Zang tokhange hüikya changle.

JAKOP 1:17 ပူးပေါင်းရင်းမြစ်များ

JUHAN 3:27

Juhan-e lanle thüi: “Zange fakya chichang thüiningle khünake chemchu kop ang müntho.

MATHI 7:11

Hünzom chimüikoxle ngaxchu masu masa ang müikya jali kox ang awanle jangchang thüiba, zangkangting to ngokya hünzom Hopae, chix ma ajuju ang amüimüi kox ang münawanüi hia?

IBRI 13:8

Jisu Khrista a münyix, anyix üntoxle othuithuima otyatya.

JUHAN 8:12

Anaolechu Jisu-e farisibu ang thüi: “Ku a chaxwannu zangngai; ku füito azuikya khünakbu zangnak ma münaham, ikoxle hwom ma khüzün zangngai tüiüi.”

HUAKE LAIPEX 23:19

Zang a khünak lailaile atsekya mix münchang, Chix a khünak tuita ningle monglüile ngokya mix münchang. Chixe chem tsaopuix, ijatix mokpu. Chixe chem akaxpuix, ija a tsuakpu.

1 JUHAN 1:5

Hosa makhange kwome atatle laxkya hünzom ang tsingang tomkya kaxho a ija: Zang a zangngai, ilaxle chix ma zangnak ojao müntüi.

WANWÜNKAX 2:6

Je-hwon koxkya a Jowanpa tix changle; tsing-wankya hia man-ngünkya chix makhange tix hüile.

MÜNCHUAK-TSAI 84:11

Chingchajaja hia achuak-achenkya füi kem to mohimankya Jowanpa a kem kho-awapa tamchu fuazangkya chongwangpa changle. Sukya mwot mokle changkyabu ang mokle fa angkya Chixe müikya oli tütali tochu münle münthüi.

JAKOP 3:17

Ikoxchu thakchi tokya je-hwon a pongwang ma tsaotha le changüi; tamchu ija a mongsomjale, somdangle tamchu asyen-abui le changüi; ija a chingchajaja oziak opuae awangle tüile; ija a mapai mixzünkya tamchu künkux-mongkwom füi janle tüile.

MALAKI 3:6

“Ku a Jowanpa changpu ilaxle ku otuechu lüixchüix le müntüi. Ilaxle hünzom Jakop sixli hwomchu athax kople pangwüi maxdaoa le münchang.

EFISIA 2:8

Chemthüikoxle mongonge nang khosünkya a Zang chingcha makhange changle. Ija a nang azongkya tokhange le münchang, ikoxle Zang hingho changle.

KAXHO MÜIKYA LUK 11:13

Itukux hünzom chimüikox ngaxchu, hünzome masumasabu ang amüimüi kox ang awanle; hünzom Zangkangting Hopae chix ma jukyabu ang Otsao Chasa chifale büle tüiüi?”

1 KORIN 4:7

Hünzom owae süichappu? Nang ma atüitüi pangwüi Zange fakya münchang hichem? Jangchangba nangma tüikya hingho pangnu hingho chichangkya tukux nang ma tsaichong-kaxbong angkya chemtüi?

1 JUHAN 4:10

Mongkün a ija changle: Keme Zang to mongkünle le münchang, ikoxle chixe tix kem to mongkünpu, ilaxle kem ochax khoma, kem khosün hanpak tö kox ang chixe Hosa ajo.

EFISIA 1:18

Tamchu, chem hato chixe hünzom nyakpuix, ija monghom a chemhex, chix khünaknu hanpakma chixe tsaosax le tüikya ohünotün mohiman a otukux ahak-alua puix, (chix to ongkyabu kem ma mokle tüikya chix mwot otukux zongle tüipuix),

JUHAN 1:9

Chix a zangngai tsingtsing, zangngai ojae chaxwannu hato nguilaxle khünaknusa to nyanlaxpuix.

MIKNGÜN-OHÜN 21:23

Ija tingnue she to nyan angkya zanghan hia lyetnu lax angkya chem mwot chitüi, chemthüikoxle Zang fuazangkyae ija to nyanle tüi tamchu ija ma wüntik ang Chun Hosa changle.

1 PUKAX-PANGAO 22:12

Ilaxle chix Wanlom ma chemle tüipuix ilailaile nange Israel khünaknu apün-awangle tsuak angkya hanpakma Jowanpae nang ang tutex-mongjang hia je-hwon naxfakox.

2 KORIN 4:6

Khrista thünza ma Zang fuazangkyae nyankya tsingle lax angkya bama kem mongkha to chix zangngaie nyanle fa angkya Zang a “Zangnaknu khatokya zangngai laiün”, le akaxkya Zang tuitata wüi changpu.

ISAIA 60:19

“Athaxpi zanghan a hünzom zongto anyixningkya wünnyan ang chichangüi Chichangba zangnak ma lyetnu a hünzom wünnyan ang chingoüi; Ku, Jowanpa, oshuk chitüile hünzom wünnyan ang ngoüi; Ku fuazangkya wünnyane hünzom ang zangngai koxüi.

1 SAMUEL 15:29

Tüle zaxzangle tüikya Israel nok Zang-e otuechu atsele münchang chichangba chix mong ajo-ajele münchang. Chix a khünak münchang, chixe chix mong ajo-ajele münchangüi.”

