IZRA 4:3 - OTSAO BAIBEL (BSI)

³ Zerubbabel, Jihusua hia mama saxthom lompa hwome lan: “Kwome Jowanpa kwom Zang ang Zangshwom-Hom zaikya to hünzom ang asunhüile münthüi. Parsia nok chongwangpa Sairas-e kwom ang kaxtom koxkya ningle ija kwom lailai to zinglax angpuix.”

IZRA 4:3 ပူးပေါင်းရင်းမြစ်များ

NEHEMIA 2:20

Kue lan: “Zangkangting Zang-e kwom ang mwotza alai angkya janzüi fa angkya changle. Kwom a chix dabu changpu, ilaxle kwome ibu zaile alai ang mwot ma süt angkya wüi changpu. Ikoxle Jerusalem angkya tuina chem bamachu hünzom ang makuxle thüi angkya chifün müntüi, ilaxle ikha angkya süt-mwotbu bama hünzom ang süntom chemchu müntüi.”

WANGSHEMBU MWOT 8:21

Kwom mwottho ma nang kwom üitho jao münchang, chemthüikoxle Zang miksho ma nang mong ojao münsu.

MATHI 10:16

“Apalax, shwon tham khato chun hosabu ningle kue hünzom tsanle apaopu. Pu ningle atsinglax, osu ningle nonai le tüilax.

ISAIA 45:4

Kue nang ku da Israel nok to fong ang kampu, kue zünle kopkya khünaknu. Kue nang ang tüle chongkya achuak-achenkya koxdaoa, hünzome ku awanle kop angkya wüi.

ISAIA 44:28

Kue Sairas füi akaxpu: ‘Ku hanpakma apün angkya a nangtix changle; kue chem naxmokse thütpuix ijatix nange moküi; nange tamchatle Jerusalem zing angkya kax koxüi ilaxle Zangshwom-Hom homting ma thongnu küiüi.’”

2 PUKAX-PANGAO 36:22

Parsia nok Sairas chongwangpa, ang achangkya pongwang lükya zanglao ma Jowanpae chix ajepa Jeremia makhange akaxkya chix kax changle ngai ang tom. Wangting angkya pangnok-jating towüi ija kaxtom laiza ma zale apaolaxle noknusae atatle e ang tom angkya chixe Sairas mongto mongtsukya tuita ahüi:

JUHAN 4:9

Samaria mixchae chix ang thüi: “Nang a Jehudi khünak changtüi, ikoxle ku Samaria mixcha tuita ma lingti büle jupu?” (Chemthüikoxle Samaria noke lingdaokya wansa hia pe ma Jehudi khünake ling angkya oli chichang).

IZRA 1:1

Parsia angkya Sairas chongwangpa ang achangkya pongwang lükya zanglao ma, Jowanpae chix ajepa Jeremia füi chempangle akax daopuix, ibu changle ngai ang tom. Ija kaxho chix chaxwan pangnu khato wüi laiza ma afan angkya hanpakma chixe Sairas ang akhangle mok angkya kaxtom kox:

IZRA 1:2

“Ija a, Parsia nok chongwangpa Sairas kaxtom changle. Jowanpa, zangkangting tokya Zang-e, ku a zangfang pangwüi thakma apün angkya mix ang kamdaoa ilaxle Judah angkya Jerusalem ma chix hanpakma zangshwom-hom tuita zingle alai angkya ku hünlit ang koxdaoa.

IZRA 3:8

Idaile Jerusalem Zangshwom-Hom homting to hwom nguikya ofüi angkya zanglao ma lyetnu kua anyi lükya to hwome homzai mwot owang wangle hüi. Zerubbabel, Jihusua, ilaxlechu hwom nok khünak mamabu pangwüi, nguapabu, Liwi hwom, zanda ang ngokya Jerusalem to nguile tüikya khünakbu pangwüi, ija mwot to azu. Liwi hwom, zangtsa makhange thakchichi pangwüi ija Zangshwom-Hom zaikya mwot akhi-amikle hume ang kam.

IZRA 1:3

Opang chix khünakbu changpuix, hünzom pangnu füi wüi Zang womle naxngokox. Jowanpa owa Israel nok Zang changpuix, Zang owa to Jerusalem ma shwompuix, chix Zangshwom-Hom azünle zing angkya hanpakma hünzom a Jerusalem to pao angkya changle.