ISAIA 7:23 - OTSAO BAIBEL (BSI)

²³ “Chemtue ija hanpak nguile hüiüihex, müikya grep haxtokbu, hajat makhange ozu tüikyabu ilaxle khop ngunkhix hajat pong tha tüikyabu pangwüi, kongbüi-zu hia hux püne limle changdaoüi.

ISAIA 7:23 ပူးပေါင်းရင်းမြစ်များ

ISAIA 5:6

Ija khama hingzang wüi naxnyemkox. Kue ozubu sexle münchang chichangba haxkhutle akhixle münchang; itülüi kue ija to kongbüi hia huxbue awangle chang ang tomüi. Kue ija ding to zangwat angkya zangfwom münabax.”

MATHI 21:33

Jisu-e thüi: “Mama kaxpan apalax; Hanpak tuita ma grep haxtok hopunu tuita tüikya. Chixe ija haxtok akanle tsawat wat, ju fyet angkya nui ang hax tho ilaxle nyet nui sailia dünle tox. Ofüima mwotmok mixbu chak to ija haxtok mo angkya danle toxlaxle chix a mixwün to pao.

IBRI 6:8

Ikoxlechu ijae hux hia nat jang anyem thüikoxle, ija chem ang münchang; ija a Zang thuakzom kop angkya tamchu oli thule wün to zok angkya thama ma tüile.

JEREMIA 4:26

Haxzao füikya haxtok a tuita sak-hax ang achangle pao; ima tüikya tingnubu pünle ama thomdaoa zadünkya Jowanpa mongtsik tokhange. (

ISAIA 5:10

Zangdom tuita ma zaile alaikya grepti-ju pe achyet wüi fyetle tsuaküi. Khia hota puli zampa küikoxle khia bün achyet wüi kopüi.”

ISAIA 7:24

Ikhato khünakbu a hap hia sanbu koplaxle müihap ang ahamüi. Changle, ija haxtok pangwüi kongbüi-zu hia hux püne awangle changdaoüi.

ISAIA 32:10

Athax hünzom a mongtex ma shale chu ngokoxlax, ikoxlechu ngaizang itu shene hünzom a khosam ma ngoüi chemthüikoxle nange athün angkya hanpakma grep ziak ojao müntüi angkya changle.

EZEKEL 12:20

Anyix khünake awangle tüikya tingnubu a amütüi, ilaxle hwom chaxwan a tüta puamün chitüikya haxtok ang achangüi. Ifüima hwome ku a Jowanpa changle le awan ang kopüi.”

HOSIA 2:12

She mongkünbue hwom mongzom amüi ngokya khoma koxkyabu le she-e apu-achangle tüikya grep zubu hia fupsa pünbu kue amütüi.

HOSIA 9:6

Chemtue thama hüipuix ilaxle khünaknu afale paopuix, Ijip noke hwom ta ma asoxüi: ija a Memfi ma mang akhün angkya hanpakma changüi! Hwom tuina khopjanbu hia noxta hwom hom-hax zailaxle tüikya haxtokbu ma hingzang hia hux nyemle tüiüi.

PONGWANG LAIPEX 3:18

Haxtoke nang fum-hing hia kongbüibu anyemüi, ilaxle nang haxtok angkya fumchakbu saxüi.