JAKOP 1:12 - OTSAO BAIBEL (BSI)

¹² Thwontsing pongma adu ang thokyabu mohiman, chemthüikoxle otue hwome iningkya thwontsing kaile le ang thopuix, chix to mongkünkyabu ang koxüi hexo le Zange tsaole thomkya khüzün khohom hwome kopüi.

JAKOP 1:12 ပူးပေါင်းရင်းမြစ်များ

1 PITAR 5:10

Ikoxle noxta hanpakma hünzome sikngün apong füima, pangnu to chingchakya Zang, owae Khrista füikya notom ma oshuk chitüikya chix fuazang mantswon ang hünzom nyakpuix, chixe hünzom okho anguile faüi üntoxle hünzom ang shingmongkya, zong tamchu mongao chitüikya chifün faüi.

MIKNGÜN-OHÜN 2:10

Nang sikngün angkya tüikya chem bamachu nang zakya taxtüi. Apalax! Hünzom züizüi kun to shokya füi baoe hünzom to thwontsingkya tüiüi, ilaxle hünzom sikngün nyixbün ngoüi. Zi angkya changkoxchu wüi ku to mongong tüilax, ikoxle hünzome tholünkya hingho ang hünzom ang kue khüzün koxüi.

JAKOP 5:11

Hwome adu tsuakkya khoma keme hwom ang mohimanbu le nyakle. Job-e adukya bamachu hünzome atatdaoa, tamchu oshukma Jowanpa-e chix to mohimankyachu hünzome awanpu. Chemthüikoxle Jowanpa a chingcha hia jajae awang le tüile.

ROM NOK HATO ZAKYA POL LAIZA 8:28

Chix to mongkünkyabu, kem opang Zange chix mwot mok ang ahyenpuix, hwom füi Zange omüi hanpak paktikle mwot mokkya keme awanle.

MATHI 10:22

Ile ku mün khoma hexle khünaknu pangnue hünzom thua anuüi; ikoxchu oshuk kople adukya mixe khosünkya ataküi.

1 KORIN 9:25

Zap ma zong apankyabue pangnuli lom towüi malailai to akumathum tsuak angkya azongle. Hwome ile male paoün angkya khohom kop ang mokpu, ikoxle keme ile mokkya a tamchu chima angkya khohom atak angkya hanpakma mokpu.

1 PITAR 3:14

Ikoxle sukya mwot khoma hünzome sikngün apong angkya jangchang thüiba, hünzom otukuxkya mohiman! Owa thuachu taxza üntoxle taxaban.

2 TIMOTHI 4:8

Ilaxle athax a sukya tsün ngole hüikyabu ang kox angkya tholünkya hinghoe ku tanle ngole. Ija hingho a, Jowanpa, sukya kaxfünpae ku ang ija nyix faüi ilaxle ku tata angle münchang ikoxle chix ngai angkya tanle mongkün füi ngokyabu pangnu ang koxüi.

JAKOP 2:5

Ku tüinaohom, apahüi! Mongong ma ahak-alua ang tamchu chix to mongkünkyabu ang tsaole tüikya wangting kop angkya kuxma Zange Ija chaxwannu angkya chitüi-chinangkyabu pai-zün lelaxle.

1 PITAR 5:4

Üntoxle Akhokya Chunnyetpa nguikya zuma, otuechu bile chima angkya nyankya khohom hünzome ataküi.

1 KORIN 2:9

Ikoxlechu tix zale thomkya tüikya ningle, “Oja mike chingün tsuak, nae chiatat tsuak; Zange chix to künkyabu hanpakma, achwon thomkya; opupu mong tochu, ajangle lax ang chitho.”

TSAITONG-KAXTONG 8:2

Jowanpa hünzom Zang-e hünzom zanglao punyi mong ma sak-hax faonu akaile chemle azuile apüipuix; hünzom mongjang awan ang tamtampong chixe sikngün apong ang tom, imakhange, hünzome chix kax ma laxle chitüi hia tüi ija awanle lax.

WANWÜNKAX 17:3

Hun hia khopbu a wün füi wanle anopu, ilaxle khünaksa kün-mong a Jowanpae wanpu.

ZEKARIA 13:9

Ilaxle othom tuita atale tüikyabu to kue wanle anoüi ilaxle wün füi khop atsaokya lailaile kue hwom atsaoüi. Kue hwom to hun to wanle anokya ningle wanle anoüi. Ifüima hwome ku to zangjopüi, ilaxle kue hwom zangjop to lanüi. Kue hwom hama hwom a ku khünakbu changle le akaxüi, ilaxle hwomechu ku a hwom Zang changpule ngaiüi.”

MIKNGÜN-OHÜN 3:21

Zan to anaolaxle ku chemle chongwang tüntong ma Apa tsaxchi ma ngopuix ilailaile zan to lütkyabu ku tsaxchi ma ngo ang tomüi.

1 PITAR 4:13

Itülüi nange Khrista sikngün atom-ahanpu le mongmüilax, ikoxletix chix ngaikya zuma nang mongmüie awangle changüi.

1 KORIN 8:3

Ikoxle owawae Zang to mongkün jangtüi, Zange chix awanle.

MIKNGÜN-OHÜN 3:19

Kue akünkün pangto wüi kue sapu üntoxle sikangünpu. Idaile nang mongtsulax üntoxle ochaxbu tokya mong chatlax.

TSAITONG-KAXTONG 13:3

chix zangwün to natha angkya oli münchang. Jowanpa hünzom Zang-e chix a hünzom to thwontsing ang, hünzome chix to mongpak-fünthole mongkünkya changchale awan ang twonwüi.

