ISAIA 9:18 - OTSAO BAIBEL (BSI)

¹⁸ Kongbüi hia hux pünbu zokle ashunkya wün lailaile khünaknu chichang-chizangkyae zokle ashunle. Tsan shunkya wünkhut othwom-othwom ma dongkya lailaile ijae zokle ashunle.

ISAIA 9:18 ပူးပေါင်းရင်းမြစ်များ

MALAKI 4:1

Jowanpae akax: “Ongam hia ochax khünakbu tsaxsa zokle ashun pupu le zokle ashun angkya hanpak nguile hüingole. Ija nyix hwom a zokle ashunüi, ilaxle hwom owachu atale chitoxüi.

MÜNCHUAK-TSAI 83:14

Wüne fao zokle ashunkya ningle, wünle-e haxhua wün ang achangkya ningle,

NAHUM 1:10

Tsaxkua hia tsaxsabu wün füi zokle ashunkya lailaile hünzom jutok-saxngat mixbu zokle ashun angkya changle!

ISAIA 5:24

Ikhoma athaxpi, chemle tsaxsa hia fum zik asoxlaxle wün to zokle ashunpuix, ilailaile nang tsing a fuaküi ilaxle nang song chuile ngokyabu zanle ziüi üntoxle zangwin to pikle paoüi, chemthüikoxle hünzome Khüthak Jowanpa, Israel nok Zang-e kem hama anwot-anokya chilaxle awütkoxpu.

MIKNGÜN-OHÜN 14:11

Hwom fuxtsüikya wün makhange laikya wünkhut othuithuima ding to dongle ngoüi. Ija müi hia chix chapa to shwomkyabu opange ija mün ma münwan koplaxpuix hwom hanpakma zangnak zangngai chemtuechu nazak müntüi.”

IBRI 6:8

Ikoxlechu ijae hux hia nat jang anyem thüikoxle, ija chem ang münchang; ija a Zang thuakzom kop angkya tamchu oli thule wün to zok angkya thama ma tüile.

MATHI 25:41

“Ifüima chixe ma nongchi angkyabu füi akaxüi: ‘Hünzom a Zang thuak Zang zom koplax ngokyabu! Ku ha angkya atsaiün! Bao hia chix wangshembu hanpakma achwonle tüikya, tamchu chimax le chuale ngokya okham wünkha to paolax.

NAHUM 1:6

Chemtue chix mongtsikpuix, ozün ma owa ngothoüi? Khompua-atsikkya chix mongtsik chak tokya owa azang thoüi? Chixe wünle ningkya chix mongtsik thokle adüt; chix tunthoma longnubu haxbu ang achangle akhix.

AMOS 7:4

Jowanpa Khüthak Zang tokhange kue mikngünohün mama ngün. Ijama kue, chix a chix khünakbu to wün füi sikangün ang achwonle ngokya ngünle lax. Ija wüne hax fang to tüikya molo tinu zokle ashun ilaxle haxza zokle ashun ang owang wangle ngün.

JOEL 2:20

Shuakuxchi tokhange nguikya zazwop-kuknu süpahibu kue apaoüi ilaxle züizüi sak-hax chito jwonle apaoüi. Hwom khama tunpa thom a Omang Tinu khato jwonle apaoüi, hwom füikomle tüikya thom a Mediterenian to jwonle apaoüi. Hwom zikya omangbu tüle nom-sya le changüi. Hwome hünzom to chempangle mokdaopuix ibu khoma kue hwom max ang tomüi.

HOSIA 13:3

Ikhoma ibu khünaknu a anopningkya zangfwom ningle lebama wüi maxle samüi, swomsa ma wüi zuale samkya nyenti ningle a. Hwom a tsaxnak nui tokya tsaxsa zangwin to jeple paokyabu ningle changüi, fongbak angkya wünkhut samle paokya ninglea.

ISAIA 33:12

Hünzom a thun ang lax ang long thuple akhixkya ningle akhixüi, wünjuak ang achangle huxpün zokle ashunkya ningle achangüi.

ISAIA 30:33

Asiria nok chongwangpa wün ma zok angkya onui kaiwüi achwonle tüikya. Ija a zule tamchu khaole, ilaxle ha füi tomle ding to tsuathale athünüi. Jowanpa ija zokle ashun angkya hanpakma shuajen ningle wünle mütle alaiüi.

