ISAIA 7:14 - OTSAO BAIBEL (BSI)

¹⁴ Jangchangba müihudaoa, Jowanpa chix jaoe hünzom ang mowan naxfafa: naocha tuita owa ma nao nguidongle chang üntoxle lüka naosa tuita puxlaxle ‘Immanuel’ le amünüi.

ISAIA 7:14 ပူးပေါင်းရင်းမြစ်များ

MATHI 1:23

Otsao Lai Kax a: “Hulax, naocha tuita ma nao tüiüi, ilaxle lükasa tuita puxüi; IMANUEL”, le chix ang nyaküi. (Zang kem khama tüile).

ISAIA 9:6

Kem ang naosa tuita puxdaoa! Kem ang sasün tuita koxdaoa! Ilaxle chix a kem lompa ang changüi. Chix ang a: “Ohünotün Mongjang zukya” “Khüthak Zang”: “Oshuk chitüi Hopa”, “Tumüi Wanghompa”, le amünüi.

KAXHO MÜIKYA LUK 1:31

Nang ma nao tüiüi ilaxle nange lüka naosa tuita puxüi, üntoxle nange chix ang JESU le amünüi.

JUHAN 1:14

Ija kax khünak ang achang laxle chingcha hia kaxtsinge awangle chix kem khama ngo. Hopa ang Hosa tuita wüi tüikya fuazang ningle kwome chix fuazang ngün.

KAXHO MÜIKYA LUK 1:35

Kaxtaimixe lan: “Otsao Chasa nang ma nguiüi, ilaxle Zang tsakzong e nang to oüi. Ikhoma ija otsao nao ang Zang Hosa le nyaküi.

1 TIMOTHI 3:16

Kem zanglom otukux chongkya huxsa tuita hex, owaechu münchangle thüi ang münthoüi: “Chix khünak sündün ma angai, Chasae changle le aho; kaxtaimixbue ngün. Chaxwannu pangnu khato chix apuk-apua; zangfang pangkhato wüi chix to ong, ilaxle chix zangkangting to dün.”

ISAIA 8:8

Pangnu pangnu to chwople, tichen lailaile hwome Judah zutlaxtoxle leüi.” Zang a kwom füi tüile! Chix zang pünkyae chaxwan kho sünle tüi.

PONGWANG LAIPEX 3:15

Kue nang hia shekocha hünkhi bama tamchu nangsix-nangli hia she sixli hwom bama zan zingpu. She susa hwome nang khang thuple akhixüi ilaxle nange she susa hwom chidua ma tuüi.” Hwom chidua ma tuüi.

ISAIA 8:10

Hünzom katzuabu laxlax! Ikoxlechu ibu otuechu tsuakle münpao. Mongtsukya tukuxle hünzome zangwünlax! ikoxlechu ija chem angchu münchang, chemthüikoxle Zang a kwom füi tüile.

JEREMIA 31:22

Hünzome chemtukux cha-ao-mongsaole ngoüi, mongong chitüikya khünakbu? Kue tütaIi azünle tamchu mali-mali to zingpu, shekonu tuitae lükapa tuita kho awakya tukux chixlili le a.”

ROM NOK HATO ZAKYA POL LAIZA 9:5

hwom a putong makhange hüikyabu changle, ilaxle khünak tuita ningle Khrista chuwüi hwom züjen angkya changle. Pangnu thakma apün-awangkya Zang jento achuakkox! Amen.

1 SAMUEL 1:20

Ifüima she ma nao nguidongle chang ilaxle lüka naosa tuita pux. She-e ija nao ang Samuel le mün kox üntoxle she-e thüi: “Chix a kue Jowanpa ma jule laxkya nao changle.”

1 SAMUEL 4:21

She-e ija nao ang Ikabod thüikoxle “Zang fuazangkyae Israel nok danle toxdaoa” lükya tsyento mün ija nao ang mün kox; chemthüikoxle Jowanpa Tsaotsüt Suak nang amütdao, hohopa nang zidao ilaxle she kakopa nang zan to maxdao, ibu pangwüi to saile amün.

PONGWANG LAIPEX 30:8

Rachel-e thüi: “Ku ana füi zongbakle azandaoa, ikoxlechu kue wüi anaodaoa.” Idaile she-e ija nao ang Neptali le amün.

PONGWANG LAIPEX 29:32

Liah ma naotüi ilaxle sasün tuita pux. She-e thüi: “Jowanpae she künduk-mongthang ngünle laxdaoa; athaxpi ku kakopae ku to mongkünkya tüiüi.” She-e ija nao ang Reuben le mün kox.

PONGWANG LAIPEX 30:6

Rachel-e thüi: “Jowanpae ku sukya ang laxdaoa, chemthüikoxle chixe ku zangjop to lanle ku ang sasün tuita fale tüile.” Idaile she-e chix ang Dan le amün.

PONGWANG LAIPEX 4:25

Adam hia hosheko hokhi ang mama lüka naosa tamtüi. She-e thüi: “Kain-e langle awüt daokya lüi ma Zang-e ku ang lüka naosa tuita fadaoa.” Ikhoma she-e chix ang Seth le amün.

PONGWANG LAIPEX 16:11

Nange sasün tuita ngün angkya changle; nange chix ang Ishmael le amünüi, chemthüikoxle nang mongmaxle sopkya Jowanpae atatdaoa.

KAXHO MÜIKYA LUK 2:12

Üntoxle ija bama hünzom ang münwan a ija changle: Hünzome naosa nyie nam laxle maihu süt khua ma danle thomkya ataküi.”

ISAIA 38:7

Isaia-e lan: “Chixe akaxkya otsing changpule aho angkya hanpakma Jowanpae nang ang münwan tuita koxüi.

JEREMIA 23:6

Chemtue chix wanghom ang changpuix, Judah angkya khünaknu chaza angkya chitüile ngoüi, ilaxle Israel khünaknu a mongsom ma ngoüi. Chix ang ‘Jowanpa kem Khosün’, le nyaküi.

JEREMIA 44:29

Kue hünzom to ikhama sikangün angkya tamchu hünzom hato kue thomshix-thama ahüi angkya ku kaxtsao, ibu otsing ang achangle angai angkya bama Jowanpa, kue ahole kox angkya changpu.

KAXFÜNPA-HWOM 6:36

Ifüima Gideon-e Zang füi akax: “Kue Israel nok khosün angkya hanpakma nange ku twonüile nange wüi thüipu.

1 WANGHOMBU 13:3

Ilaxle ija ajepae chizakle akaxle pao: “Ija tö-tsap a akhixdaoüi, ilaxle ija ma tüikya wünjuakbu chiaküi. Ipongma, Jowanpae ku makhange akax daokya changale hünzome tsing ang kopüi.”

MÜNCHUAK-TSAI 46:8

Nguilax üntoxle Jowanpae chem mokdaopuix, ito hulax. Hulax, chixe chaxwannu ma chemningkya ohünotün mwot mokdaopuix.

MIKA 5:2

Jowanpae thüi: “Efrathah angkya Bethlehem, nang a Judah tinglongbu khama ahixkya tuita, ikoxlechu nang makhange kue Israel nok lompa tuita angaiüi. Chix putong hwom pukax a kaitokya hato chatle chatüi.”

KAXHO MÜIKYA LUK 20:44

Dawid-e chix ang: ‘Jowanpa’ le nyak; jangchangba büthüikya to Messaiah ang Dawid sixli changle le thüitsuaküi?”