ISAIA 8:7 - OTSAO BAIBEL (BSI)

⁷ Ku, Jowanpa-e, Judah nok to sing angkya hanpakma Asiria chongwangpa hia chix süpahibu komkaile apüiüi. Kakax pangnu khato lyemle Eufrat shuanu tichen mualyemle hüikya ningle hwom thut-thutle hüiüi.

ISAIA 8:7 ပူးပေါင်းရင်းမြစ်များ

AMOS 9:5

Jowanpa Khüthak Zang-e chaxwannu to lyet, ijama ija alox; ima tüikya pangwüi mongmaxle sop. Nail Shuanu tichap lailaile zangfang pangwüi dong-dong-ju le sile alox.

AMOS 8:8

Ikhoma chaxwan sile aloxüi, ilaxle haxtok ma tüikya pangnusa khosam ashukle changüi. Onok chaxwan bakle sile aloxüi, ija a Nail Shuanu tichap ningle dongtox jutox le changüi.

ISAIA 7:20

“Chemtue ija hanpak nguile hüiüihex, Jowanpa-e Eufrat tachi tokya khosex mix tuita ahyenle apüiüi — Asiria nok chongwangpa! — ilaxle chixe hünzom kaxmaimun ongle awütüi, nang khangmun hia tsangtsa munchu pangwüi ongle koxüi.

ISAIA 7:17

“Jowanpae hünzom hato, hünzom khünaknu hato, wanghom homkha pangnu hato, Israel wangting Judah füi süile changkya füima sümapupa hanpak zanghan apüile fa angkya changle — chixe Asiria nok wanghom apüi angkya changle.

PONGWANG LAIPEX 6:17

Ozün ma tüikya zünmok pangwüi amüt angkya hanpakma kue chaxwan tok to tinu-mualyemle chang ang tomüi. Chaxwan tok ma atüitüi komkaile zile paoüi,

MIKNGÜN-OHÜN 17:15

Chatlechu kaxtaimixe ku füi akaxle thüi: “Nange ngünle ngokya tibu, oja dingma tsahangcha thungle tüilaxpuix, ibu a chaxwanbu, khünakbu, jat-libu tamchu kaxngaobu changpu.

NAHUM 1:8

Tüle chongkya tinu tichap ningle chixe chix zanpabu amüt; chix kax ma chilaxle tüikyabu hato hwom mikmüt ahüi.

DANEL 11:22

Owawae chix kax to anongle lanle jangchang, Zang thothapa Nguakho wüi changlax, chixe otam chitoxle amüt.

DANEL 11:10

“Siria nok wanghompa sasün hwome azan ang achwonüi ilaxle süpahibu huanuma asoxle changüi. Hwom kha angkya mixsün tuita a tichen lailaile thule zan-nokbu zanhunui to single changüi.

DANEL 9:26

Ilaxle ija hanpak ashukle changpongma Zang-e zünle kopkya lompa a chisukya olom ma langle awütüi.

ISAIA 59:19

Handün hia hannop pangnu chitokhange noknusae chix hia chix tsak-zong bama atat ang kopüi. Chix a tichap ningle tamchu zongkya zangchei tuita ningle nguiüi.

ISAIA 28:17

Sukya kaxfün fakya a ija homting othüt tuita changpu, ilaxle otsao a ija othüt zu fünkya long ang changüi.” Hünzome mongongle tüikya oli pangwüi jun-long füi züile awütüi, ilaxle thaikya azwonle ngokya nui pangwüi tichene u ang tomüi.

MÜNCHUAK-TSAI 72:8

Chix wangting a tinu makhange tinu alople tsale paoüi, Eufrat makhange haxtua-zangnam alople a.

KAXHO MÜIKYA LUK 6:48

Chix a, homting chifün ang long zule tholaxle homzingkya mixsün tuita ningle changpu. Tinu mualyem üntoxle ija hom to thu, ikoxlechu ija alox ang chitho, chemthüikoxle ija a shingmongle zingdao koxle.

IZRA 4:10

tamchu tüle tsak-zongle tüikya Ashurbanipal-e opang ma ngole tüikya kha tokya jwonle apaole changkya khoma Samaria tingnu hia Hannop-Eufrat haxsüt ma ngole tüilaxpuix, hwom pangnu mün ma.”

