ISAIA 9:1 - OTSAO BAIBEL (BSI)

¹ Ija sikngün hanpak chak tokya azangle pao angkya hwom ang lomtang tuita chu müntüiüi. Zebulun hia Neptali homjen haxtokbu a tamchatle azale awütkya ang achang, ikoxlechu füichi chaxwan zanghane ija haxtok hato münchong-ngampai apüiüi; ija wankam a Mediterenian handünchi kao makhange Jordan shuanu tachi haxtok alople, tamchu mixnokbu ngokya Galili jao alople.

ISAIA 9:1 ပူးပေါင်းရင်းမြစ်များ

2 WANGHOMBU 15:29

Pekah a wanghom ang ngole tüipongma Asiria nok chongwangpa Tiglath Pilesar-e Ijon angkya tingnu, Abel Beth Makah, Janoah, Kedesh, ilaxle Hazor, ilaxlechu Gilid haxtok ma tüikya, Galili, ilaxle Neptali, tingnu ibu kop üntoxle khünakbu a Asiria nok to zanda ang pao.

ISAIA 8:22

chichangba haxchi to hukoxlax, ikoxlechu hwome thangnak hia zangnak boma chemchu münngün, hwom jwonle ahüi ngokya zangnaknu kha a.

2 PUKAX-PANGAO 16:4

Benhadad-e Asa zangwün füi im-jo ma tom ilaxle Israel nok tingnubu to sing ang chix süpahi lompa hia süpahibu akat. Hwome Ijon, Dan, Abel Beth Makah, ilaxle Neptali angkya tingnubu, süt-wong athünle thomkya kha pangwüi hwople kop.

1 PUKAX-PANGAO 5:26

Ikhoma Zang-e Asiria nok chongwangpa Pul (owa ang Tiglath Pilesar lechuwüi nyakpuix), chix ang hwom tingtak ang tom. Chixe Reuben, Gad, hia Handün Manasseh homjenbu tsuile pao ilaxle ibu a othuithuima Halah, Habor, hia Hara, ibu ma tamchu Gozan Shuanu kax to ngo ang tom.

LIWI 26:28

izuma mongtsik füi ku hünzom zan to kaüi ilaxle hünzom sikngün a othom anüte nüile ziama ang tomüi.

LIWI 26:24

izuma kue hünzom to jannong alüiüi ilaxle othom anüte nüile sütsakkya sikngün koxle hünzom to zothupüi.

KAXHO MÜIKYA LUK 24:27

Mosa hia ajebu pangnu makhange owang wangle Otsao Lai pangnu khato wüi chix bama zale tüikya chixe hokhi hama akhixle apua.