ISAIA 7:20 - OTSAO BAIBEL (BSI)

²⁰ “Chemtue ija hanpak nguile hüiüihex, Jowanpa-e Eufrat tachi tokya khosex mix tuita ahyenle apüiüi — Asiria nok chongwangpa! — ilaxle chixe hünzom kaxmaimun ongle awütüi, nang khangmun hia tsangtsa munchu pangwüi ongle koxüi.

ISAIA 7:20 ပူးပေါင်းရင်းမြစ်များ

ISAIA 8:7

Ku, Jowanpa-e, Judah nok to sing angkya hanpakma Asiria chongwangpa hia chix süpahibu komkaile apüiüi. Kakax pangnu khato lyemle Eufrat shuanu tichen mualyemle hüikya ningle hwom thut-thutle hüiüi.

EZEKEL 29:18

Chixe thüi: “Ziün angkya khünak, Babilon nok wanghompa Nebukadnezar-e Tair tingtak ang sütdaoa. Chixe chix süpahibu ang müimamakya hünlix ahünle changkya khoma hwom khang akole paole ilaxle hwom suaktobu a adi le paole, ikoxlechu wanghompa-echu tamchu süpahibue chu hwom sikngün khoma kopkya chemchu chitüi.

ISAIA 10:15

Ikoxlechu Jowanpae akax: “Twonkya mix füi ma wüi achongkya changpule wa-e akax ang tho ang chami? Ija twonkya khünak füi janzütbit wüi achongkya changchami? Kiathox-e khünak nwonkya münchang ikoxle khünake mix kiathox nwonpu.”

EZEKEL 29:20

Chix süpahibue ku mwot mokle changkya khoma, kue Ijip a chix ang ija otha ningle koxpu. Ija kax Jowanpa, kue akaxdaoa.

ISAIA 11:15

Jowanpae Suiz angkya tinu shinthuk angkya ti azopüi, ilaxle chixe Eufrat shuanu azop angkya hanpakma khamtungkya zangwin apüiüi, ikoxle muaküsa shuasa anüt wüi zop ang chitomle dantoxüi, chemthüikoxle ibu a pangnusae wüi ahamle ti ta ang tsuakle tüikoxle.

ISAIA 1:5

Hünzome büthüikoxle alünle ajonglanle ngopu? Hünzome anaolechu sikngün süchongkya lompia? Israel, hünzom khang a thomzün-maklaxkya füi chwople tüidaoa, ilaxle hünzom kün-mong hia khangka a kakle tüile.

JEREMIA 2:18

Hünzome Nail shuanu angkya ti ling ang Ijip nok to julaxle olüi tükopüile thütlax pia? nok to paolaxle Eufrat shuanu angkya ti lingkya ma hünzome olüi tükopsaxüile texlax pia?

ISAIA 9:13

Israel khünaknu ang künlop-monglüi matüi; Jowanpa Khüthak Zang-e hwom to ipongpongle sikngün fakoxchu, hwom a chix hato machat.

ISAIA 36:1

Judah ma Hezekiah wanghom ang achangkya zanglao bünba ali to, Sennacherib, owa Asiria nok chongwangpa changkya hex, chixe ziakople panzailaxle ngokya Judah nok tingnubu to tingtak ilaxle ibu hwople kop.