ISAIA 9:3 - OTSAO BAIBEL (BSI)

³ Nange hwom ang chongkya mongmüi koxdaoa, Jowanpa; nange hwom mongmüi ang tomdaoa. Nange chem mokdaopuix ija füi hwom mongmüile, khünaknue puamün wün pongma mongmüikya ningle chichangba hwome azan pongma kopkya tuina ahan pongma mongmüikya ningle.

ISAIA 9:3 ပူးပေါင်းရင်းမြစ်များ

MÜNCHUAK-TSAI 119:162

Nang kaxtsaobu khoma ku ang mong chemtukuxle müipuix: tüle-tüle chongkya thanu-juapa kopkya khünak mongmüi ningle.

1 PITAR 1:8

Nang mike tümangün ikoxlechu nange chix to mongkünpu, ipongkhae nange chix chingün, ikoxlechu nange chix to mongongpu. Ikhoma nange kax ma ngai ang chitho le mongmüi ma tamchu fuazangkya füi nang ang pwonla dongpu;

ISAIA 26:15

Jowanpa, nange kwom jat-li tsong ang tomdaoa, pangnu chito ija longzi achenle a, ilaxle ijae nang hato chathua zakya apüi.

ISAIA 66:10

Jerusalem füi mongmüikox; she hanpakma pwonla dongkox, ija tingnu to mongkünle tüikya hünzom pangnusae! Athax she füi tomle mongmüikox, hünzom she hanpakma sople ngokyabu pangwüi!

ISAIA 65:18

Oja kue zingdaolaxpuix ija ma mongmüi-pwonlale ngolax. Hozün Jerusalem a mongmüie awangle tüiüi, ilaxle ima tüikya khünakbu a mongmüi tungle tüiüi.

ISAIA 35:10

Hwome Jerusalem mongmüi atungle alopüi, pwonla dongle tsai ngaole akhongle-a. Hwom a jento mongmüi-pwonlale ngoüi, othuithui hanpak ang künthang-mongdang füi atsaile a.

1 SAMUEL 30:16

Ilaxle chixe Dawid a ibu zan-nokbu hato apüi. Zan-nokbu a saxsax-julingle, Filistia hia Judah nok angkya hwome tsui kopkya mwot-kat huanuma tüikya bama mongmüi atungle ikhakha awangle puashole ngole tüikya.

KAXHO MÜIKYA LUK 11:22

Ikoxle otue chix füi sütsak kya mix hüilaxle chix to lütüihex, changpax ojabu kop laxle chix chachongle ngokya hex, ibu ija khünake chix angkya pale pao, ilaxle chixe pa-lole kopkyabu ahanle laxle.

MÜNCHUAK-TSAI 4:7

Ikoxlechu nange ku ang koxkya mongsom a hwome saxziak hia grep-ti makhange kopkya pangnu khüthak changle.

FILIPI 4:4

Jowanpa füikya notom ma hünzom jento mongmüi le ngohüi, anaolechu kue thüipu, mongmüihüi!

ZEKARIA 10:8

“Kue ku khünaknu nyaküi ilaxle hwom ta ma asüi ang tomüi. Kue hwom kho-awale kopüi ilaxle tüihomkya ningle hwom huanuma pu-tsale chang ang tomüi.

ZEKARIA 8:23

Hetuk ma mixnok sünbün Judah khünak tuita hato hüilaxle thüiüi, ‘Kwome chuwüi hünzom füi tomle oshuk-oza tomhanle changse tsupu, chemthüikoxle Zang hünzom füi womle tüikya kwome atatle hüidaoa.’”

ZEKARIA 2:11

Ipongma jat-libu tüle-tüle Jowanpa tamchu chix khünaknu hato nguiüi. Chix a hünzom khama ngoüi, ilaxle ku a chixe ahüikya changpule hünzome awan ang kopüi.

HOSIA 4:7

“Hünzom nguapa chemtukux huanuma tüipuix, itukuxle hünzome ku zongto ochax lyen, ikhoma kue hünzom achuak-achenkya a e-me chilaxle tüikya ang achangüi.

JEREMIA 31:7

Jowanpae thüi: “Israel nok mongmüi tungle ngaokox, jat-libu khama achongkya changle. Hünzome münchuak tsai ngaokox, ‘Jowanpae chix khünaknu khosünle kople. Atale toxkyabu chixe sünle.’

ISAIA 61:10

Jerusalem mongmüilax, Jowanpae nang bama chem mokdaopuix ija hanpakma a. She a tui to juüi naocha tuita aza-apua laxle tüikya ningle changpu. Zang-e chix to khosün hia lütkya füi awunle koxdaoa.