2 WANGHOMBU 19:32

“Jowanpae Asiria nok chongwangpa bama akaxkya a ija changpu: ‘Chix a ija tingnu zan to dongle tingnu mongto nople münchangüi chichangba ibu to sanjun tuita füi haple münchangüi. Di füikya süpahi tuita chu tingnu zui to münnguiüi, ilaxle ija akhople kopdaokya aho ang haxlwon laxle chemchu münzingüi.

ISAIA 10:5

Jowanpae thüi: “Asiria! Kue Asiria a ku mongtsikle tüikyabu to sikngün fa angkya hanpakma tuita kiathox ang twonpu.

ISAIA 10:16

Jowanpa Khüthak Zang-e, athaxpongma wokfwot tilan müile ngokyabu to sikangün angkya hanpakma okak-olak ahüi angkya changle. Hwom tsangtsa ma chizakle zokle ashun ngokya wün tüingo angkya changle.

ISAIA 11:15

Jowanpae Suiz angkya tinu shinthuk angkya ti azopüi, ilaxle chixe Eufrat shuanu azop angkya hanpakma khamtungkya zangwin apüiüi, ikoxle muaküsa shuasa anüt wüi zop ang chitomle dantoxüi, chemthüikoxle ibu a pangnusae wüi ahamle ti ta ang tsuakle tüikoxle.

ISAIA 28:2

Jowanpa ang hwom to sing angkya hanpakma achwonle ngokya tüile tsak-zong füikya owawa tüile; ija a tuita jundütkya ningle, tuita tamchu chithwonkya zangwat ningle, tüle asoxle fütle, pangnusa to lyemle hüikya tichen, ibu ningle hüilaxle chaxwan to u angkya changle.

ISAIA 43:2

Chemtue hünzom tizukyabu makhange leüihex, ku a hünzom füi tüiüi; hünzom sikngüne hünzom to münalumpu. Chemtue hünzom wün mong makhange leüihex, hünzom to münhuaküi; thwontsing chemningkya hüikoxlechu hünzom to po-nokya müntüiüi.

JEREMIA 47:2

Chixe thüi: “Hulax! Shuakuxchi ma ti mwople dongle shuanu tuita tichen mualyemle fütkya ningle a. Ibue chaxwantok tamchu ima atüitüi to komle chwopüi, ikhato to tüikya tingnubu hia khünaknu pangwüi to a. Khünaknue fonghüile akhongüi; chaxwan tok ma tüikya pangwüi mongmaxle sopüi.

JEREMIA 51:42

Tinu a Babilon ding to ule hüile ilaxle ija to tinu-tichap füi chwopdaoa.

EZEKEL 26:19

Jowanpa Khüthak Zang-e thüile: “Kue nang a owachu ngo ang chimüile pünle amadaokya tingnu ningle achangüi. Kue nang to tinu jithong tokya tie ule chang ang tomüi.

MIKA 1:9

Samaria mak a tam-müitoxüi münchang, ija lailaile ija ningkya thama Judah-echu apong tu nguile; ku khünakbu ngwotnui, Jerusalem tingnu angkya panbu hato, ibu pünle ama angkya tunu nguile hüile.”

MIKA 5:5

ilaxle chixe tumüi-mongsom apüiüi. Chemtue Asiria nok, keme ziakople thomkya pan kaile, kem chaxwan tingtakle changüihex, keme kem kha angkya mixtsak naomüibu hwom füi azan ang apaoüi.

MÜNCHUAK-TSAI 46:4

Zang tingnu hato mongmüi apüikya shuajen tuita tüile, Khüthak Zang otsao homlo to a.

ISAIA 28:15

Hünzom a zikmüt-mangkho füi muamüi laxle amalum füi zangwün azutle tsuakdaoale ngamtüi. Thama hüikya tuk ma hünzom a ijae tsiakle toxüile mong chongtüi; ija a hünzome ma khangkhom man angkya bama kaxthai zangwün hia dyen-ngankya to onglaxle ngokya khoma changpu.

MIKA 5:4

Chemtue chix nguiüihex, chix ma khünaknu thakma Jowanpa tokhange hüikya janzüi hia Jowan Zang chix chongwang tsak-zong füi apün-awangle changüi. Chix khünaknu a chaza-angkya chemchu chitüile ngoüi chemthüikoxle zangfang angkya khünaknu pangnusae chix zaxzangkya to changkox-ale ngoüi,