ISAIA 8:6 - OTSAO BAIBEL (BSI)

⁶ Chixe thüi: “Wanghom Rezin hia wanghom Pekah nyi tunthoma, ibu khünakbue adangle jenkya Shiloh shuasa ti münlaxpule awütkya khoma, ilaxle abün

ISAIA 8:6 ပူးပေါင်းရင်းမြစ်များ

JUHAN 9:7

Ilaxle chix ang thüi: “Paolax, ilaxle Silom tiküi ma thün tsuxlax.” (Ija mün a paolax le tsankya tha). Ifüima chixe pao üntoxle so, ifüima chixe ngünle chat.

NEHEMIA 3:15

Kolhozeh sasün Shallum, Mizpah Distrik ma apünkya mix, chixe Tümik Zünkai zaile alai. Chixe zünkai lomnu to chwop, onui ma kahak zingle dan, ilaxle ibu to kapatja apüt laxle amongle aja thom. Shelah Tüküi ma chixe wanghom hwom tsawat füi athuikya katuk zaile alai, ija ma chifün a Dawid Tingnu alople zingle tüikya.

JEREMIA 18:14

Lebanon angkya longnukhobu jun chitüitox homle tüngocha? Ija angkya zangkong haxnubu angkya ti zople chang toxcha?

JEREMIA 2:18

Hünzome Nail shuanu angkya ti ling ang Ijip nok to julaxle olüi tükopüile thütlax pia? nok to paolaxle Eufrat shuanu angkya ti lingkya ma hünzome olüi tükopsaxüile texlax pia?

JEREMIA 2:13

chemthüikoxle ku khünakbu ochax oli anyi lyendaoa: hwome ku hato, tsaothakya tümik hato tok ahodaoa, ilaxle hwome titungbu thole changdaoa, ti kople thom ang chimüikya titungbu a.

ISAIA 7:6

Hwome Judah nok tingtak laxle khünaknu ang hwom füito chinamnambale aza angkya ilaxle Tabil sasün wanghom tüntong ma athung angkya hwom mongkho ma dong.

ISAIA 5:24

Ikhoma athaxpi, chemle tsaxsa hia fum zik asoxlaxle wün to zokle ashunpuix, ilailaile nang tsing a fuaküi ilaxle nang song chuile ngokyabu zanle ziüi üntoxle zangwin to pikle paoüi, chemthüikoxle hünzome Khüthak Jowanpa, Israel nok Zang-e kem hama anwot-anokya chilaxle awütkoxpu.

1 WANGHOMBU 7:16

Chixe khop thongkho chuwüi anyi zing, pangnyi wüi fakta okao pong chuakle zing, ibu a thongnu okho ma dan angkya hanpakma.

KAXHO MÜIKYA LUK 13:4

Chichangba Silom ma long katuk nguakkyae thuple mixhuak sünbün achyet langkoxle, Jerusalem ma ngokyabu pangnu füi hwom wüi süchongle achaxkyabu le hünzome thütpia?

MÜNCHUAK-TSAI 46:4

Zang tingnu hato mongmüi apüikya shuajen tuita tüile, Khüthak Zang otsao homlo to a.

ISAIA 1:20

Ikoxlechu hünzome ku mün amale jangchang, hünzom a zikmüt-mangkho thama ma tüile. Ija a, Jowanpa, kue akaxdaoa.”

ISAIA 7:9

Israel ma Samaria, ija pongwün tingnu tukux tsak-zong chitüi, tamchu Samaria a wanghom Pekah füi tsak-zongle chitüi. “Nang mongong okui chilolo, nang kui münlopu.”

ISAIA 8:5

Jowanpae ku füi tamchatle zangwün.

ISAIA 28:2

Jowanpa ang hwom to sing angkya hanpakma achwonle ngokya tüile tsak-zong füikya owawa tüile; ija a tuita jundütkya ningle, tuita tamchu chithwonkya zangwat ningle, tüle asoxle fütle, pangnusa to lyemle hüikya tichen, ibu ningle hüilaxle chaxwan to u angkya changle.

ISAIA 30:12

Ikoxlechu ija a Israel nok otsao Zang-e akaxkya kax changpu: “Kue chem akaxpuix ija mix hünzome ahai ikoxle changnong-pünthomle hia dyen-ngankya to mongongle.

ISAIA 7:4

Chix ang mik-hingle tamchu somdangle ngo angkya ilaxle zakyae poxle chingo angkya akaxkox. Wanghom Rezin hia Siria nokbu tamchu wanghompa Pekah hwom mongtsik a hatua anyi ma azwonle laikya wünkhut thangaxchu münchang.