ISAIA 9:4 - OTSAO BAIBEL (BSI)

⁴ Chemthüikoxle hwom zothuple ngokya dang nange amadaoa ilaxle hwom suakpong ma fitle ngokya jantom nange awütdaoa. Zan-nokbu to nange lütle tsuakdaoa nang khünaknu to afangle zothup ngokya zan-nokbu a, ami pongma nange Midi nok süpahibu to lütkya lailaile.

ISAIA 9:4 ပူးပေါင်းရင်းမြစ်များ

ISAIA 14:25

Kue Asiria nok a ku haxtok Israel ma amütüi ilaxle ku haxnubu ma hwom to cha füi naküi. Asiria nok dang chak tokya tamchu hwome hün angkya hünlit chak tokya kue ku khünaknu danüi.

JEREMIA 30:8

Jowanpa Khüthak Zang-e thüi: “Chemtue ija nyix nguile hüipuix, hünzom dingkux ma tüikya danglang hia ima tüikya janbüibu kue daüi, ilaxle hwom a chemtuechu mixnok dahaibu ang achangle münngoüi.

NAHUM 1:13

Athax kue hünzom ma nok tsak-zong ashuk ang tomüi ilaxle hünzom to khale thomkya janbüi afünle awütüi.”

ISAIA 54:14

Sukya kaxfün hia süntswone nang tsak-zong ang tomüi. Hünzom a mixe adakya hia thama adünkya füi atsai ngo ang tomüi.

ISAIA 49:26

Kue hünzom to zothuple ngokya lüile tata alangle chang ang tomüi; hwom a mix-lang mix-huakkya hia chichangchizangle tüikyae mwote tokle changüi. Ifüima khünaknüsa noke wüi ku a Jowanpa changpule awanüi, hünzom khosün üntoxle hünzom danle changkya mix lea. Hwome ku a tsak-zongle tüikya Israel nok Zang changpule awan ang kopüi.”

LIWI 26:13

Hünzom a da ang achangle chingo angkya kuxma kue hünzom a Ijip nok tokya alaile apüipu. Hünzom to kople thomkya zong kue akhixdaoa ilaxle kue hünzom ngadongle aham ang tomüi.”

PONGWANG LAIPEX 27:40

Nang a chang füi ozün ma ngoüi. Nang a hünnao da ang ngolax; nang chix füi alünkya zuma, chix kax fang ma ngokya zaküi.”

ISAIA 10:5

Jowanpae thüi: “Asiria! Kue Asiria a ku mongtsikle tüikyabu to sikngün fa angkya hanpakma tuita kiathox ang twonpu.

MÜNCHUAK-TSAI 125:3

Otsao khünakbu haxtok to chichang-chizangkya khünakbue othuithuima apünle münngo; hwome ile apünle jangthomba, otsao khünakbu chuwüi chichangchizangle paoüi.

ISAIA 51:13

Hüzome hünzom zingpupa Jowanpa, owae zangding shale pünpuix ilaxle chaxwannu chifün zingle changlaxpuix, chix alakdaocha? Hünzom amüt ang achwonle ngokyabu opange hünzom to athak ang mongsile ngopuix, ibu hanpakma jento zadongle chemto ngopu? Hwom mongtsike hünzom to ojao münpo.

ISAIA 47:6

Ku a ku khünaknu füi mongtsikle ngokya; kue hwom to ku kux chichangkya ningle hwon: kue hwom a nang tsak-zong chak to kox, ilaxle nange hwom hato chingcha ojao chiaho; zunu-zupabu to ngaxchu nange ziamale hwon.

MÜNCHUAK-TSAI 81:6

Kue nang tok angkya hünlit wütle laxpu; hünzom huaklong hün tsong kue wütle ajo fapu.

ISAIA 9:5

Sing ang hüikya süpahibu chisox ilaxle aji füi awangkya hwom nyizabu pangwüi wün ma max ang tomüi.

ISAIA 16:4

Kwom hünzom haxtok ma ngo ang tomhüi. Kwom amüt ang tungle ngokyabu chak tokya kwom azünhüi.” (Zothup hia thama ashukdaoüi, ilaxle haxtok thomjole ngokyabu paole samdaoüi.

ISAIA 52:2

Jerusalem, nang mongtex ma sile aloxlax! Haxbu kha tokya ajonglax ilaxle wanghom tüntong ma thunglax! Zaion ma kople thomkya khünakbu, hünzom to khale thomkya janbüi da dao!

JEREMIA 48:17

“Ija jat-li hanpakma mangsoplax, hünzom hozui ma ngole tüikyabu, ija münfua awanle ngokya hünzom pangwüi. Akaxkox, ‘Tüle tsak-zongle apün-awang ngokya ija janzüi madaoa; ija fuazang hia tho-lünkya athaxpi müntüi.’

ISAIA 10:16

Jowanpa Khüthak Zang-e, athaxpongma wokfwot tilan müile ngokyabu to sikangün angkya hanpakma okak-olak ahüi angkya changle. Hwom tsangtsa ma chizakle zokle ashun ngokya wün tüingo angkya changle.