ISAIA 7:19 - OTSAO BAIBEL (BSI)

¹⁹ Hwom a long tüikya haxsha to ilaxle ima tüikya longkunbu to othom-thom ma athütüi, ilaxle hwome hux füikya tham hia fumtsütnui pangwüi awangüi.

ISAIA 7:19 ပူးပေါင်းရင်းမြစ်များ

ISAIA 2:19

Chaxwannu to sile alox ang chix nguipongma, khünaknu a longtsyentua tokya longkunbu nuk to azwonnui tamchu Jowanpa tsak-zong hia chix fuazang thoto, haxwan tholaxle, ikhato paole azang ang azongüi.

JEREMIA 16:16

Jowanpae thüi: “Ibu khünaknu kop angkya hanpakma kue nyaxlwot mixbu huanuma apao ngopu. Ifüima kue müihapmixbu huanuma, haxnu hia haxhua tamchu longkun hia longlua pangnu khato hwom to hap ang apaoüi.

MIKA 7:17

Haxbu khato hwom pu lailaile wokzutle alyangüi; hwome tüle abünle zakya füi zanhunui tokyabu nguiüi. Za laxle hwom a Jowanpa kem Zang hato mong alople hüiüi.

ISAIA 2:21

Chemtue Jowanpa chaxwannu to sile alox ang nguiüihex, khünakbu a longtsyentua tokya longkunbu nuk to khünüi ilaxle hax tho üntoxle Jowanpa tsak-zong hia chix fuazang tuntho angkya paole azang ang azongüi.

2 PUKAX-PANGAO 33:11

Ikhoma Jowanpae Asiria nok süpahi lompabu ang Judah nok tingtak ang tom. Hwome Manasseh kop, chix nakua ma jankuix awün, chix to janbüi füi khak, ilaxle chix a Babilon nok to kat.

MATHI 7:16

Hwom mwot makhange hünzome hwom awan ang thoüi. Kongbüi-zu ma grep münziak tamchu khahux pün ma fupsa münziak;

ISAIA 5:6

Ija khama hingzang wüi naxnyemkox. Kue ozubu sexle münchang chichangba haxkhutle akhixle münchang; itülüi kue ija to kongbüi hia huxbue awangle chang ang tomüi. Kue ija ding to zangwat angkya zangfwom münabax.”

ISAIA 7:24

Ikhato khünakbu a hap hia sanbu koplaxle müihap ang ahamüi. Changle, ija haxtok pangwüi kongbüi-zu hia hux püne awangle changdaoüi.

ISAIA 7:25

Manzaile tüikya haxhua pangwüi a, ikhato owachu chisoxle kongbüi fume awangle tüiüi. Ija a chun hia maihubue fum tsüt angkya nui ang achangle paoüi.”

ISAIA 55:13

Athax pongma kongbüibu tüikya khato saipres pünbu nyemüi; huxpün lüi ma martul fumsabu laiüi. Tamchu chiashukle ngo angkya münwan a ija changüi, Jowanpa kue chem mokdaopuix ija texle atak angkya a.”

ZEKARIA 10:8

“Kue ku khünaknu nyaküi ilaxle hwom ta ma asüi ang tomüi. Kue hwom kho-awale kopüi ilaxle tüihomkya ningle hwom huanuma pu-tsale chang ang tomüi.