JAKOP 1:16 - OTSAO BAIBEL (BSI)

¹⁶ Ku mongkün tüinaohom, hünzom dyen-ngan ang taxtom!

JAKOP 1:16 ပူးပေါင်းရင်းမြစ်များ

JAKOP 1:19

Ku mongkün tüinaohom, ija texle ataklax! Apa ang pangnusa wüi mom angkya changle, ikoxchu zangwün ang hia mongtsik ang zaxhun ma changkoxtix müiüi.

FILIPI 2:12

Ikhoma ku mongkün zuikhuibu, ku hünzom füi tomle tüipongma hünzome ku kax ma laxle ngohomkya ningle, ku hünzom füi atsaile ngopongma sisile hünzome ku kax ma laxle ngokya sümüi. Hünzom khosün okho angui ang za-nga le ilaxle abün ngale omok-omok mokkox;

GALATIA 6:7

Alüile ma kho taxhang; Zang a owaechu dyen ang müntho. Khünak tuitae chixe chem küile thomlax puix ija oziak tix khaiüi.

KOLOSI 2:8

Khrista makhange chichang homtoxle khünake wünle hüikya tamchu zangfang apünkya chasabu hwon-nwot jaono tokhange nang owaechu üntoxle chemlechu chilaxle khünak owaechu nang da tuita ang chikop angkya bama khünli lax.

IBRI 13:1

Khristanbu ningle tata to künkak mongkün füi ngolax.

KOLOSI 2:4

Idaile kue thüipu, hwom tüta tukux wüi müile ngün ang thüilax, owaechu kaxthai zangwün tokhange nang dyen ngan ang taxtom.

JAKOP 2:5

Ku tüinaohom, apahüi! Mongong ma ahak-alua ang tamchu chix to mongkünkyabu ang tsaole tüikya wangting kop angkya kuxma Zange Ija chaxwannu angkya chitüi-chinangkyabu pai-zün lelaxle.

2 TIMOTHI 2:18

Hwome mongong lomtang danle toxdaoa ilaxle kem anaole zokya ang achangle hüidaoa le anokya hwon-nwot tokhange hwome mongong mixbu züizüi mong ama le ngole.

FILIPI 4:1

Idaile ku mongkün tüinaohom, hünzom ku zongto otukux müipuix ilaxle kue hünzom ngünse le tüle-tüle sungle! Hünzome ku ang mong otukux amüipuix, üntoxle hünzom bama ku mong tüle ngamle! Kutüi kunaohom, ija a mama chemchu münchang ikoxle Jowanpa ma hünzom tsün shingmongle ajong ngokya tokhange changle.

1 KORIN 6:9

Otsao chichangkyabue Zang Wangting mantswon münkopüi le hünzome münawan hia? Nang taxthaikop ünlax; chinunchakkai, chapa shwomkya, chakzong-kwonte, jonglyen,

MARK 12:27

Chix a omangbu Zang münchang ikoxle ozün ma ngokyabu Zang changpu. Hünzom a komkaile thaile ngopu!”

MARK 12:24

Jisu-e hwom ang thüi: “Otsao Lai tamchu Zang tsakzong chitsing kox khato hünzom oma chithai haxkux.

MATHI 22:29

Jisu-e hwom kax to lan: “Hünzom a huanuma thaile ngole; ija a hünzome Otsao Lai kax hia Zang tsakzong chitsingkya khoma changpu.

WANGSHEMBU MWOT 1:15

Hanpak nyixta anyi füima mongong mixbu afoxkya hanpak tüikya, hwom pangnu mixhuak hota tsa tukux changkya, üntoxle Pitar akax ang ajong,

JAKOP 1:2

Kutüi kunaohom, otue hünzom lomtang ma thwontsing pangnu oli apongüihex, izuma hünzom shomüi mixbu changpu le texlax,

JAKOP 2:1

Kutüi kunaohom, fuazangkya Jowanpa, kem Jowanpa Jisu Khrista to ongkya khünakbu daile, hünzome otok sünngün khoma khünaknu to masüi mixlüi le taxtüi.

JAKOP 2:14

Kutüi kunaohom, mae mokle chiaho thüiningle hünzom khama owawae chix ma mongong tüipule thüikya ma lap chemtüi? Ija mongonge chix khosün ang tho angchami?

JAKOP 3:1

Kutüi kunaohom, hünzom aluile nwotmixbu ang chiachang koxle müiüi, chemthüikoxle hünzome awan ngopu, kem hwon-nwot mixbu kax mixfüi ataxle tsakle fün angkya changle.

JAKOP 3:10

Münchong fakya hia thuakzomkya kaxfabu leza tuitata makhange wüi alaile. Kutüi kunaohom, ija ile chichang angkya oli!

JAKOP 4:11

Kutüi kunaohom, hünzome tata to kaxma taxthüi. Opupue mix ang kaxma thüipuix chichangba mix kaxfün puix, chixe wanlom füi kaxma akaxpu tamchu wanlom kaxfünpu, ikoxle nange wanlom kaxfün le jangchang thüikoxle, nang a wanlom lwot tokya mix chichangle kaxfünkya mix ang changpu.

JAKOP 5:12

Kutüi kunaohom, pangnu thakma ija changle, hünzome zangkangting mün ma, chichangba ma tüta mün machu tsao saxle taxatsao, ikoxle hünzom kaxfün ma chiwom angkya kuxma, hünzom zangwün “jo” jangchangba jole: “mün” jangchangbachu mün le changlax.

JAKOP 5:19

Kutüi kunaohom, hünzom khama owawa otsingtsing lomtang angkya paole sam ilaxle ata mixe chix tamchatle jang apüi thüiba,