ISAIA 66:22 - OTSAO BAIBEL (BSI)

²² “Chaxwannu hozün hia zangkangting hozün kutsak kuzong makhange chemle ngopuix, ilailaile hünzom sixli hia hünzom münbu a othuithuima ngoüi.

ISAIA 66:22 ပူးပေါင်းရင်းမြစ်များ

ISAIA 65:17

Jowanpae thüi: “Kue hozün chaxwannu hia hozün zangkhotingbu zingle ngole. Thochi ma changle ledaokyabu pangwüi alak angkya changpu.

MIKNGÜN-OHÜN 21:1

Ifüima kue hozün zangkangting hia hozün chaxwannu ngün. Pongwang angkya zangkangting hia pongwang angkya chaxwannu samle max, üntoxle tinu amua le max.

2 PITAR 3:13

Ikoxlechu kem a Zange tsao daokya: Hozün zangkangting hia hozün chaxwannu, ojong khato otsaobu ngoüihex, ija hanpakma tanle nuipu.

MATHI 28:20

Kue hünzom hama apuakya pangnu kax ma laxle tüi angkya hwom hama anokox. Üntoxle hulax! Ku hünzom füi chaxwannu oshuk kople othuithuima ngoüi.”

ISAIA 48:19

Hünzom su-sa hwom a sak-tsang bütale tüiüi, ilaxle kue ibu otuechu chiama angkya zingle tsuakse.”

ISAIA 51:16

Zangdingkhobu kue pünle danpu ilaxle chaxwannu chifün zingle danpu; Kue Jerusalem ang thüipu: ‘Nang a ku khünaknu changpu! Kue nang a ku hwon-nwot koxdaoa, ilaxle nang kue ku chak füi sünle koppu.’”

ISAIA 53:10

Jowanpae thüi: “Chix sikngün angkya a ku mongtex changkya; chix zikya a thailak atak angkya hanpakma tö tuita changkya. Ikhoma chixe chix sixlibu ngün ang kopüi; chix a tsünlo-khothole ngoüi, ilaxle chix makhange ku mwottho tsuakle changüi.

ISAIA 56:5

hünzom ang su-sa chitüile changkoxchu hünzom münbu a ku Zangshwom-Hom ma münalak. Hünzom a otuechu alakle münasam.”

ISAIA 61:8

Jowanpae thüi: “Kue sukya kaxfün to mongkünle ilaxle mix to afang thomkya hia mütkopkya thua anule. Kue ku khünaknu to mong athokya chitüile hingho koxüi Ilaxle oshuk chitüikya Tsaotsüt hwom füi thomüi.

ISAIA 61:9

Chaxwannu nok khama hwom a fuale wünüi; Hwom ngünkya pangnusae awanle changüi Hwom a kue mohimankya khünaknu changle le.”

ISAIA 65:23

Hwome mokkya mwottho ma tsuakle hüikya tüiüi, ilaxle hwom su-sa hwom füi thama apongkya müntüiüi. Kue othuithuima hwom tamchu hwom su-sa hwom to mohimanle ngoüi.

ZEFANIA 3:20

Hanpak a hüile ngole! Kue nang khünaknu afale sam ngokyabu hom to apüiüi; kue nang chaxwannu pangnu khato wüi zangle wün ang tomüi ilaxle nang a tamchatle ahak-aluale chang ang tomüi.” Jowanpae akaxdaoa.

ISAIA 59:21

Ilaxle kue hünzom füi tsaotsüt tuita thompu: Kue hünzom ang ku tsak-zong hia hwon-nwot othuithui hanpak ang koxdaoa, ilaxle athax a hünzome ku kax ma lax angkya wüi ilaxle othuithuima ku kax ma laxle ngo angkya hanpakma hünzom su-sa hia hünzom sixlibu hama anwot-anole changüi.”

JEREMIA 33:20

“Ibu othuithuima tex-tyale thomkya tuthüt ma hüi angkya hanpakma kue zangnak hia zangngai füi tsaosaxpu; ija ku tsaotsüt otuechu pünle ama ang müntho angkya changle.

JEREMIA 33:21

Ija lailaile kue ku dapa Dawid füi chix sixli makhange jento Israel nok ma wanghom tüile ngo angkya tsaopu, ilaxle hwome jento ku thothale chang angkya hanpakma Liwi homjen zompu-zangpa hwom füi tsaosaxpu; ilaxle ija tsaosüt a otuechu ama ang münthoüi.