ISAIA 9:13 - OTSAO BAIBEL (BSI)

¹³ Israel khünaknu ang künlop-monglüi matüi; Jowanpa Khüthak Zang-e hwom to ipongpongle sikngün fakoxchu, hwom a chix hato machat.

ISAIA 9:13 ပူးပေါင်းရင်းမြစ်များ

HOSIA 7:10

Hwom kaxkax ma wüi lax angkya le angamkya Israel nok mongngame hwom zongto apüile sop. Ipongpong le changle hüidaokoxle chu, Jowanpa hwom Zang, ku hato hwom chichat.

JEREMIA 5:3

Jowanpae otsing tomtata ma mongong tüikya mix lompu. Chixe hünzom to hongpu, ikoxle hünzome ojao nakhwop chikex; chixe hünzom zutle akhixpu, ikoxlechu hünzome awanle münkoppu le angam. Hünzom ang mong-khüi ilaxle ochaxbu tokya hünzom mong münchatpule na tüt.

ISAIA 31:1

Ijip nok to fonghüile kakyabu a maxdaoa! Hwome Ijip nok ma tüikya süpahi tsak-zong — man, man-kanlin, hia cha makhange azankya süpahi, iningkyabu to ongle. Ikoxle hwome Israel nok otsao Zang, Jowanpa to a mün-ong chichangba chix ma asun angkya bama tikshole münchang.

ISAIA 1:5

Hünzome büthüikoxle alünle ajonglanle ngopu? Hünzome anaolechu sikngün süchongkya lompia? Israel, hünzom khang a thomzün-maklaxkya füi chwople tüidaoa, ilaxle hünzom kün-mong hia khangka a kakle tüile.

HOSIA 7:16

Hwome tsak-zong chemchu chitüikya baozang hato paoüima ku hato tok ahokya chizak. Hwom a mongong thom ang chimüile chitangkya san ningle changle. Chemthüikoxle hwom lompabue mongngam füi zangwün, hwom a alün-aloxkya ma ziüi, ilaxle Ijip noke hwom cha nyiüi.”

HOSIA 5:15

“Hwom ochax khoma okhonguile hwome sikngün apongle machang tanto tamchu ku lomle mangui tanto kue ku khünaknu awütle thomüi. Hwom sikngün tokhange ngaxchu hwome ku lom ang cha.”

EZEKEL 24:13

Jerusalem, nang mongzok mwot tokhange nang chitsaokya ang achangdaoa. Kue nang atsaole fang azong koxlechu, nang a chitsaokya ang wüi achangle ngo. Ku mongtsik janzüi zongbakle ma-apongba nang a tamchatle otsao ang münachang tsuak.

JEREMIA 29:11

Hünzom hato thama-thomshix chichangle ahak-alua angkya apüile fa angkya, ilaxle hünzome sungle ngokya füichi hanpak otsingtsing ang achang angkya, ibu ku tuthüt bama ku tatae awanwüi.

ISAIA 57:17

Hwom ochax hia nüfux hanpakma ku hwom füi mongmale ngokya changpu, ikhoma kue hwom to sikangünpu ilaxle e-sele chichangpu. Ikoxlechu hwom ningle-khokhe chithüikya khünakbu ilaxle hwom malomlom to paole sam.

ISAIA 26:11

Nang zanpabue nange hwom to sikangün angkya le müntik. Jowanpa, hwom ang zak akopkox ilaxle sikngün ang tomkox; nange hwom hanpak ang achwonle thomkya zothup ma hwom sikngün ang tomkox. Hwom hama nange nang khünaknu to chemtukux mongünpuix ahokox.

JOB LAIPEX 36:13

Zang chilax homtoxle ngokya mix mongtsiklanle ngoüi, sikngün koxponge ngaxchu hwome fonghüile münjop.

2 PUKAX-PANGAO 28:22

Chix tingtuibu huanu ziama ma changpong khae, ija mixsün Ahaz-e ozangjang to kaile Jowanpa zongto ochax lyen.

TSAITONG-KAXTONG 4:29

Ekhato hünzome Jowanpa hünzom Zang lomüi, ilaxle hünzom künbak-mongbakle janglom, hünzome chix ataküi.

JEREMIA 15:7

Ija haxtok angkya tinglong pangnu towüi tsaxsa apik pupule zangwin to kue hünzom apik. Ku khünaknu, kue hünzom amütpu, kue hünzom su-sa hwom langpu chemthüikoxle hünzom chemtuechu hünzom ochax lomtangbu danle chitox.

EZEKEL 22:24

Chixe thüi: “Ziün angkya khünak, Israel nok hama, hwom haxtok a müntsao, ikhoma kue ku mongtsik füi hwom to sikangünpu, le thüikox.

DANEL 9:13

Mosa Wanlom ma sikngün bama chempangle wünle tüipuix ija tukuxle kwom to sikangünpu. Ikoxle athaxchu, O Jowanpa kwom Zang, kwome kwom ochaxbu tokya mongchat chichangba nang otsingtsing olom tole changkya füi nang mong amüi ang kwome ojao chiazong.

AMOS 4:6

“Hünzom tingnu hato otui-onuak ahüikya a ku changpu, ile changkoxchu hünzom a ku hato mong alople chihüi.

AMOS 4:10

“Kue hünzom hato Ijip nok hato ajokya ningle thama-thomshix ajopu. Kue hünzom naosün hwom zanhok ma zi ang tompu ilaxle hünzom manbu kue tsuile paopu. Kue hünzom nakua ma hünzom pom angkya khünak mangbue mut ang tompu. Ikoxlechu hünzom a ku hato mongchatle chihüipu.

ZEFANIA 1:6

Opange ku hato tok ahopuix ilaxle ku füito azuile chichangpuix, opang ku hato chihüipuix tamchu ku ang lom azuihüi le chithüipuix, ibu pangwüi kue amaüi.”

ISAIA 7:20

“Chemtue ija hanpak nguile hüiüihex, Jowanpa-e Eufrat tachi tokya khosex mix tuita ahyenle apüiüi — Asiria nok chongwangpa! — ilaxle chixe hünzom kaxmaimun ongle awütüi, nang khangmun hia tsangtsa munchu pangwüi ongle koxüi.

ISAIA 19:15

Ijip nok ma owachu, hakpa wüi changlax nuakmix wüi changlax, akhokya mix wüi changlax chilaxli khünak wüi changlax, opupuechu fongtsoxle chang ang müntho.