ISAIA 66:2 - OTSAO BAIBEL (BSI)

² Zangfang a ku jaoe zingle alaikya changpu! Puinaikya füi tamchu künlop-monglüi laxle, opange ku thuaza tamchu kax ma laxle tüilaxpuix, ibu füi ku ang mongzom müikya tüile.

ISAIA 66:2 ပူးပေါင်းရင်းမြစ်များ

ISAIA 57:15

“Ku a jento ngokya Khüthak tamchu otsao Zang changpu. Ku a atsuakya khato tamchu otsao nui to ngole, ikoxle kue a puinaile tüikya hia künlop-monglüile tüikyabu füichu ngopu, ija a hwom mongong hia monghom achatle koxtsuak angkya hanpakma.

MÜNCHUAK-TSAI 34:18

Jowanpa a mong atholaxle ngokyabu hama soxle tüile; mongtex asamlaxle ngokyabu pangnu chixe sünle kople.

MÜNCHUAK-TSAI 51:17

O Zang, puinaikya ku chasa a ku tö changpu; puinaikya hia mong alüixkya ku künmong nange pongle chikople müntüiüi.

FILIPI 2:12

Ikhoma ku mongkün zuikhuibu, ku hünzom füi tomle tüipongma hünzome ku kax ma laxle ngohomkya ningle, ku hünzom füi atsaile ngopongma sisile hünzome ku kax ma laxle ngokya sümüi. Hünzom khosün okho angui ang za-nga le ilaxle abün ngale omok-omok mokkox;

WANWÜNKAX 28:14

Othuithuima Jowanpa kax ma laxlax ikoxle nang mongmüile ngoüi. Ikoxle nang a nakhwop chikexkya mix jangchang, nange thama apongüi.

MÜNCHUAK-TSAI 138:6

Nang a thak to tüle tsuale tüiünbachu, nange puipa-naipa hwom to hume, ilaxle ongam füikyabu nang miksho angkya azwonle azang ang chitho.

MÜNCHUAK-TSAI 119:120

Nang khoma ku zale; chemthüikoxle nang kaxfün thoto ku zakyae awangle.

ISAIA 66:5

Jowanpae chem akaxpuix ija to apalax, hünzom chix chathua zakyabu tamchu chix kax ma laxle ngokyabu: “Chemthüikoxle hünzom ma ku to mongongkya tüile, hünzom khünak züizüie hünzom to miktsakle ilaxle hünzom füi tomle mok angkya mwot hwom ma chemchu müntüi. Hwome hünzom chanyi ilaxle thüi: ‘Jowanpae chix chuak-chongkya naxahokox ilaxle hünzom khosünle naxchang kox, ikoxtix kwome hünzom mongmüikya ngünüi.’ Ikoxlechu hwom a hwom alüile thajaokya tüiüi!

ISAIA 61:1

Jowanpa Khüthak Zang-e ku chix Chasa füi awang. Chixe ku zünle kop ilaxle tsanle apao Chitüi-chinang khünakbu hato kaxho müikya apüi ang, Künmax-mongshanle ngokyabu mong azün ang, Kople thomkyabu hato dan angkya kax apuk ang Ilaxle kun ma thomkyabu hato alai angkya kaxho ang.

IZRA 10:3

Athax kwome Zang tunthoma ibu shekobu hia naosom apao angkya shingmongle tsaotsüt angkya changle. Nang üntoxle Zang kaxtom kax ma laxle tüikyabue kwom ang adangle fakya kwome moküi. Zang Wanlom ma chemle tüipuix ile kwome moküi.

HABAKUK 3:16

Ijabu pangwüi kue atat, ilaxle ku zale abün; zakyae ku tunpün abün. Ku tsangtsa ma jao-jao zong chitüile chang, ilaxle ku chitong ma chikho thu. Hanpak nguile hüikya thatanle ku dangjale ngoüi kem to single hüikyabu to Zang-e sikangünle changpongma.

MÜNCHUAK-TSAI 119:161

Tsakzongle tüikya khünakbue chemngax chichangkya khato ku to sing, ikoxlechu kue nang wanlom chathua zapu.

IZRA 9:4

Ku ikhama mongmaxle tsomfüi tö kox angkya hanpak nguikya kople thungle ngo, ilaxle khünaknu ku akhople asox ang süt. Ibu a, zanda ang ngokya chatkya Israel khünakbu hanpakma Israel nok Zang-e, hwom ochax thama bama akaxkya atatlaxle abüt-abanle tüikya khünakbu changkya.

ISAIA 40:26

Zangdingkho to angakle huhu! Hünzome ngünkya lyettsibu owae zing? Owae ibu süpahibu ningle azuile tüipuix, chixe ibu obi tüipuix awanle ilaxle pangnusa ang mün ma nyakle! Chix tsak-zong a tüle chongle — ibu khama tuita chu münmax-münsam!

KOLOSI 1:17

Pangnuli thoto wüi Khrista tüikya, üntoxle chix füi notom laxle pangnu li ang ma chifün tüi.

WANGSHEMBU MWOT 9:6

ikoxlechu nang zolax üntoxle tingkhua to donglax; ikhato nange chemle moküi hex ija owawae apuale faüihex”, le ija kaxzinge thüi.

MATHI 12:6

Kue hünzom ang thüipu, zangshwom-hom füi ngaxchu süchongkya ikhama tüile.

WANGSHEMBU MWOT 7:50

Kue ibu pangwüi, mae zingkya münchangkox hia?

WANWÜNKAX 29:23

Ma kax ma chilaxlaxba le thütkyae nang thomle adütüi, ikoxle nang a puinaile jangtüi, nang chathua zaüi.

HOSIA 11:10

“Kue hwom zanpabu to mailang ngao ma ngaole achua pongma ku khünaknu a ku füima azüi angkya changle. Hwom a hannop chitokya ku hato nonokhaile nguiüi.

MIKA 6:8

Ile münchang, Jowanpae chem müipuix ija kem hama apuadaoa. Chixe kem angkya laxse tsukya a ija changle: chem supuix ija mok angkya, chithwon mongkün angkya, ilaxle kem Zang füi puinaikya notom-tusüi ma ngo angkya.

1 WANGHOMBU 21:29

“Ahap-e chix lailai to ku tong to chemle puinaile changpuix nange ngüncha? Chixe ile changkya khoma kue thama chix hato, chix ozün ma ngotanto münapüi, ikoxle Ahap hwom homkha hato kue thama apüi angkya a chix sasün tsünto tix changpu.”

2 WANGHOMBU 22:10

Anaole chu chixe thüi: “Ija a Hilkiah-e koxkya laipex changle.” Ilaxle chixe ija, wanghompa-e atat ang akhongle e-le aho.

2 WANGHOMBU 22:11

Chemtue wanghompa-e ija laipex ele lekya atatle laxpuix, chix ang mongma ilaxle chix nyi akyet,

MÜNCHUAK-TSAI 51:19

Ifüima nange koxse olom ma koxkya töbu füi mongmüi ang kopüi üntoxle chu zokle ashunkya kwom töbu füi; ilaxle maihupongbu a nang tö-tsap ma tö koxüi.

ISAIA 41:20

Khünaknue ibu ngünle laxüi ilaxle awanüi ija a, Jowanpa, kue mokkya changle le. Hwome tsingle lax angkya hato hüiüi ilaxle ija a Israel nok otsao Zang-e mokkya changpule.”