IBRI 10:32

Tho to hünzom füi chemle changdao laxpuix texle ataklax. Itukwane, Zang wünyane hünzom to nyan füima, olom-olom ma hünzome sikngün apong hupu, ikoxlechu ibu chax-zane hünzom to lüt ang chitho.

MÜNCHUAK-TSAI 119:71

Ku to sikangünkya ku zongto müikya, chemthüikoxle ijae ku ang nang kaxtombu awan ang tomle.

TSAITONG-KAXTONG 7:9

Texle ataklax, Jowanpa hünzom Zang ang tuita wüi ilaxle chix a mongong ma chialekya mix changpu. Chixe chix Tsaotsüt thomle ilaxle chix to mongkünkya tamchu chix kaxtombu kax ma laxle tüikyabu hato chixe chizakle chix mongkün ojat-ojat tsünthom alople ahoüi,

IBRI 6:15

Abraham ma monglomkya tüi, ikhoma Zange chem tsaosüt thomlaxpuix ija chixe kop.

MATHI 25:34

Ija ma wanghome ma tsaxchi angkyabu füi akaxüi: ‘Hünzom Apae mohimankyabu! Oman! Hüilax ilaxle chaxwannu zingpong tokhange wüi hünzom kux ang achwonle thomkya wangting koplax.

MÜNCHUAK-TSAI 119:67

Nange ku to sikngün faüi thoto, ku a thaile ngohomkya, ikoxlechu athax kue nang kax-kax ma laxpu.

NEHEMIA 1:5

“Ding hia Hax Jowanpa! Nang a tüle chongle ilaxle kwom a nang thua zale ajongpu. Nang to mongkünle hia nang kaxtom kax ma laxle tüikyabu füi nange nang Tsaotsüt otya ma thompu.

IBRI 11:17

Zange chix thwontsingkya zuma, mongong makhange Abrahame sasün Isak tö kox. Abraham a Zange tsaosax daokya mixsün tuita changkya, ikoxlechu chixe sasün tuita wüi tüikya Zang ang tö kox ang achwon.

MÜNCHUAK-TSAI 119:75

Jowanpa, nang kaxfünbu a otsao changpule kue awanpu, ilaxle nang ma chialekya mongong tüikya khoma nange ku to sikangünpu.

1 JUHAN 4:19

Pongwang ma Zange mongkün ikhoma keme mongkünpu.

ISAIA 64:4

Nang mong mongong thomkyabu hanpakma iningle mwot mokkya mix, nang lailaikya Zang owaechu mangün chichangba atatle machang.

MÜNCHUAK-TSAI 5:11

Nang ma khosün atakkyabu pangwüi mongmüiüi; hwome jento mongsom hanpak tsai ngao ang thoüi. Nang to mongkünkyabu kho-awa koxle; hwom a nang khoma otsingtsing mongmüile tüile.

LAIPAO 20:6

Ikoxlechu ku to mongkünkya tamchu ku kax ma laxle tüikyabu hajat-hajat tsünthom to kue mongkünpu.

IBRI 12:5

Tamchu hünzom naosom ang lax üntoxle hünzom zong adünle wünkya kax ija kax hünzome alakdaoa: “Kusa, Jowanpa-e zünte le taxchang; chixe sikangün pongma, nang ang mongmale taxchang;

JOB LAIPEX 5:17

Zang-e achangle zingkya khünak a mongmüi mix changpu. Chixe nang to sakya zuma nang ang na taxtüt.

MÜNCHUAK-TSAI 94:12

Jowanpa, nange adangle fakyabu tamchu nange nang wanlom anwot-anole fakya khünak hanpakma chemtukuxkya mongmüi changpuix!

PONGWANG LAIPEX 22:1

Ifüima alüile chingo homtoxle Zang-e Abraham to thwontsing; chixe Abraham nyak: “Abraham a!” Ilaxle Abraham-e lan: “Ui, ku ikhama tüile!”

JOB LAIPEX 2:10

Job-e lan: “Nange ongat kax akax ngole! Chemtue Zang-e müikya oli kem ang koxpuix, keme pongle koptüi; Jangchangthüiba chixe kem hato sikngün ahüikya zuma a keme chix ang omale büthüikoxle thüiüi?” Chixe ibibile sikngün apongle hüikoxngaxchu Job-e Zang zongto oma chemchu chiakax.

MÜNCHUAK-TSAI 11:5

Chixe chimüikya hia müikya khünak pangnu to tomwüi wanle anole; wanlom fang ma chingo tsuakkyabu to chixe mong makhange jao anule.

KAXHO MÜIKYA LUK 6:22

“Otue Khünak Hosa khoma khünake hünzom thua anuüihex, chilaxle awütüihex, adaüihex, kaxma lili akaxüihex! izuma hünzom mohiman.

ROM NOK HATO ZAKYA POL LAIZA 5:4

adukyae Zang zongto sukya apüile, ilaxle chix zongto sukyae mongkün alaile.

2 TIMOTHI 2:15

Chiazak le chix thothapa tuita ningle, Zang otsingtsing kaxho Müikya thaikya chitüi le anwot-anokya khünak tuita ningle, Zange sule le lax angkya hanpakma nange otsuaktsuak ma azongle moklax.

1 PITAR 4:14

Khrista man tokya khoma hünzom to adix-adale chang pongma hünzom mohiman; chemthüikoxle fuazangkya tamchu Zang chasa hünzom ma tüile.