ISAIA 66:14 - OTSAO BAIBEL (BSI)

¹⁴ Hünzome chemtue ile changkya ngünüihex, hünzom ang mongmüiüi. Ijae nang tsak-zongle tamchu tsangtsa fan müile ngo ang tom. Ifüima, Jowanpa, kue ku kax ma laxle ngokyabu to kue fongle hüikya, ilaxle ku zanpabu hato ku mongtsik ahokya hünzome awanle hüiüi.”

ISAIA 66:14 ပူးပေါင်းရင်းမြစ်များ

ZEKARIA 10:7

Israel angkya khünaknu a süpahibu lailaile tsak-zong füi tüiüi, grepti-ju lingdaokyabu ningle hwom ang mongmüiüi. Hwom su-sabue ija zan to lütkya jento texle ataküi ilaxle Jowanpae chem mokdaopuix ija khoma hwom ang mongmüikya tüiüi.

IZRA 8:31

Ahawa Tilom dantoxle laxle Jerusalem to pao ang kwom achexkya a pongwang lükya lyetjang nyixbün anyi nyixkha changkya. Kwom Zang a kwom füi tüikya. Chixe kwom zanpabue ziakople hungokya chak tokya khosünle lomjang fole azui.

IZRA 8:22

Kwom nye angkya hanpakmale chongwangpa ma süpahibu ju angkya ku zongto tuita zakkop ang changle süt, chemthüikoxle chix to mongong tüikya khünak pangnusa to Zang-e mohimanle, ikoxlechu chix hato tok ahole paokyabu to chixe sikngün fa angkya changle le kue chix hama wünle kopdao koxle.

WANWÜNKAX 17:22

Mongmüile ngokyae nang tsangtsa fanmüile thomüi. Othuithuima mongsik-ngünlanle ngokya a zaze-zazele zi ang tomkya changpu.

WANWÜNKAX 3:8

Nange ile jangmok thüiningle, ija a müikya hinghai tuita ningle changüi. Ijae nang mak amüiüi ilaxle luakle kakkya adangüi.

IBRI 10:27

Itülüi, atale toxkya pangwüi a hüiüi tüikya kaxfün üntoxle Zang füi opüima ngokyabu amüt angkya khomatsikkya wün hüi angkya thua zangale tanngo angkya tix wüi changle.

JUHAN 16:22

Ija lailaile athax a hünzom hanpakma mongma tüile; ikoxlechu kue hünzom chatle ngün ang kopüi, ija pongma hünzom ang mongmüi hüiüi, ija mongmüi a hünzom angkya owaechu pale pao ang chithoüi.

MALAKI 3:18

Otsao khünakbu hia ochax khünakbu chemle mali-mali changpuix, ku thothakya hia ku tho chithakya khünak to chemle mali-mali changpuix, ija nyi bama anaolechu kue süile awan ang kox.”

ISAIA 66:5

Jowanpae chem akaxpuix ija to apalax, hünzom chix chathua zakyabu tamchu chix kax ma laxle ngokyabu: “Chemthüikoxle hünzom ma ku to mongongkya tüile, hünzom khünak züizüie hünzom to miktsakle ilaxle hünzom füi tomle mok angkya mwot hwom ma chemchu müntüi. Hwome hünzom chanyi ilaxle thüi: ‘Jowanpae chix chuak-chongkya naxahokox ilaxle hünzom khosünle naxchang kox, ikoxtix kwome hünzom mongmüikya ngünüi.’ Ikoxlechu hwom a hwom alüile thajaokya tüiüi!

ISAIA 58:11

Ilaxle kue hünzom jento azuiüi ilaxle müikya oli pangwüi füi hünzom ang mongzom müi ang tomüi. Kue hünzom a tsak-zongle tamchu müimüi-zangngaile ngo ang tomüi. Hünzom a ti okhonguile tüikya tsawatkha lailaile changüi, tamchu zople chipaokya shuasa jajen ningle changüi.

ISAIA 26:19

Ziünkya kem khünakbu tamchatle azangüi! Hwom tsangtsa azangle chatüi. Hwom opang zukting ma jiple ngotüipuix ibu zolaxle mongmüile tsai ngaoüi. Nyenti atsitle saikyae chemle chaxwantok azün ang tompuix, ija ningle Jowanpae kaiwüi zile ngoünkyabu azün ang tomüi.

ISAIA 10:5

Jowanpae thüi: “Asiria! Kue Asiria a ku mongtsikle tüikyabu to sikngün fa angkya hanpakma tuita kiathox ang twonpu.

IZRA 8:18

Zang chingcha tokhange hwome kwom hato Sherebiah, mwotjan fang khünak tuita, Mahli saxthom angkya Liwi sün tuita akat; chix füi tomle sasün hwom 18 ilaxle hotüi honao hwom hüi.

ISAIA 13:5

Hwom a tsailo nok haxtua-zangnam tokyabu nguile ngokya changle. Mongtsik ashukle Jowanpa a onok pangwüi amüt ang nguile ngole.

ISAIA 26:20

Hünzom ma homkhabu to dongkox, ku khünakbu, ilaxle hünzom tokfüi ma kabu hakdao. Zang mongtsik akaile hünzom onox ma azwonle ngokox.

ISAIA 30:27

Jowanpa tsak-zong hia fuazangkya a tsailo tokhange ngün ang tsuaküi. Wün hia wünkhute chix mongtsik ahole. Chixe zangwünle, ilaxle chix kaxe wüne zokkya ningle zokle.

ISAIA 33:20

Zaion to hulax, keme zanglom pangpwonbu saxle ngokya tingnu a. Jerusalem to hulax! Ikha a chemningle chaza angkya chemchu chitüile ngo ang amüikya kha ang changüihex! Ija a otuechu chiachex, lakbu otuechu chisuk tamchu ija zubu otuechu chifünle jongta khama ajingle ngokya nyihom ningle changüi.

ISAIA 34:2

Jowanpa ang chaxwannu nok hia hwom süpahibu füi mongmale. Chixe hwom max angkya hanpakma ahaile changdaoa.

ISAIA 35:2

Mongmüi atungle sak-haxe tsai ngaole akhongüi; ija a Lebanon Haxnu tukuxle osün müiüi Karmel hia Sharon nyi haxtok ningle haxzao füi tüiüi. Jowanpa ahak-aluakya noknusae ngünle laxüi, chix chuak-chongkya hia tsak-zong ngünle laxüi.

ISAIA 41:20

Khünaknue ibu ngünle laxüi ilaxle awanüi ija a, Jowanpa, kue mokkya changle le. Hwome tsingle lax angkya hato hüiüi ilaxle ija a Israel nok otsao Zang-e mokkya changpule.”

ISAIA 42:13

Jowanpaa naomüipa tuita ningle azan ang kale; zanhok ma apong ang chix achwonle tamchu mongtsule tüile. Chixe tinglyetle, ilaxle zan-o zan-ole akhongle; chix zanpabu hato chixe chix tsak-zong ahole.

MÜNCHUAK-TSAI 107:42

Otsao khünakbue ija ngünlelax ilaxle mongmüi, ikoxlechu ochax khünakbu a pangwüi adang.

ISAIA 59:18

Tsailo nok to ngokyabu to ngaxchu, chix zanpabu to chixe hwom thaikya olom ma sikngün fa angkya changle.