ISAIA 61:7

Hünzom thünzak hia chie-chisekya pangwüi ashuküi. Hünzom a ma haxtok ma ngo ang kopüi, Ilaxle hünzom tuinabu a othom anyie nuile changüi; Hünzom mongmüi ma oshuk müntüitoxüi.

ISAIA 55:12

“Hünzome mongmüi-pwonlale Babilon dantoxüi; hünzom a tingnu angkya mongsom ma laile pao ang tomüi. Haxhua hia haxkhobu a tsaingaole akhongüi, ilaxle pünbue mongmüi to tsai ngaoüi.

ISAIA 54:1

Jerusalem, nang a naosa chitüikya mixcha tuita ningle changkya, ikoxle athax a nang tsaingao tamchu mongmüi to akhong ang tho. Athax hünzom ang naosombu huanuma tüiüi lüka mixpa tuitae otuechu danle chitoxkya mixcha ninglea!

ISAIA 35:2

Mongmüi atungle sak-haxe tsai ngaole akhongüi; ija a Lebanon Haxnu tukuxle osün müiüi Karmel hia Sharon nyi haxtok ningle haxzao füi tüiüi. Jowanpa ahak-aluakya noknusae ngünle laxüi, chix chuak-chongkya hia tsak-zong ngünle laxüi.

ISAIA 25:9

Chemtue ija changüihex, pangnusae thüiüi: “Chix a kem Zang changle! Keme kem mongong chix ma thompu, ilaxle kem chixe azünpu. Chix a Jowanpa changle! Keme kem mongong chix ma thompu, ilaxle athax kem a pwonla dongle mongmüipu chemthüikoxle kem kho chixe sündaoa.”

ISAIA 12:1

Khünaknue tsaingao angkya hanpak tunu nguile ngole, “Kue nang achuakpu, Jowanpa! Nang a ku füi mongtsikle ngokya, ikoxle athax nange ku mong asom ilaxle ku füi mongtsikkya chitüi.

MÜNCHUAK-TSAI 107:38

Chixe chix khünaknu to mohiman, ilaxle hwom ang su-sabu huanuma tüi; ilaxle hwom müizyembu chixe sütsa-sütsale tsa ang tom.

NEHEMIA 9:23

Nange hwom ang ding angkya lyettsi büta su-sabu kox, ilaxle zan nok to anaolaxle ija haxtok ma ngo ang tom nange hwom pupa hwom ang tsaole thomkya haxtok ma a.

KAXFÜNPA-HWOM 5:3

Apakoplax, Wanghom-wanghombue! Künkox-mongkoxlax, hünzom apün-adakyabue! Jowanpa Israel nok Zang achuakle kue thuaput waxmai mütle tsaingaoüi.

WANGSHEMBU MWOT 8:8

Idaile Samaria angkya tingnu ma tüikya khünaknu huanuma mongmüi.

JOB LAIPEX 12:23

Chixe khünaknu jat-libu tsak-zongkya tamchu chongkya ang achangle; ikoxlechu hwom to chixe wüi anaolaxle olithule amale.

ISAIA 65:14

Hwome mongmüi laxle tsai ngaoüi, ikoxlechu hünzom a mong makya füi sopüi.

LIWI 26:13

Hünzom a da ang achangle chingo angkya kuxma kue hünzom a Ijip nok tokya alaile apüipu. Hünzom to kople thomkya zong kue akhixdaoa ilaxle kue hünzom ngadongle aham ang tomüi.”

KAXFÜNPA-HWOM 7:22

Gideon khünaknue nyazong mütle ngopongma zan-nok süpahibu a Jowanpae hwom tata füi lüile changlo-changlo ma ahütle azan ang tom. Hwom a Zarethan chito Beth Shittah alople jao zikle paole Tabbath zui angkya Abel Meholah tinglong to jao ngui.

KAXFÜNPA-HWOM 8:12

Midi nok wanghompa anyi, Zebah hia Zalmunna nyi, paole azang, ikoxlechu chixe hokhi achuale zik ilaxle kop, ilaxle hokhi süpahibu pangwüi afale pao ang tom.

ISAIA 10:26

Oreb Longnu ma kue Midi nok to fitpupule, Jowanpa Khüthak Zang, ku jaoe ku müikhwon zu füi hwom to fitdao angkya changle. Asiria nok hia Ijip nok to kue sikangün angkya changle.

ISAIA 14:5

Jowanpae ochax lompabu tsak-zong ashuk ang tomle;