ISAIA 61:6 - OTSAO BAIBEL (BSI)

⁶ Ilaxle hünzom a Jowanpa nguapabu le awan ang kopüi, Kem Zang dapabu a. Hünzome chaxwannu nok tuina lax ang kopüi Ilaxle ibu a hünzom kux changpule angasomkya tüiüi.

ISAIA 61:6 ပူးပေါင်းရင်းမြစ်များ

LAIPAO 19:6

ku hanpakma atsaole thomkya khünaknu ang changüi. Zompu-zangpabu ningle hünzome ku thothale changüi.”

1 PITAR 2:5

Ozün ma tüikya longbu ningle hünzom chix hato hüilaxle, Jisu Khrista makhange Zange pongle koptsuakkya lima chasa tö koxkya khato otsao nguapabu ang achang ang tamchu chasa zangshwom-hom zing angkya to hünzom twon ang laxkox.

1 PITAR 2:9

Ikoxlechu zangnaknu khatokya khompua atsikkya zangngai hato Zang ohünotün mwotbu apuk-apua angkya hanpakma kamle kopkya jat-li, chongwang nguapabu, otsao ting-nok, Zang zongto ma khünaknu a hünzom changle.

ISAIA 66:21

Kue hwom züizüi a nguapabu ang tamchu Liwi hwom angle zingüi.

MIKNGÜN-OHÜN 20:6

Ija pongwang lükya zidaokya azangle zokya khama womkyabu a tüle mongmüi tamchu mohiman changle. Anyi lükya zike hwom to chemthüi ang müntho; hwom a Zang hia Khrista nguapabu ang achangüi, ilaxle hwome chix füi tomle zangpua hajat tuita apünüi.

MIKNGÜN-OHÜN 5:10

Nange hwom, kem Zang thotha angkya kuxma, zommixbu wangting ang zingdaoa; hwome chaxwannu ma apün-adaüi.”

2 KORIN 11:23

Hwom Khrista dabu changpuix nyi? Kue ongat ningle akaxpu: ikoxle ku wüi hwom füi sümüikya da tuita changpu! Hwom füi süchongle kue wüi mokdaoa, ku kun to obi thomthom ma hexle ngodaoa, zu füi ku towüi süchongle fitdaoa ilaxle obi thomthom ma hexle bazizio le azangkya changpu.

1 KORIN 4:1

Zang huxsa otsao to hume ang kamkya Khrista dabu changpu le hünzome kwom bama ajang angkya changle.

2 KORIN 6:4

Itülüi, sikngün tuitai ilaxle thangdangkya pangnu ma adukya tokhange, kwome mokkya oli pangnu lom ma kwom a Zang dabu changpu le ahopu.

1 KORIN 3:5

Jangchang thüiba, Apolo a owa? Üntoxle Pol a owa? Kwom nang, hünzom mongong hato zunle ahüi angkya hanpakma ngokya Zang da muakyabu changwüi. Kwom pangnusasae wüi Zange ma ang akoxkox mwot mokwüi.

ROM NOK HATO ZAKYA POL LAIZA 12:1

Idaile, kutüi-kunaohom, Zang chingcha chongkya khoma, kue hünzom zongsaipu: Chix mwottho ma atsaole hia chix mongzom müikya lima, ma alüile ozün ma tö laxkox. Nange fase lükya otsingtsing zangshwom a ija changle.

EZEKEL 14:11

Israel noke ku chilaxle chiawüt angkya tamchu hwom ochaxbu tokhange hwom chitsaokya ang chiachang angkya hanpakmale kue ile mok angkya changpu. Hwom a ku khünaknu ang changle ngo angkya, ilaxle ku a hwom Zang ang changle ngo angkya changpu.” Ija a Jowanpa Khüthak Zang-e akaxdaoa.

ISAIA 66:12

Jowanpae thüi: “Kue hünzom hato okuilole ngo angkya ahak-aluakya apüile faüi; chaxwannu nok angkya tuina hünzom hato otuechu chizopkya shuajen ningle jenle nguingoüi. Nang a, tüle künkak mongkün füi ma ahui-jak ma pailaxle honue tuitae apu-achangle hume thomkya nao ningle changpu.

ISAIA 23:18

Thalex laxle she-e kopkya ngun a Jowanpa hanpak ang atsaole danüi. She-e ija athünle münthomüi, ikoxle Jowanpa to shwomkya khünakbue hwom hanpakma laxsese süt hia nyizabu shak ang twonüi.

MIKNGÜN-OHÜN 1:6

Chixe kem to mongkün, üntoxle tö koxle chix zikya makhange chixe kem ochax tokya da üntoxle chix Zang tamchu Hopa thotha ang kem ma nguapabu wangting zingle. Fuazang hia tsakzong othuithuima Jisu Khrista, chix kux wüi naxchang. Amen.

ISAIA 56:6

Chix khünaknu ang achangle hüilaxle chix to mongkün tamchu chix thotha ilaxle nazak nyix atsaole nui üntoxle chiale le chix kaxtombu thomle tüikya mixnokbu füi Jowanpae akax:

TSAITONG-KAXTONG 18:2

Hwome mama homjenbu lailaile haxtok münkopüi; ikoxle Jowanpae tsaodaokya ningle, zompu-zangpabu ang achangle Jowanpa thotha angkya a hwom süntswon changpu.

ISAIA 54:3

Hünzome hünzom longzi pangnu chito wüi achenle zingüi; hünzome hünzom haxtok achatle kopüi athax pongma mixnoke kople thomkya haxtok a. Athax awütle thomkya tingnubu a khünake awangüi.

JEREMIA 33:18

ilaxle ku ang zokle ashunkya tö, saxziak tö hia mama töbu koxle ku thotha-manzai angkya hanpakma Liwi homjen angkya zompu-zangpabu jento tüile ngo angkya kue tsaopu.”