ISAIA 9:7 - OTSAO BAIBEL (BSI)

⁷ Chix chongwang janzüi a chong ang chong ang sütüi; chix wangting a jento tumüi-mongsom ma ngoüi. Chixe Wanghompa Dawid mantswon chongwang ningle apünüi, changkya hia sukya a chix tsak-zong chifün ang laxüi, athax makhange oshuk hanpak alople. Jowanpa Khüthak Zang-e ibu pangwüi mok angkya mongzang wündaoa.

ISAIA 9:7 ပူးပေါင်းရင်းမြစ်များ

DANEL 2:44

Wanghom ibue apün-adale ngokya tuk ma zangkangting tokya Zang-e wangting tuita zingle alaiüi, ija chiashuk toxkya wangting ang changüi. Ija wangting to owaechu tingtakle münchangüi, ikoxle mama wangtingbu komkaile amüt laxle ija wangting a oshuk-okim chitüile ngoüi.

DANEL 7:14

Apün-awang angkya tsak-zong, münchong, hia wangtsak-wangzong chix ang kox, ilaxle zangfang angkya khünaknüsa pangnu jat-lie chix thothale chang ang tom. Chixe apün-awangkya ma oshuk müntüiüi, ilaxle chix wangting münashuk toxüi.

2 SAMUEL 7:16

Nang ang jento sixlibu tüile ngoüi, ilaxle kue nang wangting a oshuk chitüile tsünlole ngo ang tomüi. Nang wangting ma oshuk müntüiüi.’”

DANEL 7:27

Zangfang angkya wangtingbu tsak-zong hia chuak-chongkya pangwüi Khüthak Zang khünakbu chak to koxüi. Ija chongwang wangting a tam münmax, ilaxle chaxwannu angkya apün-awangle tüikya noknusae chix thothale chix kax ma laxle ngoüi.”

DANEL 2:35

Lebama wüi ija jan, komhax, wi-jan, khop-jan, hia hum ibu a zangtso ma saxnak nui angkya haxkhix labu ningle oman chitoxle ojuak ang achang. Ibu pangwüi, oman ngaxchu chitoxle zangwine jeple pao. Ikoxle ija long a chaxwan to jao o-le haxnu ningle achang.

IBRI 1:8

Ikoxle Hosa bama Zange thüi: “O Zang, nang wangting ashukle chitoxüi! Nange, nang khünaknu thakma sule apünüi.

JEREMIA 23:5

Jowanpae thüi: “Dawid sixli hwomkha angkya kue otsao wanghom tuita zün angkya hanpak nguile hüile. Ija wanghompa-e je füi apünüi ilaxle haxtok ma pangnu khato wüi changkya hia sukya mwot moküi.

ISAIA 37:32

Jerusalem hia Zaion Haxnu ma ozün ma tüikya khünakbu ngole tüiüi, chemthüikoxle Jowanpa Khüthak Zang-e ile chang angkya mongzangwünle tsuakdaoa.

ISAIA 16:5

Ifüima Dawid sasün hwomkha angkya tütapu wanghom ang achangüi, chixe mongong füi tamchu mongkün füi khünaknu thakma apün-awangle changüi. Chem supuix ija mok ang chix tüle momüi, ilaxle sukya kaxfün fa angkya to chixe khile huüi.)

MÜNCHUAK-TSAI 2:8

Julax, kue nang ang chaxwan pangwüi faüi; chaxwannu jaojao nangkux ang changüi.

2 WANGHOMBU 19:31

Jerusalem hia Zaion Haxnu ma ozün ma ngokya khünakbu tüiüi, chemthüikoxle ile chang angkya bama Jowanpae mongzangwünle tsuakdaoa.

MIKNGÜN-OHÜN 19:11

Ifüima zangkangting ka daple tüikya kue ngün, ija ma mantho tuita tüikya. Ija mankho ma ngakya mix ang mongong shingmong üntoxle otsingtsing le nyak; chixe kaxfünkya hia azankyabu mwot sukya olom ma mok.

MATHI 1:23

Otsao Lai Kax a: “Hulax, naocha tuita ma nao tüiüi, ilaxle lükasa tuita puxüi; IMANUEL”, le chix ang nyaküi. (Zang kem khama tüile).

JUHAN 12:34

Khünaknue chix ang thüi: “Khrista a jento ngo angkya changle le kwome wanlom makhange atat ang kople; jangchangba ‘Khünak Hosa a nwon angkya changle’ le nange chem ang thüipu? Ikoxle ija Khünak Hosa a owa?”

IBRI 7:24

Ikoxlechu Jisu a othuithuima ngole hüi, üntoxle chix nguapa mwot owawa angchu ataile chifa.

ISAIA 2:4

Chixe chongkya jat-libu ba angkya ala-ashakya zangwün tsuakle faüi. Hwome hwom changbu han-kho ang achangle thupüi ilaxle paxbu a fumham changlosabu ang thuple alaiüi. Jat-libu tamchatle tata zan to münkaüi, tamchatle achax-azan ang atha-nyemle münchangüi.

ISAIA 11:1

Dawid füikya wangli a dakle anguak daokya pün tuita ningle; ikoxlechu pün otongtho tuita makhange tamchatle pünsong chuile laikya ningle, Dawid su-sa hwom makhange wanghom hozün tuita laiüi.

ISAIA 26:11

Nang zanpabue nange hwom to sikangün angkya le müntik. Jowanpa, hwom ang zak akopkox ilaxle sikngün ang tomkox; nange hwom hanpak ang achwonle thomkya zothup ma hwom sikngün ang tomkox. Hwom hama nange nang khünaknu to chemtukux mongünpuix ahokox.

ISAIA 40:10

Jowanpa Khüthak Zang a tsak-zong füi apün ang nguingole, chixe sünle kopkya khünakbu chix füi tomle laxlaxle a.

ISAIA 42:13

Jowanpaa naomüipa tuita ningle azan ang kale; zanhok ma apong ang chix achwonle tamchu mongtsule tüile. Chixe tinglyetle, ilaxle zan-o zan-ole akhongle; chix zanpabu hato chixe chix tsak-zong ahole.

HAGAI 2:9

Zangshwom-Hom hozün a hozang füi ataitoxle osün müile tüiüi. Ikhato kue ku khünaknu ang ahak-aluakya hia tumüi-lomkhaole ngo ang tomüi.” Jowanpa khüthak Zang-e akaxdaoa.