ISAIA 8:22 - OTSAO BAIBEL (BSI)

²² chichangba haxchi to hukoxlax, ikoxlechu hwome thangnak hia zangnak boma chemchu münngün, hwom jwonle ahüi ngokya zangnaknu kha a.

ISAIA 8:22 ပူးပေါင်းရင်းမြစ်များ

ISAIA 5:30

Chemtue ija nyix nguile hüiüihex, hwome Israel nok zongto tinu-tichap to kaile azaxle akhongüi. Ija chaxwan to hulax! Zangnak hia künmax-mongshan tata! Zangngai a zangnaknue lingdaoa.

MATHI 22:13

Wanghome chix dabu ang thüi: ‘Chix a cha chak ma kha laxle kotho zangnak to awütdao. Ikhato chix ang sopkya hia wa azyakkya tüiüi.’”

MATHI 8:12

Ikoxle ija wangting ma wom haxkux khünakbu a zangnak khato awütüi! Ikhato hwom ang mikfi jenkya hia wa azyakkya tüiüi.

JEREMIA 13:16

Jowanpa, hünzom Zang achuak kox, chixe zangnaknu ahüiüi thoma, ilaxle haxnubu ma hünzom asuale changüi thoma; hünzome sungle monghom ngokya zangngai chixe zangnaknu ang achangüi thoto.

JUD LAIZA 1:13

Ti mwop ningle hwom thünzak ngaile ahokya, tüle zongkya tinu tichap hwom changle. Zange opang hanpakma zukya zangnaknu khato ngwotnui achwonle thompuix, samle aham ngokya lyettsibu a hwom changle.

WANWÜNKAX 14:32

Chichangchizangkya khünakbue ma thomle düt angkya a hwom ochax mwot khoma atakpu, ikoxle müikya khünakbu ziakople ngo ang kopkya a hwom to ngao angkya chitüile ngotsuakkya khoma changpu.

JOB LAIPEX 18:18

Zangngai tokya zangnak fangto ngo ang, Ozün ma ngokya chaxwannu tokya hwom, zangngai tokya zangnak fangto ngo ang jwonle apaoüi.

MATHI 24:29

“Ija pongma sikngün füima thuile, zanghan nyankya zaküi; lyetnuechu münnyanüi; lyettsibu punle dütüi; ilaxle ding tokya tsakzongbu, aloxle achikachexüi.

JEREMIA 23:12

Hwom lengokya lomtang a lomnün tamchu zangnak changpu; kue hwom chikho suale ati ang tomüi. Kue hwom hato thama-thomshix apüi angkya changpu; hwom to sikangün angkya hanpak nguile ngole. Ku, Jowanpae ija kax akaxdaoa.

ISAIA 9:1

Ija sikngün hanpak chak tokya azangle pao angkya hwom ang lomtang tuita chu müntüiüi. Zebulun hia Neptali homjen haxtokbu a tamchatle azale awütkya ang achang, ikoxlechu füichi chaxwan zanghane ija haxtok hato münchong-ngampai apüiüi; ija wankam a Mediterenian handünchi kao makhange Jordan shuanu tachi haxtok alople, tamchu mixnokbu ngokya Galili jao alople.

ISAIA 8:20

Hünzome ibu kax to lanüi: “Hünzom hama Jowanpae chem anwot-ano puix ija to apalax! Jenu-shipabu zangwün to taxapa — hwom zangwüne hünzom sikngün füi atsaile thom ang münthopu.”

MIKNGÜN-OHÜN 16:10

Ifüima aga lükya kaxtaimixe chix khong Ija müi tüntong ma thok. Müi wangting to zangnake alum, ilaxle hwom to kakkya khoma khünaknue male-le to tsüt,

ISAIA 9:20

Chaxwan pangnu khato wüi khünakbue hwom atak tsuakpupu pa-lole saxüi, ikoxlechu hwom wokfwot tam münmüitoxüi. Ibue masu-masa hwom ngaxchu sax angkya changle!

ISAIA 30:6

Shuathongchi angkya sak-hax ma tüikya müibu hanpak ang ija a Zang kaxho changle: “Nguapa tüichongbu thomzün tüikya tingnu ojong khato mailang, oje füikya pu hia pikya dragon pu, ibu ngole tüipuix, ibu tingnu akaile aham. Hwom to asun ang ojao chitho angkya onok hanpakma hwom ma mantsak hia ut, ibu ma thalixkya hingho chaktwon füi hünzing.

ISAIA 50:11

Mix fün ama ang olom zingle ngokya hünzom pangwüi hünzom pangwüi mae zingkya olom ma maxüi. Ija ile Jowanpa chix tomtae chang ang tomüi; hünzome wün ang chimüikya shoma thangnak apongüi.

ISAIA 59:9

Khünaknue thüi: “Kem to sikangünle ngokyabu chak tokya Zang-e kem büthüikoxle khosünle chikop puix tsingdaoa. Chitong ngünle aham angkya bama kwome wünnyan to ongpu, ikoxle ikhato zangnaknak wüi,

LAIPAO 10:21

Jowanpae Mosa ang thüi: “Nang chak zangkho chito nwonkox ija füi tomle Ijip haxtok ma zimle haxshix-zangnakkya tüiüi.”

LAIPAO 10:22

Mosa-e chix chak zangkho chito ajong ifüi tomle Ijip nok haxtok ma nyix azom tüle haxshix-zangnak.

ISAIA 50:3

Zikya mangsop pongkya ningle, zangdingkho kue zangnak ang achang ang tsuak.”

ISAIA 60:2

Mama mama chaxwannu nok a zangnake alule thomüi, ikoxlechu hünzom to a Jowanpa zangngaie nyanüi; Chix womle tüikya zangngai a hünzom füi ngoüi.