ISAIA 8:18 - OTSAO BAIBEL (BSI)

¹⁸ Ikhama ku Jowanpae ku ang koxkya naosom hwom füi tüile. Jowanpa Khüthak Zang owa ngwotnui Zaion Haxnu ma tüipuix, chixe kwom a khüzün kaxho tuita ang ahüikya changle.

ISAIA 8:18 ပူးပေါင်းရင်းမြစ်များ

KAXHO MÜIKYA LUK 2:34

Simeon-e hwom to mohiman ilaxle honu Meri ang thüi: “Ija naosa a, ama angkya bama üntoxle Israel khünaknu huanuma khosün angkya hanpakma Zange kamdaoa. Khünaknue owa mo amale wünüi hex ilaxle owae hwom huxsa mongtex angaile kox üihex,

ZEKARIA 8:3

Ku a Jerusalem, ku otsao tingnu to chatüi, ilaxle ikhama ngoüi. Ija tingnu a tuita mongong tüikya tingnu changpule fuale wünüi, ilaxle Jowanpa Khüthak Zang haxnuang otsao haxnu le nyaküi.

MÜNCHUAK-TSAI 71:7

Ku tsün a khünaknu hanpakma tuita apyen angkya tsün changpu, chemthüikoxle nang a tsak-zong füikya ku ziakopmix changpu.

ZEKARIA 3:8

Ikhoma Nguakho ang ngokya Jihusua, nange apakoplax; üntoxle chix füikya zompu-zangpabu hünzomechu apakoplax, hünzom a füichi shomüi hanpak münwan changle: Kue Pünkang le nyakkya ku da, kue ngaile ahofaüi!

ISAIA 53:10

Jowanpae thüi: “Chix sikngün angkya a ku mongtex changkya; chix zikya a thailak atak angkya hanpakma tö tuita changkya. Ikhoma chixe chix sixlibu ngün ang kopüi; chix a tsünlo-khothole ngoüi, ilaxle chix makhange ku mwottho tsuakle changüi.

MÜNCHUAK-TSAI 22:30

Füichi naolie chix thothaüi; hwom füima hüingokya tsünthom füi hwome Jowanpa mo wünle akaxüi.

MÜNCHUAK-TSAI 9:11

Zaion apünle ngokya Jowanpa achuakle tsai ngaokox! Chixe chempang mokdaopuix ibu pangnok-jating to wünkox!

IBRI 12:22

Itülüi, hünzom Zaion haxnu üntoxle ozün ma tüikya Zang tingsho, hajat-hajat kaxtaimixbu füi tüikya zangkangting Jerusalem to ngui.

ISAIA 24:23

Lyetnu a nakle paoüi, ilaxle zanghane nyankya zakle maxüi, chemthüikoxle Jowanpa Khüthak Zang a wanghom ang changüi. Chixe Jerusalem ma Zaion Haxnu dingma apün-awangle changüi, ilaxle khünaknu lompabue chix fuazangkya ngün ang kopüi.

ISAIA 12:6

Zaion ma ngole tüikya pangnusa akhong kox üntoxle tsai ngaokox! Israel nok otsao Zang a chongkya changle, ilaxle chix a chix khünaknu füi ngole.”

ISAIA 7:16

Ija hanpak nguile hüiüi thoto wüi, opange hünzom aza-anale changpuix, ija haxtok anyi a laxli chitüikya haxtok ang achangle awüt angkya changle.

ISAIA 14:32

Filistia nok tokhange nguikya kaxhomixbu kax to keme chemle lanüi? Zaion a Jowanpae sikngün apongle ngokya chix khünakbue ima nazak kop angkya hanpakmale zingpu, le keme lanüi.

1 PUKAX-PANGAO 23:25

Dawid-e thüi: “Jowanpa, Israel nok Zang-e chix khünaknu ang mongsom fadaoa, ilaxle chix jaojao Jento Jerusalem ma ngoüi.

IBRI 10:33

Hanpak tuita ma noknu thüntho ma hünzom adix-ada tamchu chisumüile hwon, üntoxle mamatue hünzom a ma to ile hwonkyabu füito wom ang azongle bang.

ISAIA 7:3

Jowanpae Isaia füi akax: “Nang sasün Shear Jashubkoplaxle wanghompa Ahaz füi apong ang paokox. Nange chix a nyitak mixbue mwot mokkya lomtang to apongüihex. Ikha a thakchi tüküi angkya ti apüikya thapshua oshuk ma tüile.

EZEKEL 14:8

Kue hünzom zongto anongle changüi. Kue hünzom makhange apyen angkya tuita zingüi. Kue hünzom a ku khünaknu tu angkya atsai ang tomüi, ikoxle tix hünzom pangwüie ku a Jowanpa changle le awanle lax ang kopüi.

ISAIA 8:3

Alüile chingo homtoxle ku kakonu ma nao tüi. Chemtue kukhi sasün ngünpuix, Jowanpae ku füi akax: “Chix ang: ‘Allele Sing, Lebama Tswonle Pao’, le amünkox.

PONGWANG LAIPEX 33:5

Chemtue Esau-e shekobu tamchu naosombu ngünle laxpuix, chixe atüi: “Ibu nang füi tomle hüikyabu a opang?” Jakop-e lan, “Ibu a nang dapa ku ang Jowanpae mohimankyabu changle.”

TSAITONG-KAXTONG 28:46

Ibu a hünzom tamchu hünzom su-sabu zongto tuita kaxfün fakya münwan ang ngoüi.

ISAIA 20:3

Chemtue Ashdod kop ang tsuakle changpuix, Jowanpae thüi: “Ku dapa Isaia a tomhua ma tamchu cha hua ma aham ngokya zanglao azom jao nguile hüile. Ija a Ijip hia Etheopia nok füi apong angkya mowan ahokya changpu.

JEREMIA 44:29

Kue hünzom to ikhama sikangün angkya tamchu hünzom hato kue thomshix-thama ahüi angkya ku kaxtsao, ibu otsing ang achangle angai angkya bama Jowanpa, kue ahole kox angkya changpu.

EZEKEL 4:3

Nang hia tingnu nyi obama jan tik-khe tuita jan katuk thatha ang ajongkox. Tingnu chito thün ahokox. Ija hwople kopkya to nange ija ziakople wintuk-hantha thomüi. Ija a Israel nok hanpakma mowan tuita ang changüi.

EZEKEL 12:6

Nang hün nang suakto ma danlaxle nange chingüntsuak angkya hanpakma nang mik to zim laxle zangnak fang to laile paokya hwome hule naxngo. Nange chem mokpuix ija a Israel nok hanpakma kaxkhün tuita ang changüi.”

MÜNCHUAK-TSAI 9:12

Sikngün apong daokyabu Zang-e texle atakle; hwom sopkya chixe münalak, üntoxle hwom to thaile mokdaokyabu to chixe sikngün fale.

KAXHO MÜIKYA LUK 2:18

Chun-nyetmixbue wünkya kax atatkyabu pangnu wüi abüt.