ISAIA 61:7 - OTSAO BAIBEL (BSI)

⁷ Hünzom thünzak hia chie-chisekya pangwüi ashuküi. Hünzom a ma haxtok ma ngo ang kopüi, Ilaxle hünzom tuinabu a othom anyie nuile changüi; Hünzom mongmüi ma oshuk müntüitoxüi.

ISAIA 61:7 ပူးပေါင်းရင်းမြစ်များ

JOB LAIPEX 42:10

Ifüima, Job-e hozui hwom mixsün azom hanpakma zangjople chang füima, Jowanpa chix tamchatle saxpu-luawang ang achang ilaxle amipongma tüikya to othom anyie nüile chix to mohiman.

ZEKARIA 9:12

Zanda ang ngokyabu, hünzom opang ma monghom tüilaxpuix, chatlax; chem chazakya chitüile ngo angkya nang ngwotnui to chatlax. Athax kue akaxpu, hünzome sikngün apongdaokya to othom anyie nüile kue mohimanüi.

ISAIA 40:2

Jerusalem angkya khünakbu ang mong achenkox. Hwome okuilole jao sikngün apongdaoa ilaxle athaxpi hwom ochaxbu thailak tüidaoale thüikox. Kue hwom to hwom ochaxbu khoma okhonguile sikangündaoa.”

MÜNCHUAK-TSAI 16:11

Khüzün lom to alyet angkya lomtang nange ku hama ahoüi; nang womle tüikya ma ku mongmüie awang üntoxle othuithuima ku ang mongmüi apüi.

2 WANGHOMBU 2:9

Ikhato Elija-e Elisha ang thüi: “Ku nang ha angkya mapaoba, kue nang hanpakma chem moküi akaxlax.” Elisha-e lan: “Chingchalaxle ku a nang tsak-zong mantswon mix ang achang kox.”

ISAIA 51:11

Nange opang khosünle koppuix hwome mongmüi-pwonlale Jerusalem alopüi, ilaxle mongmüi atungle tsaingaole akhongüi. Hwom a othuithuima mongmüi-pwonlale ngoüi, othuithuima mongtsik hia mongma füi atsai laxle a.

2 KORIN 4:17

Üntoxle ija onox ma kwome apongkya sikngüne, ija sikngün to nüile, kwom hato apyen ang jao chitsuakkya, chibak toxkya fuazang apüi angkya changle.

ISAIA 35:10

Hwome Jerusalem mongmüi atungle alopüi, pwonla dongle tsai ngaole akhongle-a. Hwom a jento mongmüi-pwonlale ngoüi, othuithui hanpak ang künthang-mongdang füi atsaile a.

MATHI 25:46

Ifüima hwom a oshuk chitüikya zothup nui to apaoüi; ikoxle otsaobu a oshuk chitüikya khüzün khato paoüi.”

2 THESALONIKA 2:16

Kem Jowanpa Jisu Khrista chix jaojao tamchu kem Hopa Zang, owae kem to mongkün puix üntoxle chix chingcha makhange chithai jaokya mongchyen hia shingmongkya mongong falaxpuix,

TSAITONG-KAXTONG 21:17

Tüichongsa a chix mongkünnu sasün chichang koxlechu, chix a tingtok süntswon tomtome nüile kox angkya oli changpu. Hopae ija nao a Zang-e sasün tüichongsa ang fakya nao changpule e-sekya ahole kopsese chix tsyen komle kox angkya changpu.

MÜNCHUAK-TSAI 126:5

Opange mikfi-tunjile saxtsang saipuix, hwome mongmüi atungle saxzüt ang kopüi!

ISAIA 54:4

Hünzom taxza — hünzom a tamchatle münawüt; hünzom a thajao-wünhaile münchang. Tuito jukya chazünsa ningle hünzome hünzom mongong chitüikya, ilaxlechu thanu tuita ningle ma tata alakdao angkya changle.

ISAIA 60:21

Hünzom khünak pangnusae chem supuix ija moküi, Ilaxle ija haxtok a hünzome jento kople thomüi. Ibu kue küi-thwompu, kue zingle alaipu, Noknusa hato ku chongkya aho ang.

ISAIA 65:13

Idaile kue hünzom ang thüipu, opange ku to shwompuix tamchu ku kax ma laxle tüipuix, ibu ang sax angkya hia ling angkya okhonguile tüiüi, ikoxlechu hünzom a wokno tilanle wüi ngoüi. Hwom ang mongmüile tüiüi, ikoxlechu nang a chilaxle ahaiüi.

ZEKARIA 8:12

Hwome mongsom ma manzaile changüi. Hwom zubu ma grep ziaküi, haxtoke saxziak alaiüi, ilaxle zangwat ti okhonguile tüiüi. Ota toxle tüikya kujat kuli khünakbu ang kue ibu mohiman koxüi.

ISAIA 60:15

“Athax a hünzom to chie-chisekya hia anukya müntüiüi, Khünak owachu chingole awütle toxkya tingnu tuita a. Kue nang a chongle tamchu osün müile zingüi, Jento mongmüi-pwonlale ngokya onui ang achangüi.

ZEFANIA 3:19

Hanpak a hüile ngole! Kue hünzom to zothuple ngokyabu to sikngün ang tomüi; chafai mixbu kue komle azünüi ilaxle zandabu hom to chatle apüiüi. Hwom zakkop kue münchong ang achangüi, ilaxle chaxwannu pangnue hwom achuaküi.