ISAIA 66:13 - OTSAO BAIBEL (BSI)

¹³ Honu tuitae masa mong asomkya ningle, Jerusalem ma kue hünzom mong amüiüi.

ISAIA 66:13 ပူးပေါင်းရင်းမြစ်များ

2 KORIN 1:4

Chixe kem sikngün pangnu to fongle hüi. Idaile, fongkya ija Zange kem ang fakya füi, kemechu mix, sikngün ma ngokyabu to fong ang tsuakle.

1 THESALONIKA 2:7

Khrista wangshembu ningle kwome hünzom atsang ang those, ikoxle kwome ija chilom. Ikoxle kwom hünzom füi ngotanto, nao honu tuitae naosa akox-akomkya ningle, kwom a somdangle tüikya.

ISAIA 51:3

“Kue Jerusalem hato chingcha ahoüi, ija pündaokya khama ngokya pangnusa to. She haxtok a sak-hax chang koxlechu, kue ija a tsawatkha ang achangüi, Kue Eden ma zingkya tsawatkha lailaile. Künsom-mongmüi ima tüile ngoüi, ilaxle ku achuakle hia münchong fale ngaokya tsaibu a.

ISAIA 40:1

Zang-e akax: “Ku khünaknu mong asomkox, hwom mong asomkox!

ISAIA 66:10

Jerusalem füi mongmüikox; she hanpakma pwonla dongkox, ija tingnu to mongkünle tüikya hünzom pangnusae! Athax she füi tomle mongmüikox, hünzom she hanpakma sople ngokyabu pangwüi!

MÜNCHUAK-TSAI 137:6

Kue nang texle chiatak thüiningle, ku mongmüi akhokya tuita ang kue nang bama chiajang thüiningle, kue tamchatle tsai ngao ang chithole naxchang!

2 KORIN 1:3

Chingchae awangkya Hopa, Zang, owa makhange fongkya oli pangnu hüipuix, ija Zang tamchu kem Jowanpa Jisu Khrista Hopa ang keme münchong fahax, oman!

MÜNCHUAK-TSAI 94:19

Chemtue ku monge sungle tamchu abüt-abanle changpuix, nange ku ang mong asom ilaxle mong amüi.

ISAIA 12:1

Khünaknue tsaingao angkya hanpak tunu nguile ngole, “Kue nang achuakpu, Jowanpa! Nang a ku füi mongtsikle ngokya, ikoxle athax nange ku mong asom ilaxle ku füi mongtsikkya chitüi.

ISAIA 40:2

Jerusalem angkya khünakbu ang mong achenkox. Hwome okuilole jao sikngün apongdaoa ilaxle athaxpi hwom ochaxbu thailak tüidaoale thüikox. Kue hwom to hwom ochaxbu khoma okhonguile sikangündaoa.”

ISAIA 49:13

Tsai ngaokox, zangdingkhobue! Mongmüile akhong kox, chaxwannue! Haxnubu ozing alaile tsai ngaokox! Jowanpae chix khünaknu mong asomüi; sikngün ashukle ngokya chix khünakbu to chixe chingchaüi.

ISAIA 51:12

Jowanpae thüi: “Hünzom tsak-zongle chang ang tomkya a ku changpu. Zile sam angkya thua hünzom büthüikoxle za angkya, hingzang tsün tukux ngaxchu chilo angkyabu thua a?