PONGWANG LAIPEX 41:16

Jusep-e lan: “Kue le münchang, O, wanghompa, ija tai ang a Zang-e tix apuale faüi.”

MIKNGÜN-OHÜN 22:5

Ikhato otuechu zangnakkya müntüi, ilaxle wüntik hia zanghane fakya hwom zongto chem mwot ang münchang, chemthüikoxle Opunu Zang tix hwom zangngai ang changüi, ilaxle hwome wanghombu ang achangle othuithuima apün-adaüi.

JAKOP 1:5

Ikoxle hünzom khama owawa je-hwon ma okho chinguikya mix jangtüi thüiba, chixe Zang ma ju ang laxkox; chemthüikoxle thaikya lomle chingo homle mongtsukya füi koxkya Zange ija chix ang faüi.

ROM NOK HATO ZAKYA POL LAIZA 6:23

Chemthüikoxle ochax omün a zikya changle; ikoxle Zange amuale fakya hingho a Jowanpa Jisu Khrista füikya notom ma oshuk chitüikya tsün khüzün changle.

1 PUKAX-PANGAO 29:19

Zangshwom-Hom zai angkya hanpakma kue chempang achwonle changdaopuix, ija Zangshwom-Hom zai angkya bama nang kaxtom kax ma laxle tüi angkya hanpakma ku sasün Solomon ang chatsu-mongluakya kün-hi-mong fakox.”

HUAKE LAIPEX 11:17

Ku juüi ilaxle ikhama kue nang füi zangwünüi ilaxle kue nang ang koxle tüikya chasa züita lax üntoxle hwom ang koxüi. Ifüima hwome ibu khünaknu hanpakma nang füi tomle hünlit hün ang thoüi, ilaxle nange nang tatae hünle ngo angkya münchang.

JAKOP 3:15

Iningkya je-hwon zangkangting tokya münchang; ija a chaxwannu kux, ija a chitsaokya tamchu bao füikya changle.

ISAIA 45:7

Zangnak hia zangngai pangnyi wüi kue zingpu; mohiman hia thama pangnyi wüi kue apüipu. Ku, Jowanpae, ibu pangwüi mokpu.

FILIPI 1:29

Tamchu chix to ongkya makhange tata le chichangle chix hanpakma sikngün apongkya tokhangechu wüi, hünzom ang Khrista thotha angkya shomüi fadaoa.

WANGSHEMBU MWOT 11:18

Otue hwome ija kax atatpuix, hwome ajao ahai ngokya zak ilaxle Zang achuakle thüi: “Jangchangba Zange mixnokbu angchu monglüi le azang angkya osho apüi fadaoa!”

WANGSHEMBU MWOT 5:31

Israel khünak ang monglüi angkya hanpak kox üntoxle hwom ochaxbu thailak kox angkya bama, lompa hia khosünpa tuita ningle Zange chix ma tsaxchi ma, chix füi tomwüile nwonpu.

ISAIA 46:10

Chempang changle ngaipuix ibu bama kue pongwang tokhange wüi ajepu; chempangle chang angkya hex kaitanto wüi kue akax. Kue ajangkya mwot chichang homtoxle müile le kue thüipu, kue moküile mong ma texpupu kue moküi.

ISAIA 28:26

Hwome hwom mwot chemle moküi hex awanle, chemthüikoxle Zang-e hwom hama anwot-anole koxdaoa.

MÜNCHUAK-TSAI 122:6

Nang to mongkünkyabu ahak-aluale naxchang; nang katuk mong ma tumüi-lomkhaokya naxtüi,

TSAITONG-KAXTONG 4:19

Hünzome ding to ngünkya: lyetnu, zanghan hia lyettsibu to shwom angkya thwontsing ma hato hüi ang taxtom. Jowanpa hünzom Zang-e ibu bama khünakbue shwom angkya hanpakma fawüi.

HUAKE LAIPEX 11:25

Ifüima Jowanpa zangfwom ju ilaxle chix füi zangwün. Chixe Mosa ang koxle thomkya chasa züizüi lax ilaxle hwom 70 lompabu ang kox. Chasa nguikya zuma, okuilole chingo koxlechu hwome ajebu lailaile akhong.

MÜNCHUAK-TSAI 85:12

Jowanpae kem ahak-aluale chang ang tomüi, ilaxle kem haxtoke puamün okhonguile faüi.

MÜNCHUAK-TSAI 102:27

Ikoxlechu nang a otyatya, ilaxle nang tsün münashuktox.

MÜNCHUAK-TSAI 136:7

Chixe lyetnu hia zanghan zing; chix mongkün ma oshuk müntüi;

JUHAN 3:3

Jisu-e chix kax to lanle thüi: “Otsingtsingma kue nang ang thüipu, tamchatle chipux jangthüiba owaechu Zang Wangting ngün ang münkopüi.”

1 TIMOTHI 6:16

Chizi angkya a chix tata wüi. Chix owaechu tümangüntox; owaechu tamngün ang thoüi münchang. Achuak achenkya tamchu oshuk chitüi le apün-awang angkya chix kux wüi naxchang! Amen.