IZRA 5:3 - OTSAO BAIBEL (BSI)

³ Janbama wüi Hannop-Eufrat angkya Gowarnor Tattenai, Shethar Bozenai, üntoxle hwom füikya nguakax-wangkhobu Jerusalem to ngui ilaxle akax: “Ija Zangshwom-Hom zailaxle ija khuakhomle chang angkya hünzom ang kaxtom owae kox?”

IZRA 5:3 ပူးပေါင်းရင်းမြစ်များ

IZRA 6:6

Chongwangpa Dairas-e ibibi kaxnong achat: “Hannop-Eufrat angkya Gowarnor Tattenai, Shethar Bozenai, ilaxle Hannop-Eufrat ma tüikya hünzom zuikhui okax-okhobu hato. “Zangshwom-Hom füi atsaile ngolax

IZRA 6:13

Ifüima Gowarnor Tattenai, Shethar Bozenai, ilaxle hwom füikya okax-okhobue chongwangpa kaxtom lailaile mok.

IZRA 5:9

“Ija Zangshwom-Hom zailaxle pangnu khuakhomle chang angkya hwom ang kax owae koxpule kwome atüipu.

IZRA 1:3

Opang chix khünakbu changpuix, hünzom pangnu füi wüi Zang womle naxngokox. Jowanpa owa Israel nok Zang changpuix, Zang owa to Jerusalem ma shwompuix, chix Zangshwom-Hom azünle zing angkya hanpakma hünzom a Jerusalem to pao angkya changle.

WANGSHEMBU MWOT 4:7

Hwome Pitar hia Juhan nyi hwom thüntho ma ajong ang tsan, ilaxle hokhi ma atüi: “Hünkhie ija chafai mix chemle amüi thopu? Hünkhi ma chem zong tüipu?”

MATHI 21:23

Jisu chatle Zangshwom-Hom to ngui; chixe hwon-ano le ngoponge, nguakhobu hia Jehudi nok lompabu chix hato hüilaxle atüi: “Nange ija chemtsak-chemzong makhange mokpu? Ija tsakzong nang ang owae fapu?”

IZRA 7:21

“Izra, owa nguapa tamchu Zangkangting tokya Zang Wanlom tsingpa tuita hex, chix ang chixe ajuju komle kox angkya hanpakma hannop-Eufrat haxsüt angkya suak twonmix okax-okhobu ang kaxtom koxle changdaoa.

IZRA 5:6

Ija a hwome Chongwangpa hato kaxwün wangle zakya laiza:

IZRA 4:12

“Nang haxtok mama chito ngokya Jehudi khünakbu nguilaxle athax opang Jerusalem ma ngole tüipuix, hwome chimüikya ochax tamchu alünle ajongle tüikya ija tingnu azünle zingle ngokya, chongwangpa, nang na to awünse tsule. Hwome katukbu zing angkya mwot ma sütdaoa ilaxle ija lebama wüi zaile alaitsuak angkya changle.

HAGAI 1:1

Parsia nok ma wanghompa ang Dairas ngokya tukma, lyetnukua azoklükya pongwang nyixkha, Jowanpa-e ajepa Hagai makhange zangwün. Kaxho a Judah angkya gowarnor, Shealtiel sasün Zerubbabel hia Jeozadak sasün Nguakho Jihusua hwom hanpakma changkya.

IZRA 4:9

“Gowarnor Rehum, ija haxtok angkya chakzamix Shimshai, hwom to fong ang ngokyabu, kaxfünpabu, ilaxle nguakax-wangkhobu pangwüi, opang Erek, Babilon, hia Elam angkya Susa, ibu nok tokya nguikyabu changkya hex,