ISAIA 66:12 - OTSAO BAIBEL (BSI)

¹² Jowanpae thüi: “Kue hünzom hato okuilole ngo angkya ahak-aluakya apüile faüi; chaxwannu nok angkya tuina hünzom hato otuechu chizopkya shuajen ningle jenle nguingoüi. Nang a, tüle künkak mongkün füi ma ahui-jak ma pailaxle honue tuitae apu-achangle hume thomkya nao ningle changpu.

ISAIA 66:12 ပူးပေါင်းရင်းမြစ်များ

ISAIA 60:16

Chaxwannu nok hia wanghombue hünzom to humele Nao honu tuitae naosa to humekya ningle a. Hünzom a, Ku, Jowanpae sünle kopkya changpule hünzome tüküi, Israel nok Khüthak Zang-e hünzom dankya changpule a.

ISAIA 48:18

“Hünzome ku kaxtombu kax ma laxle jangchang! Hünzom hanpakma mohiman a thokle-thokle jense chemtuechu chizopkya shuasa jajen ningle a! Hünzome zan to lütkya tüise tinu kax to tichap hüikya ningle a.

ISAIA 45:14

Jowanpae Israel nok füi akax, “Ijip hia Etheopia angkya tuina hünzom kux ang changüi, ilaxle Seba angkya tomchong hualo khünakbu a hünzom dabu ang ngoüi; janbüi füi hwome hünzom mantole changüi. Hwome hünzom chitong ma akhuxlaxle ngaiüi, ‘Zang a hünzom füi tüile — Zang a chix tix changpu.

ISAIA 66:11

Naosa tuita honu tsomti thoto mongmüikya ningle, She ahak-aluakya ma hünzome mongmüi ataküi.

ISAIA 61:6

Ilaxle hünzom a Jowanpa nguapabu le awan ang kopüi, Kem Zang dapabu a. Hünzome chaxwannu nok tuina lax ang kopüi Ilaxle ibu a hünzom kux changpule angasomkya tüiüi.

ISAIA 54:3

Hünzome hünzom longzi pangnu chito wüi achenle zingüi; hünzome hünzom haxtok achatle kopüi athax pongma mixnoke kople thomkya haxtok a. Athax awütle thomkya tingnubu a khünake awangüi.

ISAIA 9:7

Chix chongwang janzüi a chong ang chong ang sütüi; chix wangting a jento tumüi-mongsom ma ngoüi. Chixe Wanghompa Dawid mantswon chongwang ningle apünüi, changkya hia sukya a chix tsak-zong chifün ang laxüi, athax makhange oshuk hanpak alople. Jowanpa Khüthak Zang-e ibu pangwüi mok angkya mongzang wündaoa.

ISAIA 9:6

Kem ang naosa tuita puxdaoa! Kem ang sasün tuita koxdaoa! Ilaxle chix a kem lompa ang changüi. Chix ang a: “Ohünotün Mongjang zukya” “Khüthak Zang”: “Oshuk chitüi Hopa”, “Tumüi Wanghompa”, le amünüi.

ISAIA 26:3

Jowanpa, nange okhonguikya mongsom fahüi hwom mongtex shingmongle thomkyabu ang a tamchu nang to mongongle tüikyabu ang a.

ISAIA 33:21

Jowanpae chix fuazang kem hato ahoüi. Kem a shuanu khaokyabu hia shuasabu zui ma ngoüi, ikoxlechu zan-nokbu khua ikhato münahamüi.

ISAIA 54:13

“Nang khünaknu to ku jaojaoe anwot-anole changüi ilaxle hwom ang ahak-alua angkya hia mongsom koxüi.

ISAIA 59:19

Handün hia hannop pangnu chitokhange noknusae chix hia chix tsak-zong bama atat ang kopüi. Chix a tichap ningle tamchu zongkya zangchei tuita ningle nguiüi.

JEREMIA 33:6

Ikoxlechu ija tingnu hia ima tüikya khünaknu okak-olak pangwüi kue zingle achatkoxüi. Kue hwom hato okhonguikya mongsom hia zazyen angkya chitüile ngo angkya chingcha ahole koxüi.

HAGAI 2:9

Zangshwom-Hom hozün a hozang füi ataitoxle osün müile tüiüi. Ikhato kue ku khünaknu ang ahak-aluakya hia tumüi-lomkhaole ngo ang tomüi.” Jowanpa khüthak Zang-e akaxdaoa.

ISAIA 14:2

Jowanpae hwom ang koxkya haxtok to chat angkya hanpakma Israel khünakbu to mixjat-mixlibue huanuma fongle changüi, ilaxle ikhato mixnokbue da tuita ningle Israel nokbu thothale changüi. Amipongma opang Israel noke kople changdaopuix ibu athax Israel noke kopüi, ilaxle amipongma hwom to zothuple thomkya khünakbu thakma Israel khünakbue apünle ngoüi.