IZRA 1:3 - OTSAO BAIBEL (BSI)

³ Opang chix khünakbu changpuix, hünzom pangnu füi wüi Zang womle naxngokox. Jowanpa owa Israel nok Zang changpuix, Zang owa to Jerusalem ma shwompuix, chix Zangshwom-Hom azünle zing angkya hanpakma hünzom a Jerusalem to pao angkya changle.

IZRA 1:3 ပူးပေါင်းရင်းမြစ်များ

DANEL 6:26

Ku wangting angkya khünak noknusae Danel-e shwomkya Zang chathua zale chang angkya kaxtom koxpu. “Chix a ozün ma tüikya Zang changle, ilaxle chixe jento apün-awangle ngo angkya changle. Chix wangting a chemtuechu münamütüi, ilaxle chix tsak-zong ma oshuk müntüitoxüi.

JEREMIA 10:10

Ikoxle Jowanpa, nang a Zang tsingtsing changle, nang a khüzün Zang changle ilaxle oshuk chitüikya wanghom changle. Chemtue nang mongtsikle changpuix, chaxwannu aloxle; chaxwannu angkya jatlibue nang mongtsik adu ang müntho. (

WANGSHEMBU MWOT 10:36

Khünak noknusa hopunu Jowanpa, Jisu Khrista makhange tumüi bama Kaxho Müikya apukle chixe Israel khünaknu hato fakya kaxho hünzome awanle ngopu.

MATHI 28:20

Kue hünzom hama apuakya pangnu kax ma laxle tüi angkya hwom hama anokox. Üntoxle hulax! Ku hünzom füi chaxwannu oshuk kople othuithuima ngoüi.”

ISAIA 45:5

“Ku a Jowanpa changpu; mama baozang owachu müntüi. Kue nang ang nange laxse tsak-zong koxüi, nange ku owahex chitsing koxlechu.

JIHUSUA 1:9

Kue nang füi mongzangwünle tsuak angkya hia mongong tüile chang angkya bama kaxtom fadaokya taxalak. Taxza chichangba mong taxasho; chemthüikoxle, Jowanpa, ku hünzom Zang, nang alele pangnu chito nang füi tüile ngoüi.”

TSAITONG-KAXTONG 32:31

Hwom zanpabue hwom baozangbu ma zong müntüile awanle, Israel nok Zang lailaile janzüi chitüile.

DANEL 2:47

Ifüima wanghompa-e akax: “Nang Zang ang baozang pangnu tha angkya Zang, wanghombu thak angkya Jowanpa, ilaxle huxsa jali komkaile ngaile ahokya mix changpu. Nange ipongpongkya huxsa zangwün ku hama ngaile apua koxkya ma kue ija tikle laxdaoa.”

MÜNCHUAK-TSAI 83:18

Zangfang pangnu thakma apünkya a Jowanpa a nang tata wüile hwome tsing ang tomkox.

1 PUKAX-PANGAO 28:20

Wanghompa Dawid-e chix sasün Solomon ang thüi: “Mong taxhi ikoxle mongchongle changlax. Mwt owang wang kox, owaechu nang to abax ang taxtom. Kue owa to thothale hüipuix, ija Jowanpa nang füi tüiüi. Otuechu chixe nang danle müntoxpu, ikoxle chix Zangshwom-Hom ma mokse mwot ashukle machang tanto chix a nang füi ngo angkya changle.

1 WANGHOMBU 8:23

ilaxle zangjop: “Jowanpa, Israel nok Zang, thakchi ding to tamchu fangchi hax to nang lailaikya zang owachu müntüi! Nange nang khünaknu füikya tsaotsüt thom ilaxle hwome kün-hi-mong makhange abakle nang kax ma laxle changpongma nange hwom hato nang mongkün aho.

1 WANGHOMBU 18:39

Chemtue khünaknue ija ngünle laxpuix, hwome ma alüile hax to tswonle awütle akhong: “Jowanpa, nang wüi Zang changpu, Zang a Jowanpa tata wüi changpu!”

IZRA 1:4

Chix khünak owawae chat angkya hanpakma fongkya laxse tsukya mix jangtüi, ija to chix tomzibue hule fongkox angkya changle. Hwome ibu to khopjan, hun, osüt-owong ilaxle müibu, tamchu Jerusalem Zangshwom-Hom ma tö ang kox angkya, ibu tuina pangwüi koxle apao angkya changpu.”

IZRA 5:3

Janbama wüi Hannop-Eufrat angkya Gowarnor Tattenai, Shethar Bozenai, üntoxle hwom füikya nguakax-wangkhobu Jerusalem to ngui ilaxle akax: “Ija Zangshwom-Hom zailaxle ija khuakhomle chang angkya hünzom ang kaxtom owae kox?”

ISAIA 37:16

“Jowanpa, Israel nok Khüthak Zang, owa ozang füikya zünmokbu dingma thungle tüipuix, nang tata wüi Zang a; zangfang angkya wangtingbu nange tix apünle ngopu. Ding hia hax nange zingle alaipu.

IZRA 4:3

Zerubbabel, Jihusua hia mama saxthom lompa hwome lan: “Kwome Jowanpa kwom Zang ang Zangshwom-Hom zaikya to hünzom ang asunhüile münthüi. Parsia nok chongwangpa Sairas-e kwom ang kaxtom koxkya ningle ija kwom lailai to zinglax angpuix.”

IZRA 5:13

Ifüima wanghompa Sairas Babilon wangting ma Chongwangpa ang achangkya pongwang lükya zanglao ma, Sairas-e ija Zangshwom-Hom azünle zaile alai angkya kaxtom koxpu.

IZRA 6:7

ilaxle ija zaikya mwot-kat to tsa-ngaokya taxtüi. Owangpong ma ajongle tüikya homting man ma wüi Judah nok Gowarnor hia Judah nok lompabue ija Zang Zangshwom-Hom naxzaikox.

MÜNCHUAK-TSAI 132:13

Jowanpae Zaion a zünle kopdaoa; chixe ijakha chix hom-hax ang laxse tsule:

ISAIA 44:28

Kue Sairas füi akaxpu: ‘Ku hanpakma apün angkya a nangtix changle; kue chem naxmokse thütpuix ijatix nange moküi; nange tamchatle Jerusalem zing angkya kax koxüi ilaxle Zangshwom-Hom homting ma thongnu küiüi.’”