ISAIA 66:24 - OTSAO BAIBEL (BSI)

²⁴ Hwom pao ang laikya zuma, ku zan to kale changkya khünakbu mang hwome ngünle laxüi. Hwom mang saxkya chongbu tamchizile ngoüi, ilaxle hwom to zokle ashun ngokya wün a tam chimaxle ngoüi. Khünaknüsa mikngün ma hwom a chisumüikyabu ang ngünüi le Jowanpae akaxle.”

ISAIA 66:24 ပူးပေါင်းရင်းမြစ်များ

ISAIA 14:11

Nang a thuaput-waxmai angaole achuak-achenle tüihukya, ikoxle athax nang a ikha ama lumting to. Nang a hwot-tit khao lyanu ding ma jiple ilaxle chong-langbu nyiwun füi chwoplaxle tüile.’”

MIKNGÜN-OHÜN 21:8

Ikoxlechu zakhutkyabu, khohangkyabu, ochei to lekyabu, mixlang-mixhuakkyabu, khun-khekyabu, chapa to shwomkyabu, üntoxle atsele zangwünkyabu, ibu hanpak ngwotnui ang tinu ningle tüikya wün hia khat chuale ngokya kha, oja anyi lükya zik hex, ikha changpu.”

DANEL 12:2

Opangsa ami wüi zile paodaopuix ibu chuwüi azangle ngoüi; züizüie oshuk chitüikya khüzün koplaxle mongmüi atungle ngoüi, ilaxle mamabu a oshuk chitüikya sikngün ma zolitle ngoüi.

MATHI 3:12

Chix a tsax chap angkya won chak ma laxlaxle ngole. Chixe tsax otsangtsang süilaxle pung ma afoxüi ikoxle tsaxtsatsa a tamchu chimax angkya wünkha to zok ang koxüi.”

ZEKARIA 14:12

Jerusalem ma achax-azanle changkya jat-libu pangwüi Jowanpae okak-olak ahüiüi. Hwom ozün ma tüitanto wüi hwom tsangtsa müibu shanle paoüi; hwom mik hia ibu shanle paoüi.

ISAIA 66:16

Chaxwannu angkya khünaknu opang thaile changpuix ibu to wün hia changlo füi chixe sikngün faüi — ilaxle mik max ang tomüi.

ISAIA 34:10

Ija a zangnak zangngaile chuale ngoüi, ilaxle ija makhange jento wünkhut laile ngoüi. Tsün-tsün to ija haxtok a awütle thomkya haxtok ang ngoüi, ilaxle imakhange athax owachu chiahamüi.

ISAIA 65:15

Ku khünaknue nang mün a othuak-ozom lom to twonüi. Ku, Jowanpa Khüthak Zang-e hünzom a zi ang tomüi. Ikoxlechu hünzom ku kax ma laxle tüikyabu ang ku mün mama fapu.

ISAIA 1:31

Wünpua pikyae tsaxsa ma wün apütle zokle ashunkya ningle, tüle zax-zangle tüikya khünakbu, alüile ma ochax khokho ma max angkya thama apongüi; ija thama owaechu tsyenle tui ang chithoüi

MÜNCHUAK-TSAI 110:6

Chixe jat-libu bama kaxfün faüi ilaxle zantam ma mangbue awangle chang ang tomüi; zangfang angkya wanghombu to chixe lütüi.

ISAIA 1:28

Ikoxlechu chix füi alün-aloxle hia ochax lyenle changkyabu pangwüi chixe zutle akhixüi; ilaxle chix pongle chikople tüikyabu pangwüi chixe mik-amütüi.

ISAIA 5:25

Chix khünaknu füi Jowanpa ang mongmale, ilaxle hwom to sikangün angkya hanpakma chixe chak thüidaoa. Haxnubu sile aloxüi, ilaxle opang zile paolax puix ibu mang a tingjang lomnu to oma-oshix awütkya ningle ngoüi. Ile changkox-ngaxchu Jowanpa mongtsik münbak, ikhoma sikngün fa ang chix chak thüile wüi ngoüi.

ISAIA 24:20

Chaxwannu jaojao jutokmix ningle-khokhele changüi ilaxle zangchei thoto homsa sile aloxkya ningle sile aloxüi. Chaxwannu to ija ochaxbue sheple anguaküi ilaxle ija otuechu laoxle chizole changüi.

ISAIA 26:11

Nang zanpabue nange hwom to sikangün angkya le müntik. Jowanpa, hwom ang zak akopkox ilaxle sikngün ang tomkox; nange hwom hanpak ang achwonle thomkya zothup ma hwom sikngün ang tomkox. Hwom hama nange nang khünaknu to chemtukux mongünpuix ahokox.

ISAIA 34:3

Hwom mangbu a münakhünüi, ikoxle ikhato thüile shanle tamchu sumle pao ang tomüi; ilaxle haxhuabu a aji füi khile changüi.

ISAIA 51:8

hwom a saxe saxdaokya nyi-za ningle samle paoünüi! Ikoxle kue koxkya khosün a jento ngoüi; kue lütkya a othuithui hanpak changpu.”

ISAIA 48:22

“Ochax khünakbu hanpakma azang angkya olom müntüi”, le Jowanpae thüile.