ISAIA 30:30

Jowanpae pangnusa ang chix zaxzangkya zing atat ilaxle chix mongtsik zonge pokya awanle lax ang tomüi. Ikhama wünlebu laikya, zangtsak-zangdung, jun dütkya, chithwon zangwatkya, ibu tüiüi.

ISAIA 27:4

Athaxpi ku a grep haxtok füi mongtsikkya müntüiüi. Ija to pox ang hux hia kongbüi zubu jangtüi, kue ibu komkaile zokle ashunüi.

ISAIA 1:31

Wünpua pikyae tsaxsa ma wün apütle zokle ashunkya ningle, tüle zax-zangle tüikya khünakbu, alüile ma ochax khokho ma max angkya thama apongüi; ija thama owaechu tsyenle tui ang chithoüi

MÜNCHUAK-TSAI 37:20

Ikoxlechu chichang-chizangkyabu a zile paoüi; Jowanpa zongto zanpabu a fao maipua huimaxkya ningle samle paoüi; wünkhut lailaile hwom amuale samüi.

TSAITONG-KAXTONG 32:22

Ku mongtsik a wünle laile jao chuale dongüi ilaxle chaxwantok angkya pangwüi zokle ashunüi. Ijae ama-lum jao alople changüi ilaxle haxnubu otsing komkaile zokle ashunüi.

MÜNCHUAK-TSAI 68:2

Chemle wünkhut afongle awütpuix, ilailaile chixe hwom jwonle apao; chemle müizao wünzui ma chule paopuix, ija lailaile ochax khünakbu Zang tuntho angkya samle pao.

ISAIA 1:7

Hünzom haxtok a komkaile amadaoa ilaxle hünzom tingnubu a zokle ashunle hax to adütdaoa. Hünzome hule ngongale, zannokbue hünzom haxtok lax üntoxle pangnu olithu ang tom.

ISAIA 26:11

Nang zanpabue nange hwom to sikangün angkya le müntik. Jowanpa, hwom ang zak akopkox ilaxle sikngün ang tomkox; nange hwom hanpak ang achwonle thomkya zothup ma hwom sikngün ang tomkox. Hwom hama nange nang khünaknu to chemtukux mongünpuix ahokox.

ISAIA 33:14

Zaion angkya ochax khünakbu a zale abün ngole. Hwome thüile: “Zang kaxfün a othuithuima zokle ngokya wünchua ningle changle. Kem kha angkya owawae iningkya wünkham adu ang tho angchami?”

ISAIA 50:11

Mix fün ama ang olom zingle ngokya hünzom pangwüi hünzom pangwüi mae zingkya olom ma maxüi. Ija ile Jowanpa chix tomtae chang ang tomüi; hünzome wün ang chimüikya shoma thangnak apongüi.

JOEL 2:3

Pünbu zokle ashunkya wün ningle. Hwom tunthoma haxtok a Eden Tsawatkha ningle, ikoxle hwom tokfüi ma a haxkozan tata. Hwome pangwüi olithule ama.

OBADIA 1:18

Jakop hia Jusep khünakbu a wün ningle tüiüi; wün füi tsaxkua zokle ashunkya ningle hwome Esau khünakbu amütüi. Esau sixli owachu ozün ma müntoxüi. Jowanpa, kue akaxdaoa.

1 WANGHOMBU 16:21

Israel khünakbu ahak-ahanle chang; züizüie Ginath sasün Tibni wanghom ang achangse tsu, ikoxle mamabue a Omri wüi naxngole thüt.

ISAIA 3:5

Hwome tata to adale changüi. Naolibue tüichong mixmüibu chathua zale chitüiüi, ilaxle laxli chitüikya khünakbue ma thakma akhokyabu to e-sele chitüiüi.

JEREMIA 9:3

Jento hwom a atse ang achwonle tüile; otsingtsing lüima wanlom chitokyabue haxtok apünle ngole. Jowanpae thüile, “Ku khünakbue ochax mwot tuita füima tuitale mokle ilaxle hwome ku a hwom Zang changpule jao mün-e.”